ލަންކާގެ ހާލަތަށް ރާއްޖެ ނުދިއުމުގެ އަސްލަކީ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ކަމަށް މަކުނުދޫ ދާއިރާގެ މެންބަރު މުޙައްމަދު ރާއީ ވިދާޅުވެއްޖެއެވެ.

ރައީސް ޞާލިޙަށް ވަރަށްބޮޑަށް ތަޢުރީފު ކުރަށްވަމުން މެންބަރު ރާއީ ވިދާޅުވީ ކޮވިޑުގެ އެންމެ ނާޒުކު ދަނޑިވަޅުގައި ރައީސް ޞާލިޙް ގައުމާއި ރައްޔިތުންގެ ހައްގުގައި އެޅުއްވި ހަރުދަނާ ފިޔަޅު ތަކަކީ، މިއަދު ލަންކާގެ ހާލަތަށް ރާއްޖެ ނުދިއުމުގެ އަސްލު ކަމަށެވެ.

"ވެރިއެއްގެ ކުފޫހަމަވެއެވެ." ރާއީ ވިދާޅުވެފައިވެއެވެ.

ކޮވިޑުގެ އެއްމެ ނާޒުކު ދަނޑިވަޅުގައި ރާއްޖޭގެ އިއްޒަތްތެރި ރައީސް @ibusolih ގައުމާއި ރައްޔިތުންގެ ހައްގުގައި އެޅުއްވި ހަރުދަނާ ފިޔަޅު ތަކަކީ،މިއަދު އަޅުގަނޑުމެން ނަށް ފެންނަމުންދާ އަވަށްޓެރި ގައުމު ލަންކާގެ ހާލަތަށް މިގައުމު ނުދިއުމުގެ އަސްލެވެ،ވެރިއެއްގެ ކުފޫހަމަވެއެވެ.🙏 pic.twitter.com/shXyEzs9kf

— Mohamed Raee / Makunudhoo Constituency (@Mraee12) July 10, 2022

އެމްޑީޕީގެ ޕާލިމެންޓްރީ ގުރޫޕްގެ މެމްބަރު މުހަންމަދު ރާއީ މީގެ ކުރިންވެސް ވިދާޅުވެފައިވަނީ، ތަރައްގީގެ ބާނީންނަކީ ރާއްޖޭގެ ވަކި ސަރަހައްދެއް ތަފާތު ނުކޮށް ކުޑައެއް ބޮޑެއް ނުބަލައި ހުރިހާ ހިސާބަކަށް ތަރައްގީ ގެނެސްދޭ ވެރިން ކަމަށެވެ.

އެފަދަ ވެރިއަކަށް ހުންނެވީ ރައީސް ޞާލިޙް ކަމަށް ވިދާޅުވެ ރާއީ ވަނީ މީގެ ކުރިންވެސް ރައީސް ޞާލިޙަށް ވަރަށް ބޮޑަށް ތައުރީފް ކުރައްވާފައެވެ.