ދިއްފުށީގައި އޮންނަނީ އެދާއިރާގެ ރައްޔިތުންގެ މަޖިލީހުގެ މެންބަރު އިބްރާހިމް ނަސީމްގެ ރަންނަމާރި އުސޫލުތޯ އައްސަވައި ވިލިނގިލީ ދާއިރާގެ މެންބަރު ސައުދު ޙުސައިން ހޫނު ރައްދެއް ދެއްވައިފިއެވެ.
ދިއްފުށީގައި ހިންގި މާރާމާރީއެއްގައި ވިލިނގިލީ ރައްޔިތަކަށް ބޮޑެތި އަނިޔާތަކެއް ދީފައިވާތީ އެއީ ބަލައިގަނެވޭނެ ކަމެއް ނޫންކަމަށް މެންބަރު ސައުދު ހުސައިން މީގެ ކުރިންވެސް ވަނީ ވިދާޅުވެފައެވެ. އާއިލާއާ އެއްކޮށް ދިއްފުށްޓަށް ޗުއްޓީއަށް ދިޔަ އެ ޒުވާނާއަށް އަނިޔާކުރީ ކުޑަ ކުއްޖަކާއި ބެހުނުކަމަށް ބުނެއެވެ. އޭނާއަށް އަނިޔާކޮށްފައިވަނީ ބަރަހަނާކުރުމަށްފަހުއެވެ.
އެމައްސަލާގައި ތުލުސްދޫ ދާއިރާގެ މެންބަރު އިބްރާހިމް ނަސީމް ވިދާޅުވެފައިވަނީ ވިލިނގިލީ ރައްޔިތަކު ދިއްފުށީ ކުޑަކުއްޖަކަށް ޖިންސީގޯނާ ކުރީ "ނިރުބަވެރި" ކަމާއެކު ކަމަށެވެ. އަދި "ރަންނަމާރި ހެދިގެން" ރަށްރަށުގައި ނޫޅެވޭނެ ކަމަށް ނަސީމް ވިދާޅުވިއެވެ.
ނަސީމަށް ރައްދު ދެއްވަމުން ސައުދު މިއަދު ވަނީ ދިއްފުށީ ރައްޔިތުންވެސް ގެންގުޅެނީ މެންބަރު ނަސީމްގެ ރަންނަމާރި އުސޫލުތޯ ވިދާޅުވެ ސުވާލު އުފައްދަވާފައެވެ. ހަމަ އެއާއެކު ތުހުމަތެއް އުފެދުމުން ޤާނޫނީ ހަމަތަކުގެ ބޭރުން ޖަންގަލީގެ އުސޫލަށް ޢަމަލުކުރުމަކީ ދިއްފުށީ ރައްޔިތުންގެ ވިސްނުންތޯ ސަޢުދު ސުވާލު އުފެއްދެވިއެވެ.
"ޖަންގަލީގެ އުސޫލުން އިންސާނަކު ތަޅާމަރާ ކަތިލަން ދޫކޮށްލުމަކީ ހަމަ އެރަށުގެ ރައްޔިތުންނާއި އަމަން ބަލަހައްޓަން ތިއްބެވި ފުލުހުންގެ ވިސްނުންބާ!" ސަޢުދު ވިދާޅުވެފައިވެއެވެ.
ދިއްފުށީގައި އަނިޔާ ލިބުނު މީހާ ބުނި ގޮތުގައި އޭނާއަށް އެތައް ބަޔަކު ވެގެން އަނިޔާ ދެމުންދިޔައިރުވެސް ދިއްފުށި އެތައް ބަޔަކާއި ފުލުހުން ތިބީ މަންޒަރު ބަލަން ކަމަށެވެ. އަދި އެކަން ހުއްޓުވަން އެއްވެސް ވަރަކަށް ފުލުހުން މަސައްކަތް ނުކުރާކަމަށްވެސް އޭނާ ބުންޏެވެ. މީގެއިތުރުން މި އަމަލު ހިންގުމުގައި ފުލުހުންގެ ބައިވެރިވުން އޮތްކަމަށްވެސް ތުހުމަތުކުރެއެވެ.
ވިލިނގިލީ ޒުވާނާއަށް ޙަމަލާދީން މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ. ނަމަވެސް މާރާމާރީގެ ތެރޭގައި އެތަނުގައި ހުރި މީހަކު ފުލުހަކަށް ޙަމަލާދިން ކަމަށްބުނެ ފުލުހުންވަނީ 22 އަހަރުގެ ޒުވާނެއް ހައްޔަރުކޮށްފައެވެ.
އެމައްސަލާގައި ތުލުސްދޫ ދާއިރާގެ މެންބަރު އިބްރާހިމް ނަސީމް ވިދާޅުވެފައިވަނީ ވިލިނގިލީ ރައްޔިތަކު ދިއްފުށީ ކުޑަކުއްޖަކަށް ޖިންސީގޯނާ ކުރީ "ނިރުބަވެރި" ކަމާއެކު ކަމަށެވެ. އަދި "ރަންނަމާރި ހެދިގެން" ރަށްރަށުގައި ނޫޅެވޭނެ ކަމަށް ނަސީމް ވިދާޅުވިއެވެ.
ނަސީމަށް ރައްދު ދެއްވަމުން ސައުދު މިއަދު ވަނީ ދިއްފުށީ ރައްޔިތުންވެސް ގެންގުޅެނީ މެންބަރު ނަސީމްގެ ރަންނަމާރި އުސޫލުތޯ ވިދާޅުވެ ސުވާލު އުފައްދަވާފައެވެ. ހަމަ އެއާއެކު ތުހުމަތެއް އުފެދުމުން ޤާނޫނީ ހަމަތަކުގެ ބޭރުން ޖަންގަލީގެ އުސޫލަށް ޢަމަލުކުރުމަކީ ދިއްފުށީ ރައްޔިތުންގެ ވިސްނުންތޯ ސަޢުދު ސުވާލު އުފެއްދެވިއެވެ.
"ޖަންގަލީގެ އުސޫލުން އިންސާނަކު ތަޅާމަރާ ކަތިލަން ދޫކޮށްލުމަކީ ހަމަ އެރަށުގެ ރައްޔިތުންނާއި އަމަން ބަލަހައްޓަން ތިއްބެވި ފުލުހުންގެ ވިސްނުންބާ!" ސަޢުދު ވިދާޅުވެފައިވެއެވެ.
Dhifushi ga onnany @IbreyNaseem ge rannamāri usoolutho! @PoliceMv ?Thuhumatheh ufedhumun ekamah oi qānoony hamathah nagālā, jangalēge usoolun insānaku thalha marā kathilan dhookollumaky hama erashuge rayyithunai adhi aman balahattan thibbevi fulunge ves visnunbā?! #Justic4Shiham
— Saud Hussain MP (@SaudVillingili) July 20, 2022
ވިލިނގިލީ ޒުވާނާއަށް ޙަމަލާދީން މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ. ނަމަވެސް މާރާމާރީގެ ތެރޭގައި އެތަނުގައި ހުރި މީހަކު ފުލުހަކަށް ޙަމަލާދިން ކަމަށްބުނެ ފުލުހުންވަނީ 22 އަހަރުގެ ޒުވާނެއް ހައްޔަރުކޮށްފައެވެ.
ކިޔުންތެރިންގެ ހިޔާލު