ރާއްޖެއިން އެމެރިކާއަށް ކަނޑައަޅާފައިވާ ސަފީރު ތިލްމީޒާ ހުސައިންގެ ބަދަލުގައި އެމަޤާމަށް ފޮރިން މިނިސްޓްރީގެ އެމްބެސެޑަރ އެޓް ލާޖް ޢަބްދުޣަފޫރު މުހައްމަދު ޢައްޔަނު ކުރުމަށް ސަރުކާރުން ނިންމައިފިއެވެ.
އަބްދުލް ޣަފޫރު އެމެރިކާ ސަފީރުގެ މަޤާމަށް ޢައްޔަނުކުރުމަށް ބޭނުންވާ މަޖިލީހުގެ ރުހުން ހޯދުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ވަނީ މަޖިލީހުގެ މިއަދުގެ ޖަލްސާއަށް ހުށައަޅުއްވާފައެވެ. އަބްދުލް ޣަފޫރު މީގެ ކުރިން ވަނީ ރައީސް މުޙައްމަދު ނަޝީދުގެ ސަރުކާރުގައިވެސް އެމެރިކާގައި ހުންނަވާ ދިވެހި ސަފީރުކަން ކުރައްވާފައެވެ.
މިއަދު ބޭއްވި ރައްޔިތުން މަޖިލީހުގެ ޖަލްސާގައި ޖަޕާނުގައި ހުންނަވާ ދިވެހި ސަފީރު ހަސަން ޞާބިރު، ކޮރެއާގެ ނޮން ރެޒިޑެންޝަލް ސަފީރަކަށް އައްޔަނުކުރުމަށާއި ބެލްޖިއަމަށާއި އީޔޫގައި ހުންނަވާ ދިވެހި ސަފީރު އުމަރު އަބްދުއްރައްޒާގް ނެދަލެންޑްސްގެ ނޮން ރެޒިޑެންޝަލް ސަފީރަކަށް ހަމަޖައްސަން، މަޖިލީހުގެ ރުހުން ހޯދުމަށްވެސް ރައީސް ޞާލިޙު ވަނީ ފޮނުއްވާފައެވެ.
މިއަދުގެ ޖަލްސާގައި ރައީސް ފޮނުއްވި ނަންފުޅުތައް ދިރާސާކުރުމަށް މަޖިލީހުގެ ޚާރިޖީ ކޮމިޓީ އަށް ވަނީ ފޮނުވާފައެވެ.
މިއަދުގެ ޖަލްސާގައި ރައީސް ފޮނުއްވި ނަންފުޅުތައް ދިރާސާކުރުމަށް މަޖިލީހުގެ ޚާރިޖީ ކޮމިޓީ އަށް ވަނީ ފޮނުވާފައެވެ.
ކިޔުންތެރިންގެ ހިޔާލު