މާލެއިން 17 އަހަރުގެ އަންހެން ކުއްޖަކު ގެއްލިގެން ހޯދަން ފަށައިފިއެވެ.

ކުއްޖާގެ ޢާއިލާއިން ބުނެފައިވަނީ މިމަހުގެ 10 ވަނަ ދުވަހުން ފެށިގެން 17 އަހަރުގެ އަންހެން ކުއްޖަކު ވީތަނެއްނޭނގި ގެއްލިފައިވާ ކަމަށެވެ. އަދި އެ ކުއްޖާ ހޯދުމުގެ މަސައްކަތް ފުލުހުންނާ ގުޅިގެން ކުރަމުން ގެންދާ ކަމަށްވެސް ޢާއިލާއިން މަޢުލޫމާތު ދީފައިވެއެވެ.

މިމަހުގެ 10 ވަނަ ދުވަހު މެންދުރު 2:30 ގައި އެކުއްޖާ ގެއިން ނިކުމެގެން ދިޔައިރު ލައިގެންހުރީ ކަޅު ކުލައިގެ ޓޮޕަކާއި ނޫކުލައިގެ ޖީންސެއް ކަމަށް ޢާއިލާއިން ވަނީ ބުނެފައެވެ. އަދި އެ ކުއްޖާއަކީ ބުރުގާ އަޅާ ކުއްޖެއްކަމަށްވެސް ޢާއިލާއިން ބުނެއެވެ.

ގެއްލިގެން ހޯދަމުންދަނީ އާމިނަތު ޒާރާ ރިޔާޒު ނަމަކަށްކިޔާ ކުއްޖެކެވެ.

MISSING PERSON, PLEASE HELP SHARE
Location: Male', Maldives

My sister Aminath Zara Riyaz (17 years old), has been missing since 10th of July. She left home at 2:30pm wearing a blue jeans, black top and hijab but did not return home that night. pic.twitter.com/dn0sQWPgGp

— layyariyaz (@layyyariyaz) July 12, 2022

މިކަމާ ގުޅިގެން ފުލުހުން ބުނެފައިވަނީ މާލެއިން 17 އަހަރުގެ އަންހެން ކުއްޖަކު ގެއްލިގެން މިމަހުގެ 10 ވަނަ ދުވަހު ފުލުހުންނަށް ރިޕޯޓް ކޮށްފައިވާ ކަމަށެވެ. އަދި އެކަމާ ގުޅިގެން ބަލަންޖެހޭ ކަންތައްތައް ބަލަމުން ގެންދާކަމަށް ފުލުހުން ވަނީ ބުނެފައެވެ.

ފުލުހުން ބުނީ ކުއްޖާ ހޯދުމުގެ މަސައްކަތްވެސް ކުރަމުން އަންނަކަމަށެވެ.