"ވިއަވަތި ރާއްޖެ" ނަމުގައި ލ. ގަމުގައި މިއަދު ފެށި މަހާސިންތާ ފެށުމުގެ ގޮތުން ބޭއްވި ކުޅިވަރު ފެސްޓިވަލްގައި ރައީސުލްޖޫމްހޫރިއްޔާ އިބްރާހީމް މުޙައްމަދު ޞާލިޙް ބައިވެރިވެވަޑައިގެންފިއެވެ.

މި ކުޅިވަރުތަކުގައި ރައީސުލްޖުމްހޫރިއްޔާގެ އިތުރުން ދައުލަތުގެ ވަޒީރުންނާއި، ކުންފުނިތަކުގެ އެމްޑީންގެ އިތުރުން އިސް ފަރާތްތަކުން ވަނީ ބައިވެރިވެވަޑައިގެންފައެވެ. މީގެ އިތުރުން، ކައުންސިލަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ މެމްބަރުންވެސް މި މަހާސިންތާގައި ވަނީ ބައިވެރިވެވަޑައިގެންފައެވެ.

ބޮޑުބެރުގެ ހަރަކާތްތަކާއިއެކު ތަފާތު އެކި ކުޅިވަރުތައް ހިމެނޭގޮތަށް ގަމު ފުޓްބޯޅަ ދަނޑުގައި ކުރިއަށް ގެންދިޔަ މި ފެސްޓިވަލްގެ ހުރިހާ ކުޅިވަރެއްގައި ވެސް ރައީސް ވަނީ ބައިވެރިވެވަޑައިގެންފައެވެ. ފެސްޓިވަލްގެ ކުޅިވަރުތައް ނިންމަވާލެއްވުމަށްފަހު އެމަނިކުފާނުވަނީ މަހާސިންތާގެ ބައިވެރިންނާ ބައްދަލު ކުރައްވާފައެވެ.

President @ibusolih joined a sports festival held ahead of the #ViavathiRaajje conference. The third conference, hosted by the President in Laamu Atoll, gathers local government officials from the southern atolls. pic.twitter.com/DxYYmaySZV

— The President's Office (@presidencymv) September 10, 2022

ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާއެކު ބާއްވާ މި މަހާސިންތާއަކީ ރައީސް ޞާލިޙާއި ދައުލަތުގެ ވަޒީރުންގެ އިތުރުން ލޯކަލް ގަވަރމަންޓް އޮތޯރިޓީން ކައުންސިލްތަކާ ބައްދަލުކުރައްވައި މަޝްވަރާކުރުމަށް ބާއްވާ ކޮންފަރެންސެކެވެ.