ލ. ގަމުގައި ދުއްވަމުން ދިޔަ ކާރެއް ބަނދަރަށް ވެއްޓިއްޖެއެވެ.
މިއަދު ހެނދުނު 10:03 ހާއިރު މި ހާދިސާ ހިނގާފައި ވާއިރު، އެވަގުތު ކާރު ދުއްވަން އިނީ އަންހެނެއް ކަމަށް މައުލޫމާތުލިބިފައިވެއެވެ. މި ހާދިސާގައި ކާރު ދުއްވަން އިން މީހާ ސަލާމަތް ކޮށްފައި ވާއިރު، އޭނާއަށް އެއްވެސް އަނިޔާއެއް ލިބިފައި ނުވާކަމަށް ފުލުހުން ވަނީ ބުނެފައެވެ.
ފުލުހުން ބުނީ، ގަމު ތުނޑީ ބަނދަރަށް ކާރެއް ވެއްޓިފައިވާކަމަށާއި ކާރު މޫދަށް ވެއްޓިފައިވަނީ، ދުއްވާފައި ދަނިކޮށް ގަލަކަށް އެރުނު ވަގުތު ރޭސް އަށް ފިއްތާލެވުމުން، ކާރު ކޮންޓްރޯލް ނުވެގެން ކަމަށް މިހާތަނަށް ބެލިބެލުމުން އެނގޭ ކަމަށެވެ.
މި މައްސަލަ އިތުރަށް ބަލަމުންދާކަމަށް ފުލުހުން ވަނީ ބުނެފައެވެ.
މި މައްސަލަ އިތުރަށް ބަލަމުންދާކަމަށް ފުލުހުން ވަނީ ބުނެފައެވެ.
ކިޔުންތެރިންގެ ހިޔާލު