އެސްއެސްސީ އިމްތިހާނުގެ ދިވެހި ޕޭޕަރު 1 އަލުން ޕްރިންޓުކުރަން ނިންމާފައިވާ ކަމަށް ޑިޕާޓްމަންޓް އޮފް ޕަބްލިކް އެގްޒަމިނޭޝަނުން ބުނެފި އެވެ.

ޑިޕާޓްމަންޓް އޮފް ޕަބްލިކް އެގްޒަމިނޭޝަނުން މިއަދު ބުނީ މިއަހަރުގެ އެސް.އެސް.ސީ އިމްތިހާނުގެ ދިވެހި ކަރުދާސް 1 ޕްރިންޓްކުރުމުގައި މައްސަލައެއް ދިމާވެފައިވާ ކަމަށެވެ. އަދި އެކަމުގެ ސަބަބުން އެކަރުދާސް އަލުން ޕްރިންޓްކުރުމުގެ މަސައްކަތް ކުރަމުންދާކަމަށް ޑީޕީއީން ވަނީ ބުނެފައެވެ.

ޑީޕީއީން ބުނީ ކަނޑައެޅިފައިވާ ތާރިޚްގައި އިމްތިހާނު ދިނުމުގެ އިންތިޒާމުތައް ހަމަޖައްސަމުން ގެންދާ ކަމަށެވެ. އެސްއެސްސީ އިމްތިހާނުގެ ދިވެހި ޕޭޕަރު 1 އިމްތިޙާނު ބޭއްވުމަށް ހަމަޖެހިފައިވަނީ މާދަމާ ހެނދުނު 9:00 ގައެވެ.

މިއަހަރުގެ އެސް.އެސް.ސީ އިމްތިހާނުގެ ދިވެހި ކަރުދާސް 1 ޕްރިންޓްކުރުމުގައި ދިމާވެފައިވާ މައްސަލައެއްގެ ސަބަބުން މި ކަރުދާސް އަލުން ޕްރިންޓްކޮށް ކަނޑައެޅިފައިވާ ތާރިޚްގައި އިމްތިހާނު ދިނުމުގެ އިންތިޒާމުތައް ހަމަޖައްސަމުން ގެންދާވާހަކަ ދެންނެވީމެވެ.

— Department of Public Examinations (@dpemv) June 4, 2022

މިއަހަރުގެ އޯލެވެލް އިމްތިޙާނުގައި ޖުމްލަ 5939 ދަރިވަރުން ބައިވެރިވެއެވެ. އެސްއެސްސީ އިމްތިޙާނުގެ އިސްލާމް މާއްދާ ނިމިފައިވާއިރު، މާދަމާ އޮންނާނި ދިވެހީގެ އެއްވަނަ ޕޭޕަރެވެ. ހޯމަ ދުވަހު އޮންނާނީ ދެވަނަ ޕޭޕަރެވެ. އޯލެވެލް އިމްތިހާން ނިމޭނީ މި މަހުގެ ދިހަ ވަނަ ދުވަހުއެވެ.

2021 ވަނަ އަހަރުގެ ދިރާސީ އަހަރުގެ ކިޔެވުން ނިންމާލުމަށް ތަޢުލީމީ ދާއިރާއިން ތައްޔާރުވަމުން އަންނައިރު މިއަހަރުގެ ކިޔެވުންފަށާފައި ވަނީ މިދިޔަ އަހަރުގެ އޯގަސްޓް މަހުގެ 10 އެއްގައެވެ.