ކައުންސިލްތަކުގެ އިންތިޚާބު ބޭއްވެންދެން މިހާރު އޮތް ކައުންސިލްތަކުގެ ދައުރު ދެމިގެންދާ ގޮތަށް ޤާނޫނުއަސާސީއަށް ގެނެސްފައިވާ އިޞްލާޙު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު މިއަދު ތަސްދިގު ކުރައްވައިފި އެވެ.
ރައީސް އޮފީހުގެ ތަރުޖަމާނު އިބުރާހިމް ހޫދު ވިދާޅުވީ ޤާނޫނު ނަންބަރު 22/2019 (ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް 5 ވަނަ އިޞްލާޙު ގެނައުމުގެ ޤާނޫނު) އަށް އިޞްލާޙު ގެނައުމުގެ ބިލު، ރައީސް ސޯލިހް މިއަދު ތަސްދީގު ކުރައްވާފައިވާ ކަމަށެވެ.
ރައްޔިތުންގެ މަޖިލީހުން އެބިލް ފާސްކުރައްވައި އަދި ރައީސުލްޖުމްހޫރިއްޔާ އެ ބިލު ތަސްދީގު ކުރެއްވުމާއެކު، މިހާރު ހިނގަމުންދާ ކައުންސިލްތަކުގެ ދައުރު މިވަނީ، އައު ކައުންސިލްތަކުގެ އިންތިޚާބު ބާއްވައި އަލަށް އިންތިޚާބުވާ ކައުންސިލަރުން މަގާމާއި ހަވާލުވާންދެން އިތުރުކުރެވިފައެވެ. ރޭ ދަންވަރު ބޭއްވި ރައްޔިތުންގެ މަޖިލީހުގެ ދެ ވަނަ ދައުރުގެ ދެ ވަނަ ޖަލްސާގައި ޤާނޫނުއަސާސީއަށް އިޞްލާޙު ގެނައުމަށް ފާސްކޮށްފައި ވަނީ ވޯޓުގައި ބައިވެރިވެ ވަޑައިގެންނެވި 74 މެންބަރުންގެ އިއްތިފާޤުން ނެވެ.
ރައްޔިތުންގެ މަޖިލީހުން އެބިލް ފާސްކުރައްވައި އަދި ރައީސުލްޖުމްހޫރިއްޔާ އެ ބިލު ތަސްދީގު ކުރެއްވުމާއެކު، މިހާރު ހިނގަމުންދާ ކައުންސިލްތަކުގެ ދައުރު މިވަނީ، އައު ކައުންސިލްތަކުގެ އިންތިޚާބު ބާއްވައި އަލަށް އިންތިޚާބުވާ ކައުންސިލަރުން މަގާމާއި ހަވާލުވާންދެން އިތުރުކުރެވިފައެވެ. ރޭ ދަންވަރު ބޭއްވި ރައްޔިތުންގެ މަޖިލީހުގެ ދެ ވަނަ ދައުރުގެ ދެ ވަނަ ޖަލްސާގައި ޤާނޫނުއަސާސީއަށް އިޞްލާޙު ގެނައުމަށް ފާސްކޮށްފައި ވަނީ ވޯޓުގައި ބައިވެރިވެ ވަޑައިގެންނެވި 74 މެންބަރުންގެ އިއްތިފާޤުން ނެވެ.
ކިޔުންތެރިންގެ ހިޔާލު