ވެލާނާ އިންޓަނޭޝަނަލް އެއަޕޯޓުގައި ޖާސޫސް ކުރަން އުޅުނު ކަމުގެ ތުހުމަތުގައި ފުލުހުންގެ ބެލުމުގެ ދަށަށް ގެންދިޔަ މީހުންގެ އަތުން، ގޮވާ ޒާތުގެ އެއްޗެއް ފެނިފައި ނުވާކަމަށް ފުލުހުން ބުނެފިއެވެ.
މައުލޫމާތު ލިބިފައިވާ ގޮތުގައި އިއްޔެ ފުލުހުން ހައްޔަރު ކޮށްފައިވާ މީހުންނަކީ އެއަރޕޯޓުގައި ސްޕައިކެމެރާތަކެއް ބަހައްޓައިގެން ވީޑިއޯކޮށް ޖާސޫސް ކުރަމުން ދާކަމަށް ފާހަގަ ކުރެވިގެން ހައްޔަރު ކުރި ދެ މީހުންނެވެ. އެ ދެ މީހުން ބަންދުގައި ބަހައްޓަން ބޭނުންވެ ކުރިމިނަލް ކޯޓަށް ގެންދިޔުމުން އެ މީހުންގެ ބަންދަށް 10 ދުވަސް ޖަހައިދީފައިވާކަމަށް ފުލުހުން ވަނީ ބުނެފައެވެ.
މި މައްސަލާގައި ހިމެނޭ ބިދޭސީންގެ އަތުން ގޮވާ ޒާތުގެ އެއްޗެހިތަކެއް ފެނިފައިވާކަމަށް މިއަދު ބައެއް ނޫސްތަކުން ރިޕޯޓު ކުރިއެވެ. ނަމަވެސް، ފުލުހުން މިއަދު ބުނީ، މި މައްސަލާގައި ހައްޔަރުކުރި މީހުންގެ އަތުން ގޮވާ ޒާތުގެ އެއްވެސް އެއްޗެއް ފެނިފައި ނުވާކަމަށެވެ އަދި އެފަދަ އެއްޗެއް އެމީހުންގެ އަތުން ފެނިފައިވާކަމަށް ބުނެ ފަތުރަނީ ކަނޑައެޅިގެން ދޮގެއް ކަމަށް ފުލުހުން ވަނީ ބުނެފައެވެ.
މި މައްސަލާގައި ފުލުހުންގެ ބެލުމުގެ ދަށަށް ގެނެސްފައިވަނީ އިންޑިއާގެ ދެ މީހެކެވެ.
މި މައްސަލާގައި ފުލުހުންގެ ބެލުމުގެ ދަށަށް ގެނެސްފައިވަނީ އިންޑިއާގެ ދެ މީހެކެވެ.
ކިޔުންތެރިންގެ ހިޔާލު