އެއްޖިންސުން ގުޅުން ހިންގި މައްސަލަތަކުގެ ރިޕޯޓް މިއަހަރުގެ މާރޗް މަހު ފުލުހުންނަށް ލިބިފައިވާ ކަމަށް އެސިސްޓެންޓް ކޮމިޝަނަރ އޮފް ޕޮލިސް މުހައްމަދު ރިޔާޒް ވިދާޅުވެއްޖެއެވެ.
މިއަދު މެންދުރު ބޭއްވި ނޫސްވެރިންގެ ބައްދަލުވުމުގައި އެސިސްޓެންޓް ކޮމިޝަނަރ އޮފް ޕޮލިސް މުހައްމަދު ރިޔާޒް ވިދާޅުވީ، މިހާރު ޢާއްމުވެފައިވާ ވީޑިއޯތަކުގައި ހިމެނޭ އެއްޖިންސުން ގުޅުން ހިންގުމުގެ މައްސަލަތަކަކީ މިދިޔަ މާރޗް މަހު ފުލުހުންނަށް ކޮންމެވެސް ވަރަކަށް މައުލޫމާތުތަކެއް ލިބިފައިވާ މައްސަލައެއް ކަމަށެވެ.
ރިޔާޒް ވިދާޅުވީ އެ މައްސަލައިގެ ރިޕޯޓް ލިބުމާއި ގުޅިގެން ފުލުހުން ގެންދިޔައީ މި ބާވަތުގެ މައްސަލަތަކުގައި ފުލުހުން ބޭނުން ކުރަން ޖެހޭ އުކުޅުތައް ބޭނުންކޮށްގެން ތަހުގީގުގެ މަސައްކަތްތަކެއް ކުރަމުން ކަމަށެވެ. އެއް ޖިންސުން ގުޅުން ހިންގުމަކީ ގާނޫނީ ގޮތުން ބޮޑު އަދަބު ކަނޑައެޅިފައިވާ ކުށަކަށްވާތީ އެ މައްސަލަ ތަހުގީގު ކުރަމުންދާ ކަމަށް ރިޔާޒް ވިދާޅުވިއެވެ.
ރިޔާޒް އިތުރަށް ވިދާޅުވީ މިހާރު ޢާއްމުވެފައިވާ ވީޑިއޯތަކުގައި ހިމެނޭ ފަރާތްތައް ހައްޔަރު ކުރަން ޖެހޭ ފަދަ ހާލަތެއް އައުމުން ހައްޔަރުކުރާނެ ކަމަށެވެ. އަދި މިހާރު ބަޔަކު ހައްޔަރުކޮށްފައި ނުވިނަމަވެސް އެކަމުގައި އެއްވެސް ނުފޫޒެއް ނެތް ކަމަށާއި އިޖުރާޢަތްތަކާ އެއްގޮތަށް ތަހުޤީޤު ކުރިއަށްދާކަމުގެ ޔަޤީންކަން އަރުވާކަމަށްވެސް ރިޔާޒް ވިދާޅުވިއެވެ.
ރިޔާޒް އިތުރަށް ވިދާޅުވީ މިހާރު ޢާއްމުވެފައިވާ ވީޑިއޯތަކުގައި ހިމެނޭ ފަރާތްތައް ހައްޔަރު ކުރަން ޖެހޭ ފަދަ ހާލަތެއް އައުމުން ހައްޔަރުކުރާނެ ކަމަށެވެ. އަދި މިހާރު ބަޔަކު ހައްޔަރުކޮށްފައި ނުވިނަމަވެސް އެކަމުގައި އެއްވެސް ނުފޫޒެއް ނެތް ކަމަށާއި އިޖުރާޢަތްތަކާ އެއްގޮތަށް ތަހުޤީޤު ކުރިއަށްދާކަމުގެ ޔަޤީންކަން އަރުވާކަމަށްވެސް ރިޔާޒް ވިދާޅުވިއެވެ.
ކިޔުންތެރިންގެ ހިޔާލު