އައްޑޫ ސިޓީގައި ވައްކަމުގެ މައްސަލަތައް މަދުކުރުމަށް ހާއްސަ މަސައްކަތްތަކެއް ކުރަމުންގެންދާ ކަމަށް ފުލުހުން ބުނެފިއެވެ.
ފުލުހުން ބުނީ، އައްޑޫ ރައްޔިތުންނަށް އަމާން މާޙައުލެއް ޤާއިމުކޮށްދިނުމަށް މަސައްކަތް ކުރަމުންދާ ކަމަށެވެ. އެގޮތުން އާންމުކޮށް ކުށުގެ ވެށީގައި ހަރަކާތްތެރިވަމުންދާ މީހުންނާއި މަސްތުވާތަކެތި ބޭނުންކުރާކަމަށް ތުހުމަތުކުރެވޭ މީހުން ހުއްޓުވައި ސުވާލުކުރުމާއި، ކުށްތައް ގިނަކަމަށް ފާހަގަ ކުރެވޭ ސަރަހައްދުތަކުގައި ފުޓްފެޓްރޯލް ކުރުމުގެ މަސައްކަތްދަނީ ކުރަމުން ކަމަށް ފުލުހުން ވަނީ ބުނެފައެވެ.
މި މަސައްކަތްތަކުގެ ތެރެއިން އޮގަސްޓް 31 ވަނަ ދުވަހު ކޯޓު އަމުރެއްގެ ދަށުން ހިތަދޫ ގެއެއް ބަލައިފާސްކޮށް، ވަގަށް ނަގާފައިވާކަމަށް ބެލެވޭ ބައެއްތަކެތި ހޯދާފައިވެއެވެ. މީގެ އިތުރުން، އައްޑޫ ސިޓީގައި ވައްކަމުގެ މައްސަލަތައް މަދުކޮށް އެކަން ހުއްޓުވުމަށް ރައްޔިތުން ހޭލުންތެރިކުރުމަށް ގޭބިސީތަކާއި މީހުން އެއްވެ އުޅޭ ސަރަހައްދުތަކަށް ޒިޔާރަތްކޮށް މައުލޫމާތު ދިނުމުގެ މަސައްކަތް ފުލުހުންދަނީ ކުރަމުންނެވެ. އަދި ވައްކަމުގެ މައްސަލަތައް ގިނަވާ ކަމަށް ބެލެވޭ ވަގުތުތަކުގައި ފުލުހުން އެ ސަރަހައްދުތަކުގައި ހަރަކާތްތެރިވާ މިންވަރު އިތުރު ކުރުމަށް ހަމަޖެހިފައިވެއެވެ.
"އައްޑޫސިޓީއަކީ ކުށްމަދު އަމާން ރައްކާތެރި ތަނަކަށް ހެދުމަށްޓަކައި ރައްޔިތުންގެ އެހީތެރިކަމާއި އެއްބާރުލުން ބޭނުންވެއެވެ. އެގޮތުން، ވައްކަން ކުރުމުގެ ފުރުސަތު ނުދިނުމަށާއި، ފައިސާއާއި އެހެނިހެން ތަކެތި ފަސޭހައިން ނެގޭގޮތަށް ނުވަތަ ފެންނަ ގޮތަށް ގޭތެރޭގައި ނުބެހެއްޓުމަށް އިލްތިމާސްކުރަމެވެ." ފުލުހުން ބުނެފައިވެއެވެ.
އޭގެއިތުރުން ގޭގެ ދޮރުތަކާއި ފެންލައިޓުންވެސް ނުވަދެވޭނޭހެން ބެހެއްޓުމަށް ފުލުހުން ވަނީ އިލްތިމާސްކޮށްފައެވެ. އަދި ރެކޯޑު ކުރެވޭ ގޮތަށް ކެމެރާ ސިސްޓަމް ހަރުކުރުމުގައި ގޭގެވަށައިގެން ފެންނާނޭހެން ބެހެއްޓުމާއި ވައްކަމުގެ މައްސަލައެއް ފާހަގަކުރެވިއްޖެނަމަ ފުލުހުންނަށް ރިޕޯޓު ކުރުމަށް ފުލުހުން އިލްތިމާސް ކޮށްފައިވެއެވެ.
މި މަސައްކަތްތަކުގެ ތެރެއިން އޮގަސްޓް 31 ވަނަ ދުވަހު ކޯޓު އަމުރެއްގެ ދަށުން ހިތަދޫ ގެއެއް ބަލައިފާސްކޮށް، ވަގަށް ނަގާފައިވާކަމަށް ބެލެވޭ ބައެއްތަކެތި ހޯދާފައިވެއެވެ. މީގެ އިތުރުން، އައްޑޫ ސިޓީގައި ވައްކަމުގެ މައްސަލަތައް މަދުކޮށް އެކަން ހުއްޓުވުމަށް ރައްޔިތުން ހޭލުންތެރިކުރުމަށް ގޭބިސީތަކާއި މީހުން އެއްވެ އުޅޭ ސަރަހައްދުތަކަށް ޒިޔާރަތްކޮށް މައުލޫމާތު ދިނުމުގެ މަސައްކަތް ފުލުހުންދަނީ ކުރަމުންނެވެ. އަދި ވައްކަމުގެ މައްސަލަތައް ގިނަވާ ކަމަށް ބެލެވޭ ވަގުތުތަކުގައި ފުލުހުން އެ ސަރަހައްދުތަކުގައި ހަރަކާތްތެރިވާ މިންވަރު އިތުރު ކުރުމަށް ހަމަޖެހިފައިވެއެވެ.
އޭގެއިތުރުން ގޭގެ ދޮރުތަކާއި ފެންލައިޓުންވެސް ނުވަދެވޭނޭހެން ބެހެއްޓުމަށް ފުލުހުން ވަނީ އިލްތިމާސްކޮށްފައެވެ. އަދި ރެކޯޑު ކުރެވޭ ގޮތަށް ކެމެރާ ސިސްޓަމް ހަރުކުރުމުގައި ގޭގެވަށައިގެން ފެންނާނޭހެން ބެހެއްޓުމާއި ވައްކަމުގެ މައްސަލައެއް ފާހަގަކުރެވިއްޖެނަމަ ފުލުހުންނަށް ރިޕޯޓު ކުރުމަށް ފުލުހުން އިލްތިމާސް ކޮށްފައިވެއެވެ.
ކިޔުންތެރިންގެ ހިޔާލު