މިދިޔަ ހޮނިހިރު ދުވަހުގެރޭ އަނިޔާވެރި ގޮތަކަށް މަރާލާފައި އޮއްވާ ފެނުނު ޝިއާއު މުޙައްމަދު ސައީދުގެ ޕޯސްޓްމޯޓަމް ހަދަން އޭނާގެ ހަށިގަނޑު އިންޑިއާއަށް ފޮނުވައިފިއެވެ.
ބޮޑެތި އަނިޔާތަކަކާއެކު ހ. ޝީރީނުވިލާގައި މަރާލާފައިވާ ޝިއާއުގެ މަރުގެ އިތުރު މައުލޫމާތު ހޯދުމަށް ޕޯސްޓްމޯޓަމް ހަދަން ނިންމާފައިވާކަން އާދިއްތަ ދުވަހު ފުލުހުން ބޭއްވި ނޫސްވެރިންގެ ބައްދަލުވުމުގައި ވަނީ ބުނެފައެވެ. އެގޮތުން މިއަދު ފުލުހުންގެ މީޑިއާ އޮފިޝަލް ވިދާޅުވީ، ޕޯސްޓްމޯޓަމް ހެދުމަށް ޝިއާއުގެ ހަށިގަނޑު އިންޑިއާއަށް މިއަދު ފޮނުވާލާފައިވާކަމަށެވެ.
ޝިއާއުގެ މަރުގެ މައްސަލާގައި މިހާތަނަށް ހައްޔަރުކޮށްފައިވަނީ އެންމެ މީހެކެވެ. އެ މައްސަލާގައި ހައްޔަރުކުރި ފ. ނިލަންދޫ، ފިނިފެންމާގެ އަލީ ޝާހިލް މިހާރުވަނީ ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން ފުލުހުންނަށް އަމުރު ދީފައެވެ. ޝާހިލު ހައްޔަރުކުރީ ކުށުގެ ވެށިންނެވެ. އޭނާ ހައްޔަރުކުރި އިރު ހުރީ މަސްތުގެ ހާލަތުގައެވެ.
ޝިއާއުގެ މަރުގެ މައްސަލާގައި މިހާތަނަށް ހައްޔަރުކޮށްފައިވަނީ އެންމެ މީހެކެވެ. އެ މައްސަލާގައި ހައްޔަރުކުރި ފ. ނިލަންދޫ، ފިނިފެންމާގެ އަލީ ޝާހިލް މިހާރުވަނީ ޝަރީއަތް ނިމެންދެން ބަންދުގައި ބެހެއްޓުމަށް ކޯޓުން ފުލުހުންނަށް އަމުރު ދީފައެވެ. ޝާހިލު ހައްޔަރުކުރީ ކުށުގެ ވެށިންނެވެ. އޭނާ ހައްޔަރުކުރި އިރު ހުރީ މަސްތުގެ ހާލަތުގައެވެ.
ކިޔުންތެރިންގެ ހިޔާލު