ދިވެހި ފަނޑިޔާރުންގެ ޖަމްއިއްޔާގެ ރައީސްކަމަށް ސުޕްރީމް ކޯޓުގެ ފަނޑިޔާރު އަލްއުސްތާޛު ހުސްނުއްސުއޫދު ޢައްޔަން ކޮށްފިއެވެ.
ފަނޑިޔާރުންގެ ޖަމްއިއްޔާގެ ރައީސްކަމުގެ މަޤާމަށް ހުސްނުއްސުއޫދު އައްޔަންކޮށްފަައި މިވަނީ އެމަޤާމުގައި ހުންނެވި ހައިކޯޓުގެ ފަނޑިޔާރު އަލްއުސްތާޛު ޢަބްދުއްރައޫފު އިބްރާހީމް ފަނޑިޔާރުކަމުގެ މަގާމުން އިސްތިޢުފާ ދެއްވުމާއި ގުޅިގެންނެވެ.
އޭނާ އެ މަގާމުން އިސްތިޢުފާ ދެއްވީ މިދިޔަ މަހުގެ 31 ވަނަ ދުވަހުއެވެ.
ފަނޑިޔާރުންގެ ޖަމްއިއްޔާގެ ރައީސްކަމުގެ މަޤާމަށް ސުޕްރީމް ކޯޓުގެ ފަނޑިޔާރު ހުސްނުއްސުއޫދު އައްޔަން ކުރެއްވުމަށް ނިންމެވީ ފަނޑިޔާރުންގެ ޖަމުއިއްޔާގެ ހިންގާ ކޮމެޓީންނެވެ. އަދި ޖަމުއިއްޔާގެ ހިންގާ ކޮމެޓީން ނިންމި ގޮތަށް ޖަމްއިއްޔާގެ ރައީސްކަން ސުއޫދު ވަނީ ގަބޫލުކުރައްވާފައެވެ.
ފަނޑިޔާރުންގެ ޖަމްއިއްޔާގެ މައިގަނޑު މަޤްޞަދަކީ، ފަނޑިޔާރުންގެ މުސްތަޤިއްލުކަން ޙިމާޔަތް ކުރުމަށް މަސައްކަތް ކުރުމާއި ފަނޑިޔާރުންގެ މިނިވަންކަމާއި މުސްތަޤިއްލުކަން ދެމެހެއްޓުމަށް މަސައްކަތްކުރުމާއި އެމީހުންގެ އިމްތިޔާޒުތައް ޙިމާޔަތްކުރުމަށް މަސައްކަތް ކުރުމެވެ.
އޭނާ އެ މަގާމުން އިސްތިޢުފާ ދެއްވީ މިދިޔަ މަހުގެ 31 ވަނަ ދުވަހުއެވެ.
ފަނޑިޔާރުންގެ ޖަމްއިއްޔާގެ މައިގަނޑު މަޤްޞަދަކީ، ފަނޑިޔާރުންގެ މުސްތަޤިއްލުކަން ޙިމާޔަތް ކުރުމަށް މަސައްކަތް ކުރުމާއި ފަނޑިޔާރުންގެ މިނިވަންކަމާއި މުސްތަޤިއްލުކަން ދެމެހެއްޓުމަށް މަސައްކަތްކުރުމާއި އެމީހުންގެ އިމްތިޔާޒުތައް ޙިމާޔަތްކުރުމަށް މަސައްކަތް ކުރުމެވެ.
ކިޔުންތެރިންގެ ހިޔާލު