ޚަރަދު ކުޑަކުރުމަށް އަޅާފިޔަވަޅެއްގެ ގޮތުން މިނިވަންދުވަހުގެ ފުޅަނދުބުރު ކެންސަލްކުރުމަށް ސަރުކާރުން ނިންމައިފިއެވެ.
ދުނިޔޭގެ ބާޒާރުގައި ތަކެތީގެ އަގު މައްޗަށް ދިއުމާއި ގުޅިގެން ހަރަދު ކުޑަކުރަން ފިޔަވަޅުތައް އެޅުމަށް ފިނޭންސް މިނިސްޓްރީން އަންގާފައިވަނިކޮށް މިނިވަންދުވަހުގެ މުނާސަބަތުގައި ފުޅަނދުބުރެއް ބޭއްވުމުގެ ތައްޔާރީތައް ހޯމް މިނިސްްޓްރީން ފެށިއެވެ. އަދި އެކަމާގުޅިގެން ގިނަބައެއްގެ ފާޑުކިއުން އެމިނިސްޓްރީއަށް ވަނީ އަމާޒުވެފައެވެ.
މަޢުލޫމާތު ލިބިފައިވާ ގޮތުގައި މިނިވަންދުވަހުގެ މުނާސަބަތުގައި ހޯމް މިނިސްޓްރީން މިހާރު ނިންމާފައިވަނީ ހަމައެކަނި ދިދަ ނެގުމުގެ ރަސްމިއްޔާތެއް ބޭއްވުމަށެވެ. އެރަސްމިއްޔާތު އޮންނާނީ އަންނަ އަންގާރަ ދުވަހުގެ ހެނދުނު ހައެއް ޖަހާއިރު ޖުމްހޫރީ މައިދާނުގައެވެ.
މާލޭގައި އެންމެ ފަހުން މިނިވަންދުވަހާ ގުޅިގެން ފުޅަނދުބުރެއް ބޭއްވީ މީގެ 3 އަހަރުކުރިން 2019 ވަނަ އަހަރުއެވެ. މިނިވަން ދުވަހާއި ގުޅިގެން ބާއްވާ ފުޅަނދު ބުރު ކެންސަލް ކޮށްފައިވާއިރު، ދުނިޔޭގެ ބާޒާރުގައި ތަކެތީގެ އަގު މައްޗަށް ދިއުމާއި ގުޅިގެން ހަރަދު ކުޑަކުރަން ފިޔަވަޅުތަކެއް އަޅަން ސަރުކާރުން ވަނީ މުއައްސަސާތަކަށް އަންގާފައެވެ.
މި ނިންމުން ނިންމައި، ފިނޭންސް މިނިސްޓަރު އިބްރާހީމް އަމީރު ސޮއި ކުރައްވާ ނެރެފައިވާ މާލިއްޔަތާބެހޭ ސާކިއުލާއެއްގައި ބުނެފައިވަނީ، މިހާރު ކުރިއަށްދާ ރަޝިއާ ޔޫކްރޭން ހަނގުރާމައާއި ގުޅިގެން ދުނިޔޭގެ ބާޒާރުގައި ތެލާއި ތަކެތީގެ އަގު ބޮޑުވުވުމުގެ ސަބަބުން، އާ މުވައްޒަފުން ނުނަގައި އަދި މުސާރަ ބޮޑުވާ ގޮތަށް ޕޮރޮމޯޝަން ވެސް ދިނުން ހުއްޓާލާ ގިނަ ފިޔަވަޅުތަކެއް އަޅަން ނިންމާފައިވާ ކަމަށެވެ.
އަދި ދައުލަތުގެ ހަރަދުތައް ދަނީ ކުރިން އަދާޒާކުރި މިންވަރަށްވުރެ މާ ބޮޑަށް އިތުރުވަމުން ކަމަށާއި އޭގެ ސަބަބުން ދައުލަތަށް ލިބޭނެ އާމްދަނީ އާއި ކުރަން ޖެހޭ ހަރަދު ދިމާނުވެ، އިތުރު ގޮންޖެހުންތައް ކުރިމަތިވެދާނެ ކަމަށް ލަފާކުރެވޭކަމަށްވެސް ބުނެފައިވެއެވެ. އެހެންކަމުން، މި ދަނޑިވަޅުގައި ބަޖެޓަށް ބުރަވާފަދަ ކަންކަން ނުކުރުމަކީ އެންމެ ރަނގަޅުގޮތް ކަމަށް ފިނޭންސްގެ ސާކިއުލާގައިވެއެވެ.
މަޢުލޫމާތު ލިބިފައިވާ ގޮތުގައި މިނިވަންދުވަހުގެ މުނާސަބަތުގައި ހޯމް މިނިސްޓްރީން މިހާރު ނިންމާފައިވަނީ ހަމައެކަނި ދިދަ ނެގުމުގެ ރަސްމިއްޔާތެއް ބޭއްވުމަށެވެ. އެރަސްމިއްޔާތު އޮންނާނީ އަންނަ އަންގާރަ ދުވަހުގެ ހެނދުނު ހައެއް ޖަހާއިރު ޖުމްހޫރީ މައިދާނުގައެވެ.
މާލޭގައި އެންމެ ފަހުން މިނިވަންދުވަހާ ގުޅިގެން ފުޅަނދުބުރެއް ބޭއްވީ މީގެ 3 އަހަރުކުރިން 2019 ވަނަ އަހަރުއެވެ. މިނިވަން ދުވަހާއި ގުޅިގެން ބާއްވާ ފުޅަނދު ބުރު ކެންސަލް ކޮށްފައިވާއިރު، ދުނިޔޭގެ ބާޒާރުގައި ތަކެތީގެ އަގު މައްޗަށް ދިއުމާއި ގުޅިގެން ހަރަދު ކުޑަކުރަން ފިޔަވަޅުތަކެއް އަޅަން ސަރުކާރުން ވަނީ މުއައްސަސާތަކަށް އަންގާފައެވެ.
އަދި ދައުލަތުގެ ހަރަދުތައް ދަނީ ކުރިން އަދާޒާކުރި މިންވަރަށްވުރެ މާ ބޮޑަށް އިތުރުވަމުން ކަމަށާއި އޭގެ ސަބަބުން ދައުލަތަށް ލިބޭނެ އާމްދަނީ އާއި ކުރަން ޖެހޭ ހަރަދު ދިމާނުވެ، އިތުރު ގޮންޖެހުންތައް ކުރިމަތިވެދާނެ ކަމަށް ލަފާކުރެވޭކަމަށްވެސް ބުނެފައިވެއެވެ. އެހެންކަމުން، މި ދަނޑިވަޅުގައި ބަޖެޓަށް ބުރަވާފަދަ ކަންކަން ނުކުރުމަކީ އެންމެ ރަނގަޅުގޮތް ކަމަށް ފިނޭންސްގެ ސާކިއުލާގައިވެއެވެ.
ކިޔުންތެރިންގެ ހިޔާލު