ރާއްޖެ އިން މިއަދު އިތުރު 11 މީހަކު ކޯވިޑް-19 އަށް ޕޮޒިޓިވްވެ، ބަލިޖެހިފައިވާ 69 މީހުން ރަނގަޅުވެއްޖެއެވެ.

އެޗްޕީއޭ އިން ބުނީ މިއަދު ރާއްޖެއިން ކޯވިޑް-19 އަށް ޕޮޒިޓިވްވެފައި ވަނީ 08 ދިވެހިންނާއި، ބަނގްލަދޭޝްގެ 03 މީހުން ކަމަށެވެ.

އެޗްޕީއޭ އިން މިރޭ އާންމުކުރި މިމައުލޫމާތަކީ ރޭ އިރުއޮއްސި 18:00 އިން ފެށިގެން މިއަދު އިރުއޮއްސި 18:00 އާއި ހަމައަށް ކޯވިޑް-19 އަށް ޕޮޒިޓިވްވި މީހުންގެ މައުލޫމާތެވެ.

މިއަދު ޕޮޒިޓިވްވި 11 މީހުންނާއެކު ރާއްޖެއިން ބައްޔަށް ޕޮޒިޓިވް ވެފައިވާ މީހުންގެ އަދަދު 1883 އަށް ވަނީ އަރާފައެވެ. މިއަދު ބަލިން ރަނގަޅުވި 69 މީހުންނާއެކު ރާއްޖެ އިން ކޯވިޑް-19 ޖެހުނު މީހުންގެ ތެރެއިން ބަލިން ރަނގަޅުވި މީހުންގެ ޖުމްލަ އަދަދު ވަނީ 717 އަށް އަރާފައެވެ.