އަލްމަދަރުސަތުލް ޢަރަބިއްޔަތުލް އިސްލާމިއްޔާގެ އާ އިމާރާތް އެޅުމަށް، ބާ ޖަމާލުއްދީން އިމާރާތް ތަޅާމުގެ މަސައްކަތް ފަށައިފިއެވެ.

ތަޢުލީމާބެހޭ ވަޒީރު ޑރ. އައިޝަތު އަލީ މިއަދު ވިދާޅުވީ އަރަބިއްޔާ ސްކޫލު އެޅުމަށް ބާ ޖަމާލުއްދީން ތަޅާލުމުގެ މަސައްކަތް މިއަދު ފަށާފައިވާ ކަމަށެވެ.

އަލްމަދަރުސަތުލް ޢަރަބިއްޔަތުލް އިސްލާމިއްޔާ ހިންގަމުންދިޔަ ޢިމާރާތުގައި ރެނދުލައި އެޢިމާރާތުގެ ރައްކާތެރިކަން ކުޑަވުމާ ގުޅިގެން އެ މައްސަލައިގެ ދާއިމީ ޙައްލަކަށް މިހާރުގެ ބާޖަމާލުއްދީން ހުރި ގޯތި ތެރޭގައި ޖާގައިގެ ގޮތުން މިހާރަށްވުރެ ތަނަވަސް އައު އިމާރާތެއް އެޅުމަށް ސަރުކާރުން ނިންމަވާފައިވާކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ވިދާޅުވެފައެވެ.

ٱلْحَمْدُ لِلَّٰهِ
The work of the new @Arabiyya_School begins. pic.twitter.com/AHUL9L1ZB0

— Aishath Ali (@aisthly) June 16, 2022

2011 ވަނަ އަހަރުގެ ތެރޭގައި އިމާރާތްކުރި ޢަރަބިއްޔާގެ އާ އިމާރާތް ބޭނުންކުރަންފެށީ 2013 ވަނަ އަހަރުއެވެ. ނަމަވެސް އެ އިމާރާތުގެ ބޮޑު ބައިގައި ވަނީ ރެނދު ލައިފައެވެ. އެމަައްސަލައިގައި އަރަބިއްޔާގެ ބެލެނިވެރިންގެ ހުރި ކަންބޮޑުވުންތަކަށް ހައްލެއް ލިބުނީ ރައީސް ޞާލިޙާއެކު ބޭއްވި ބައްދަލުވުމަށް ފަހުއެވެ.

އަރަބިއްޔާ ހިންގަމުންދިޔަ ޢިމާރާތުގައި ރެނދުލައި އެޢިމާރާތުގެ ރައްކާތެރިކަން ކުޑަވުމާ ގުޅިގެން ދާއިމީ ޢިމާރާތުގެ މަސައްކަތް ނިމެންދެން ސުކޫލު ވަގުތީ ގޮތުން، ފޮރިން މިނިސްޓްރީ ހިންގި އިމާރާތަށް ވަނީ ބަދަލުކޮށްފައެވެ.