ކޯވިޑް-19 ޖެހިގެން ރާއްޖެއިން އިތުރު މީހަކު މިއަދު ނިޔާވެއްޖެއެވެ.

ޢެޗްޕީއޭއިން ބުނީ ކޯވިޑް ޖެހިގެން މިއަދު 38 އަހަރުގެ ބަންގުލަދޭޝް މީހަކު މަރުވެފައިވާ ކަމަށެވެ. ކޯވިޑް ޖެހިގެން މިއަދު 09.25 ހާއިރު އޭނާ މަރުވެފައިވަނީ ހާލު ވަރަށް ބޮޑަށް ދެރަވެ އައިޖީއެމްއެޗް ގެ އައިސީޔޫގައި ފަރުވާ ދެމުންދަނިކޮށް ކަމަށް އެޗްޕީއޭއިން މައުލޫމާތުދެއެވެ.

މި މިމަރާއެކު ރާއްޖެއިން ކޯވިޑް-19ގައި މަރުވި މީހުން އަދަދު ވަނީ 8 އަކަށް އަރާފައެވެ.

ރާއްޖެއިން މިހާރު ބަލި ޖެހުނު މީހުންގެ އަދަދު ވަނީ 1883 އަށް އަރާފައެވެ. މިހާރު ބަލިޖެހިފައި ތިބީ 1158 މީހުންނެވެ.

ރާއްޖެއިން ބަލި ޖެހުނު މީހުންގެ ތެރެއިން ރަނގަޅު ވެފައިވަނީ 716 މީހުންނެވެ.