ރާއްޖެއިން އިތުރު 20 މީހަކު ކޯވިޑް-19 އަށް ޕޮޒިޓިވްވެ 111 މީހުން ބަލިން ރަނގަޅުވެއްޖެއެވެ.

ހެލްތު ޕްރޮޓެކްޝަން އެޖެންސީ، އެޗްޕީއޭ އިން ބުނީ އިއްޔެ ހަވީރު 18:00 އިން މިއަދުގެ ހަވީރު 18:00 އާއި ދެމެދު ރާއްޖެ އިން ކޯވިޑް-19 އަށް 20 މީހަކު ޕޮޒިޓިވްވެފައިވާ ކަމަށެވެ. އޭގެތެރޭގައި ހިމެނެނީ 16 ދިވެހިންނާއި ބަންގްލަދޭޝްގެ 04 މީހަކު ކަމަށް އެޗްޕީއޭ އިން ބުނެއެވެ.

މިއަދަދާއެކު ރާއްޖެ އިން ކޮވިޑް-19 އަށް ޕޮޒިޓިވް މީހުންގެ ޖުމްލަ އަދަދު މިހާރު ވަނީ 1962 އަށް އަރާފައެވެ. މިހާތަނަށް ބަލި ޖެހި، ބަލި ރަނގަޅުވެފައިވާ މީހުންގެ އަދަދަކީ 1121 އެވެ.

އެޗްޕީއޭގެ ކޯވިޑް-19 ގެ ޑޭޝްބޯޑްގެ ހިސާބުތަކަށް ބަލާއިރު މިހާރު ރާއްޖޭގައި ބަލިޖެހިފައި ތިބި ނުވަތަ އެކްޓިވް މީހުންގެ އަދަދަކީ 825 އެވެ.

އެޗްޕީއޭގެ ހިސާބުތައް ބުނާ ގޮތުން މިވަގުތު ކަރަންޓީން ފެސިލިޓީ ތަކުގައި ތިބީ 398 މީހެކެވެ. އައިސޮލޭޝަންގައި 932 މީހުން އެބަތިއްބެވެ.

ރާއްޖެއިން ބަލި ޖެހިގެން މިހާތަނަށް މަރުވެފައި ވަނީ ޖުމުލަ އަށް މީހުންނެވެ.