ރާއްޖެއަށް މިހާތަނަށް ގެނައި އެންމެ ބޮޑު އާގުބޯޓު، ގައުމީ ޝިޕިން ކުންފުނި، މޯލްޑިވްސް ސްޓޭޓް ޝިޕިން (އެމްއެސްއެސް) އިން ގެނެސްފިއެވެ.
އެމްއެސްއެސްއަކީ ރާއްޖެއަށް އެތެރެކުރާ މުދާ ވީހާވެސް ހެޔޮ އަގެއްގައި ގެނެވޭނެ މަގު ފަހިކުރުމަށްޓަކައި ސަރުކާރުން އުފައްދާފައިވާ އެސްޓީއޯގެ ސަބްސިޑަރީ ކުންފުންޏެކެވެ. އެ ކުންފުނީގެ އަމިއްލަ އެންމެ ބޮޑު ބޯޓު ގެންނަން އުޅޭކަން މިދިޔަ އަހަރު ފަހުކޮޅު، އެސްޓީއޯގެ މެނޭޖިންގ ޑިރެކްޓަރ އަމްރު ވަނީ ހާމަ ކުރައްވާފައެވެ.
މި ބޯޓު މިއަދު ރާއްޖެ ގެނެސްފައިވާއިރު، މޯލްޑިވްސް ޕޯޓްސް ގެ ފަރާތުން ވަނީ އާ ބޯޓަށް ވޯޓަރ ސެލިއުޓެއް އަރުވާފައެވެ. އެމްއެސްއެސްއިން ބުނީ، މިއީ ކަނޑުބޯޓެއްގައި ދިވެހިރާއްޖޭގެ ދިދަ ވިހުރެން ހުންނާނެ އެންމެ ބޮޑު ބޯޓު ކަމަށެވެ.
މި ބޯޓަށް ދީފައިވާ ނަމަކީ، އެމްއެސްއެސް ކްރޮމްއެވެ. މި ބޯޓުގައި ފަޅުވެރިންގެ ގޮތުގައި 23 މީހަކު ހަރަކާތްތެރި ވާނެއެވެ. އަދި ބޯޓު ރާއްޖެއަށް އައިސްފައި ވަނީ ރާއްޖެއަށް އެތެރެ ކުރި 41،500 މެޓްރިކް ޓަނުގެ ހިލަވެއްޔާއި ވެލި ހިފައިގެން ކަމަށް އެމްއެސްއެސް އިން ބުނެއެވެ.
އަމްރު މީގެ ކުރިން ވިދާޅުވެފައިވަނީ، ހުއްޓިފައި އޮތް ގައުމީ ޝިޕިން ލައިންގެ ހިދުމަތް އަލުން ފަށައިގަނެ ހިންގަން ފެށުމަކީ ރާއްޖޭގެ އިގްތިސޯދަށް މަންފާ ކުރަމުން އަންނަ ކަމެއް ކަމަށެވެ. އަދި އެ ކުންފުންޏަށް އަލަށް ގެނައި 45000 މެޓްރިކްޓަނުގެ ބޯޓަކީ އިމާރާތްކުރުމުގެ ސިނާއަތައް ބޭނުންވާ ތަކެތި ގެނައުމަށް ހާއްސަ ބޯޓެއް ކަމަށާއި މި ބޯޓުގެ މަސައްކަތްތައް ފެށުމުން ރާއްޖޭގައި އިމާރާތްކުރުމުގެ ސިނާއަތައް ބޭނުންވާ ތަކެތި ހެޔޮ އަގުގައި ލިބެން ހުންނާނެކަމަށް އޭރު އަމްރު ވަނީ ވިދާޅުވެފައެވެ.
2020 ވަނަ އަހަރުގެ އޭޕްރީލް މަހުގެތެރޭގައި ހިދުމަތްދޭން ފެށި މޯލްޑިވްސް ސްޓޭޓް ޝިޕިން ކޮމްޕެނީ ޕްރައިވެޓް ލިމިޓެޑަކީ އެސްޓީއޯގެ 99.99 އިންސައްތަ ހިއްސާވާ ކުންފުންޏެކެވެ. ބާކީ އޮތް 0.01 އިންސައްތައަކީ ފިއުލް ސަޕްލައިސް މޯލްޑިވްސް ޕްރައިވެޓް ލިމިޓެޑުގެ ހިއްސާއެވެ.
މި ބޯޓު މިއަދު ރާއްޖެ ގެނެސްފައިވާއިރު، މޯލްޑިވްސް ޕޯޓްސް ގެ ފަރާތުން ވަނީ އާ ބޯޓަށް ވޯޓަރ ސެލިއުޓެއް އަރުވާފައެވެ. އެމްއެސްއެސްއިން ބުނީ، މިއީ ކަނޑުބޯޓެއްގައި ދިވެހިރާއްޖޭގެ ދިދަ ވިހުރެން ހުންނާނެ އެންމެ ބޮޑު ބޯޓު ކަމަށެވެ.
މި ބޯޓަށް ދީފައިވާ ނަމަކީ، އެމްއެސްއެސް ކްރޮމްއެވެ. މި ބޯޓުގައި ފަޅުވެރިންގެ ގޮތުގައި 23 މީހަކު ހަރަކާތްތެރި ވާނެއެވެ. އަދި ބޯޓު ރާއްޖެއަށް އައިސްފައި ވަނީ ރާއްޖެއަށް އެތެރެ ކުރި 41،500 މެޓްރިކް ޓަނުގެ ހިލަވެއްޔާއި ވެލި ހިފައިގެން ކަމަށް އެމްއެސްއެސް އިން ބުނެއެވެ.
MSS is proud to announce that largest vessel ever to fly Maldivian flag has safely arrived Male' Port. We thank @Portmv for the warm welcome with the water salute on her maiden call. pic.twitter.com/GrQ2WOSEx5
— Maldives State Shipping (MSS) (@stateshippingmv) June 7, 2022
2020 ވަނަ އަހަރުގެ އޭޕްރީލް މަހުގެތެރޭގައި ހިދުމަތްދޭން ފެށި މޯލްޑިވްސް ސްޓޭޓް ޝިޕިން ކޮމްޕެނީ ޕްރައިވެޓް ލިމިޓެޑަކީ އެސްޓީއޯގެ 99.99 އިންސައްތަ ހިއްސާވާ ކުންފުންޏެކެވެ. ބާކީ އޮތް 0.01 އިންސައްތައަކީ ފިއުލް ސަޕްލައިސް މޯލްޑިވްސް ޕްރައިވެޓް ލިމިޓެޑުގެ ހިއްސާއެވެ.
ކިޔުންތެރިންގެ ހިޔާލު