ރ. ދުވާފަރު ކައުންސިލުން ހިންގިކަމަށް އެލްޖީއޭއިން ހާމަކޮށްފައިވާ ކޮރަޕްޝަނުގެ މައްސަލައާއި ގުޅިގެން އެ ކައުންސިލަށް ފިޔަވަޅު އަޅަން އަންނަ ހަފްތާގައި އެލްޖީއޭ ބޯޑަށް ހުށައަޅަން ނިންމާފައިވާ ކަމަށް އެލްޖީއޭއިން ބުނެފިއެވެ.
ދުވާފަރު ކައުންސިލުގެ ބައެއް މެންބަރުންނާއި، އެ އިދާރާގެ ބައެއް މުވައްޒަފުންގެ އަމިއްލަ އެކައުންޓުތަކަށް، ވާނުވާ ނޭނގޭ ގޮތަށް އެ ކައުންސިލުގެ ބަޖެޓުން ދެ މިލިއަނަށް ވުރެ ގިނަ ރުފިޔާ ވަދެފައިވާކަމަށް އެލްޖީއޭއިން އެކުލަވާލި ޚާއްސަ މޮނިޓަރިން ރިޕޯޓަކުން ވަނީ ހާމަވެފައެވެ. އެލްޖީއޭއިން ހާމަކޮށްފައިވާ ކޮރަޕްޝަނުގެ މައްސަލަ އޭސީސީއަށް މިހާރު ވަނީ ހުށައަޅާފައެވެ.
ދުވާފަރު ކައުންސިލްގެ މައްސަލާގައި އެލްޖީއޭގެ ސީއީއޯ ފާތިމަތު އަފްޝަން ލަތީފާއި ޙަވާލާދީ ރާއްޖޭގެ ބައެއް މީޑިއާތަކުން ބުނެފައިވަނީ އެކައުންސިލަށް ފިޔަވަޅު އެޅުމާމެދު ގޮތެއް ނިންމުމަށް އަންނަ ހަފްތާގައި އެލްޖީއޭގެ ބޯޑަށް ހުށައަޅުއްވާނެ ކަމަށެވެ. އޭގެ އިތުރުން ކައުންސިލަށް އަޅާނެ ފިޔަވަޅެއް ނިންމާނީ ބޯޑުން ކަމަށްވެސް އަފްޝަން ވިދާޅުވެފައިވެއެވެ.
މީގެކުރިން އެލްޖީއޭއިން ވަނީ ރ. ދުވާފަރު ކައުންސިލްގެ އިންކްއަރީއެއް ހެދުމުގެ މަސައްކަތް ކުރަމުންދާކަމަަށް ހާމަކޮށްފައެވެ. އެގޮތުން އިންކުއަރީއަށް ބޭނުންވާ ހުރިހާ މައުލޫމާތަކާއި ބަޔާނެއް މިހާރުވަނީ ނަގާ ނިންމާފައެވެ.
އެލްޖީއޭއިން ނެރުނު ރިޕޯޓުގައި ބުނެފައިވަނީ ލާމަރުކަޒީ ގާނޫނާއި، އެގާނޫނުގެ ދަށުން އެލްޖީއޭއިން އާންމުކޮށްފައިވާ އުސޫލުތަކާއި މާލިއްޔަތު ގާނޫނާއި، މާލިއްޔަތު ގަވާއިދާއި އަދިވެސް އެހެނިހެން ކަންކަމާ ގުޅުންހުރި ގާނޫނުތަކާއި ގަވާއިދުތަކަށް އެ ކައުންސިލުން އަމަލު ނުކުރާކަމަށެވެ. އެގޮތުން ކައުންސިލަރުންގެ ޒިންމާތަކާއި، ވާޖިބުތައް އަދާކުރުމުގައި، ފަރުވާ ކުޑަކުރާ ކަމަށާއި، ކައުންސިލުން ބަލަހައްޓަންޖެހޭ އެއްވެސް ލިޔެކިޔުމެއް ގާނޫނުތަކާއި، ގަވާއިދުތަކާ އެއްގޮތަށް ބަލަހައްޓަމުން ނުގެންދާ ކަމަށް އެ ރިޕޯޓްގައިވަނީ ފާހަގަކޮށްފައެވެެ.
މީގެ އިތުރުން ދައުލަތުގެ މާލިއްޔަތު ގަވާއިދާ ޚިލާފަށް ކައުންސިލަރުންނާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުންނާއި ކައުންސިލް އިދާރާގެ މުވައްޒަފުންގެ އަމިއްލަ އެކައުންޓަށް ގިނަ އަދަދެއްގެ ފައިސާ ޖަމާކުރުމާއި، ނަގުދު ފައިސާއިން އެއްވެސް ހުއްދައެއް އަދި ލިޔެކިޔުމެއް ނެތި މުވައްޒަފުންނަށް ގިނަ އަދަދެއްގެ ފައިސާ ހަވާލުކޮށްފައިވާ ކަމަށްވެސް ރިޕޯޓުގައި ބުނެފައި ވެއެވެ.
ދުވާފަރު ކައުންސިލްގެ މައްސަލާގައި އެލްޖީއޭގެ ސީއީއޯ ފާތިމަތު އަފްޝަން ލަތީފާއި ޙަވާލާދީ ރާއްޖޭގެ ބައެއް މީޑިއާތަކުން ބުނެފައިވަނީ އެކައުންސިލަށް ފިޔަވަޅު އެޅުމާމެދު ގޮތެއް ނިންމުމަށް އަންނަ ހަފްތާގައި އެލްޖީއޭގެ ބޯޑަށް ހުށައަޅުއްވާނެ ކަމަށެވެ. އޭގެ އިތުރުން ކައުންސިލަށް އަޅާނެ ފިޔަވަޅެއް ނިންމާނީ ބޯޑުން ކަމަށްވެސް އަފްޝަން ވިދާޅުވެފައިވެއެވެ.
މީގެކުރިން އެލްޖީއޭއިން ވަނީ ރ. ދުވާފަރު ކައުންސިލްގެ އިންކްއަރީއެއް ހެދުމުގެ މަސައްކަތް ކުރަމުންދާކަމަަށް ހާމަކޮށްފައެވެ. އެގޮތުން އިންކުއަރީއަށް ބޭނުންވާ ހުރިހާ މައުލޫމާތަކާއި ބަޔާނެއް މިހާރުވަނީ ނަގާ ނިންމާފައެވެ.
މީގެ އިތުރުން ދައުލަތުގެ މާލިއްޔަތު ގަވާއިދާ ޚިލާފަށް ކައުންސިލަރުންނާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުންނާއި ކައުންސިލް އިދާރާގެ މުވައްޒަފުންގެ އަމިއްލަ އެކައުންޓަށް ގިނަ އަދަދެއްގެ ފައިސާ ޖަމާކުރުމާއި، ނަގުދު ފައިސާއިން އެއްވެސް ހުއްދައެއް އަދި ލިޔެކިޔުމެއް ނެތި މުވައްޒަފުންނަށް ގިނަ އަދަދެއްގެ ފައިސާ ހަވާލުކޮށްފައިވާ ކަމަށްވެސް ރިޕޯޓުގައި ބުނެފައި ވެއެވެ.
ކިޔުންތެރިންގެ ހިޔާލު