މާލެ ސަރަހައްދުގައި ކޮވިޑު19 ފެތުރޭ މިންވަރު އިތުރުވެފައިވާތީ، ކުރިޔަށް އޮތް ބޮޑު އީދުގައި އާންމުން އެއްވެ އުޅޭ ކުޅިވަރުތައް ނުބާއްވަން ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނިންމައިފިއެވެ.
އެ ކޯޕަރޭޝަނުން މިއަދު ކުރި އިއުލާނެއްގައި ބުނެފައިވަނީ، 1443 ވަނަ އަހަރުގެ އަޟްޙާ އީދު ހުޅުމާލޭގައި ކުލަގަދަކޮށް ފާހަގަކުރަން ރާވާފައިވީނަމަވެސް، މި ދުވަސްވަރަކީ ކޮވިޑްގެ ޕޮޒިޓިވް ކޭސްތައް ރާއްޖޭގެ އެކި ހިސާބުތަކުގައި އިތުރުވެފައިވާ ދުވަސްވަރަކަށް ވާތީ ގިނަ މީހުން އެއްތަނަކަށް އެއްވެ އުޅޭ ހަރަކާތްތައް ނުބާއްވަން ނިންމާފައިވާކަމަށާއި، އެހެންކަމުން، އީދު ޝޯ އަދި ހަވާ އެރުވުން މިފަހަރު ނޯންނާނެކަމަށެވެ.
އެ ކޯޕަރޭޝަނުން މިފަދައިން ނިންމާފައިވާއިރު، ފާއިތުވި ހަފްތާގައި ޖުމުލަ 1202 މީހަކަށް ވަނީ ކޮވިޑް ޖެހިފައެވެ. އަދި އެ ބަލީގައި ބޮޑުވަރުވެ، 51 މީހަކަށް ހޮސްޕިޓަލްތަކުގައި ދަނީ ފަރުވާދެމުންނެވެ.
އެ ކޯޕަރޭޝަނުން މިފަދައިން ނިންމާފައިވާއިރު، ފާއިތުވި ހަފްތާގައި ޖުމުލަ 1202 މީހަކަށް ވަނީ ކޮވިޑް ޖެހިފައެވެ. އަދި އެ ބަލީގައި ބޮޑުވަރުވެ، 51 މީހަކަށް ހޮސްޕިޓަލްތަކުގައި ދަނީ ފަރުވާދެމުންނެވެ.
ކިޔުންތެރިންގެ ހިޔާލު