ގްރީން ޓެކްސް ނެގޭ ރަށަށް ޓެކްސްގެ ހިއްސާއެއް ލިބެންވާނެ ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެންބަރު މުޙައްމަދު ވަޙީދު (ވައްޑެ) ވިދާޅުވެއްޖެއެވެ.
މެންބަރު ވަޙީދު މިމޭރުމުން ވިދާޅުވެފައިވަނީ ޓޫރިޒަމް ޤާނޫނުގެ ދަށުން ނަގަމުންދާ ގްރީން ޓެކްސް އަލުން ނެގުމަށް ރައްޔިތުންގެ މަޖިލީހަށް ހުށައަޅާފައިވާ އިސްލާޙަށް ބަހުސްކުރަށްވަމުންނެވެ. މި އިސްލާހު މަޖިލީހަށް ހުށަހެޅުއްވީ ސަރުކާރުގެ ފަރާތުން ތިނަދޫ ދެކުނު ދާއިރާގެ މެންބަރު އަބްދުﷲ ސަނީފެވެ.
ބިލުގެ ބަހުސްގައި ވަހީދު ވިދާޅުވީ ގްރީން ޓެކްސް ނަގަން ފެށި އަސްލާމެދު މިއަދު ފުންކޮށް ވިސްނަންޖެހިފައިވާ ކަމަށެވެ. އެގޮތުން ގްރީންޓެކްސް ނަގަން ފަށާފައިވަނީ ރާއްޖޭގައި ތިމާވެށީގެ މައްސަލަތައް ބޮޑުވެ، އެކަަމަށް ކުރަން ޖެހޭ ހޭދަ ބޮޑުވުމުން ކަމަށް ވަޙީދު ވިދާޅުވިއެވެ. އެހެންކަމުން ގްރީން ޓެކްސް ނެގޭ ރަށުގެ ތިމާވެށީގެ މައްސަލަތައް ޙައްލުކުރުމަށްޓަކައި ޓެކްސްގެ ހިއްސާއެއް ލިބެންވާނެ ކަމަށް ވަޙީދު ވިދާޅުވިއެވެ.
"ގްރީން ޓެކްސް، އެހެން ޓެކްސްތަކުގެ ވާހަކަ ދައްކާކަށް ނެތިން. ގްރީން ޓެކްސް ބެހިގެން ދާން ޖެހޭނެ އެ ރަށަކަށް ހިއްސާއެއް ވެވޭ ގޮތަށް." މިއަދުގެ ޖަލްސާގައި ވަހީދު ވިދާޅުވި އެވެ.
ވަހީދު ވިދާޅުވީ ގްރީން ޓެކްސްގެ ފައިސާ ރަށްރަށުގެ ފެނާ ނަރުދަމާއަށް ސަރުކާރުން ހޭދަކުރާކަން އެނގޭ ކަމަށާއި އެހެންނަމަވެސް ކުއްލިއަކަށް ރަށްރަށަށް ދިމާވާ ތިމާވެށީގެ މައްސަލަތައް ޙައްލުކުރުމަށް ގްރީން ޓެކްސްގެ ބޭނުންކުރުމަކީ އެންމެ އެދެވޭ ހެޔޮބަދަލަކަށްވާނެ ކަމަށެވެ.
ގްރީން ޓެކްސް ނެގުން މިހާރު ހުއްޓުމަކަށް އައިސްފައިވަނީ ޓޫރިޒަމް ޤާނޫނަށް އެންމެފަހުން ގެނައި އިސްލާހުގެ ސަބަބުންނެވެ. އެގޮތުން އެ ޤާނޫނަށް ގެނައި އިސްލާހުގައި ގްރީން ޓެކްސް ނަގާނީ އަންނަ ޖެނުއަރީމަހުގެ 1 ވަނަ ދުވަހުން ފެށިގެންކަމަށް ބަޔާންކުރި ހިސާބުން ގްރީން ޓެކްސްގެ އާމްދަނީ ސަރުކާރަކަށް ނުލިބެއެވެ. މިކަމާއި ގުޅިގެން ދައުލަތަށް ލިބެން ޖެހޭ ޢާމްދަނީން ބޮޑު ބައެއް ލިބުން ވަނީ ހުއްޓިފައެވެ.
ބިލުގެ ބަހުސްގައި ވަހީދު ވިދާޅުވީ ގްރީން ޓެކްސް ނަގަން ފެށި އަސްލާމެދު މިއަދު ފުންކޮށް ވިސްނަންޖެހިފައިވާ ކަމަށެވެ. އެގޮތުން ގްރީންޓެކްސް ނަގަން ފަށާފައިވަނީ ރާއްޖޭގައި ތިމާވެށީގެ މައްސަލަތައް ބޮޑުވެ، އެކަަމަށް ކުރަން ޖެހޭ ހޭދަ ބޮޑުވުމުން ކަމަށް ވަޙީދު ވިދާޅުވިއެވެ. އެހެންކަމުން ގްރީން ޓެކްސް ނެގޭ ރަށުގެ ތިމާވެށީގެ މައްސަލަތައް ޙައްލުކުރުމަށްޓަކައި ޓެކްސްގެ ހިއްސާއެއް ލިބެންވާނެ ކަމަށް ވަޙީދު ވިދާޅުވިއެވެ.
"ގްރީން ޓެކްސް، އެހެން ޓެކްސްތަކުގެ ވާހަކަ ދައްކާކަށް ނެތިން. ގްރީން ޓެކްސް ބެހިގެން ދާން ޖެހޭނެ އެ ރަށަކަށް ހިއްސާއެއް ވެވޭ ގޮތަށް." މިއަދުގެ ޖަލްސާގައި ވަހީދު ވިދާޅުވި އެވެ.
ގްރީން ޓެކްސް ނެގުން މިހާރު ހުއްޓުމަކަށް އައިސްފައިވަނީ ޓޫރިޒަމް ޤާނޫނަށް އެންމެފަހުން ގެނައި އިސްލާހުގެ ސަބަބުންނެވެ. އެގޮތުން އެ ޤާނޫނަށް ގެނައި އިސްލާހުގައި ގްރީން ޓެކްސް ނަގާނީ އަންނަ ޖެނުއަރީމަހުގެ 1 ވަނަ ދުވަހުން ފެށިގެންކަމަށް ބަޔާންކުރި ހިސާބުން ގްރީން ޓެކްސްގެ އާމްދަނީ ސަރުކާރަކަށް ނުލިބެއެވެ. މިކަމާއި ގުޅިގެން ދައުލަތަށް ލިބެން ޖެހޭ ޢާމްދަނީން ބޮޑު ބައެއް ލިބުން ވަނީ ހުއްޓިފައެވެ.
ކިޔުންތެރިންގެ ހިޔާލު