ސަރުކާރުގެ ކޮންމެ ސިޔާސަތަކީ ރައްޔިތުން ވީއްލި އުދުއްސައިގަނެވޭނެ ޖަޒީރާ ރާއްޖޭގެ ތަރައްޤީ ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް މިއަދު ވިދާޅުވެއްޖެއެވެ.
ވިއަވަތި ރާއްޖެ ކޮންފަރެންސް ފެށުމަށް ލ. ގަމުގައި ބޭއްވި ޚާއްސަ ރަސްމިއްޔާތުގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ، ސަރުކާރުން ހިންގާ ކޮންމެ ސިޔާސަތަކީ ރައްޔިތުން ވީއްލި، އުދުއްސައިގަނެވޭނެ ލާމަރުކަޒީ ޖަޒީރާ ރާއްޖޭގެ ތަރައްޤީ ކަމަށެވެ. އެކަމުގެ ބޭނުމަކީ ކޮންމެ ރައްޔިތަކަށްވެސް، އެރައްޔިތަކު އިޚްތިޔާރު ކުރާތަނެއްގައި އުފާފާގަތި ކަމުގައި ޢާއިލާ ބިނާކޮށް، ދިރިއުޅެވޭނެ މަގުފަހިކުރުން ކަމަށް ރައީސް ވިދާޅުވިއެވެ.
"އެރަށުގާ ނެތް، މިރަށުގާ ހުރި، ކިތަންމެ ފުރުޞަތަކާ ޚިދުމަތަކާ ވަޞީލަތެއް ރާއްޖޭގެ ކޮންމެ ރަށެއްގައިވެސް އެބަހުރި. މީގެ ކޮންމެ ދެރަށެއް، އާރްޓީއެލްގެ ޒަރިއްޔާއިން ދުވާލު ދެއިރު، ބައްދަލުވެ، ލާމެހި، މާރުވާން ފެށުމުން ލިބޭ ނަތީޖާ ތަފާތުވާނެ." ރައީސް ވިދާޅުވިއެވެ.
ސަރުކާރުން ފަށާފައިވާ ދަތުރުފަތުރުގެ ނިޒާމަށް އަލިއަޅުވާލައްވަމުން ރައީސް ޞާލިޙް މިއަދު ވިދާޅުވީ އާރްޓީއެލް މެދުވެރިކޮށް، ކާބޯތަކެތި ފީނުވެ ބޮޑު ތިލަދުންމައްޗަށް ރައްދު ކުރެވި، އެރަށަކަށް އެރަށެއްގެ އަގު، އިރު އޮއްސުމުގެ ކުރިން މިހާރު ލިބޭ ކަމަށެވެ.
"އިސްދޫ-މުލީގާ އަޅާ އިޤްތިޞޯދީ އޮއިވަރު، މާވަށް-ގުރައިދޫ ކަނޑުއޮޅިއަށް ވާޞިލުވެ، އެންމެންގެ ޖީބަށް އެތަނަވަސްކަން އަންނަންޖެހޭ. އެއީ ވިއަވަތި ޖަޒީރާ ރާއްޖެ، ހިނގަންޖެހޭ ގޮތް. އާ ގޮތަކުން، މާމޮޅު އަނެއްގޮތް، ގެނެސްދެނީ މި ނިޒާމް" ރައީސް ވިދާޅުވިއެވެ.
ރައީސް މިއަދު ވިދާޅުވީ އެމަނިކުފާނު އެމަގާމުގާ ދެމިހުންނަވާނީވެސް، އެމަސައްކަތް މުޅިންނިންމާ، ވަށާޖެހޭ ޖަޒީރާ ދިރިއުޅުމެއް، ހުރިހާ ދިވެހިރައްޔިތުންނަށް ލިބިދިނުމަށް ކަމަށެވެ.
"އެނޫން އެއްވެސް ބޭނުމެއް، އަމާޒެއް، އަދި ތަޞައްވުރެއް އަޅުގަނޑުގެ ނެތް." ރައީސް މިއަދު ވިދާޅުވިއެވެ.
ވިއަވަތި ރާއްޖެ ކޮންފަރެންސްގައި މައިގަނޑު ގޮތެއްގައި ކުރިއަށްދާނީ ސަރަހައްދީ ތަރައްޤީއާ ގުޅޭ މަޝްވަރާތަކެވެ. އަދި ވަކި ވަކި ރަށްރަށާއި އަތޮޅުތަކާއި ސިޓީތަަކަށް ރާވާފައިވާ ޕްލޭންތަކާއި ގުޅޭ މައުލޫމާތު ކަމާއިބެހޭ ފަރާތްތަކުން ދެއްވާނެއެވެ. އަދި ލާމަރުކަޒީ ޤާނޫނު އިތުރަށް ފުރިހަމަކުރުމާއި ގުޅޭ މައުލޫމާތުތައްވެސް މި ކޮންފަރެންސްގެ ތެރެއިން ފޯރުކޮށްދޭނެއެވެ.
"އެރަށުގާ ނެތް، މިރަށުގާ ހުރި، ކިތަންމެ ފުރުޞަތަކާ ޚިދުމަތަކާ ވަޞީލަތެއް ރާއްޖޭގެ ކޮންމެ ރަށެއްގައިވެސް އެބަހުރި. މީގެ ކޮންމެ ދެރަށެއް، އާރްޓީއެލްގެ ޒަރިއްޔާއިން ދުވާލު ދެއިރު، ބައްދަލުވެ، ލާމެހި، މާރުވާން ފެށުމުން ލިބޭ ނަތީޖާ ތަފާތުވާނެ." ރައީސް ވިދާޅުވިއެވެ.
ސަރުކާރުން ފަށާފައިވާ ދަތުރުފަތުރުގެ ނިޒާމަށް އަލިއަޅުވާލައްވަމުން ރައީސް ޞާލިޙް މިއަދު ވިދާޅުވީ އާރްޓީއެލް މެދުވެރިކޮށް، ކާބޯތަކެތި ފީނުވެ ބޮޑު ތިލަދުންމައްޗަށް ރައްދު ކުރެވި، އެރަށަކަށް އެރަށެއްގެ އަގު، އިރު އޮއްސުމުގެ ކުރިން މިހާރު ލިބޭ ކަމަށެވެ.
"އިސްދޫ-މުލީގާ އަޅާ އިޤްތިޞޯދީ އޮއިވަރު، މާވަށް-ގުރައިދޫ ކަނޑުއޮޅިއަށް ވާޞިލުވެ، އެންމެންގެ ޖީބަށް އެތަނަވަސްކަން އަންނަންޖެހޭ. އެއީ ވިއަވަތި ޖަޒީރާ ރާއްޖެ، ހިނގަންޖެހޭ ގޮތް. އާ ގޮތަކުން، މާމޮޅު އަނެއްގޮތް، ގެނެސްދެނީ މި ނިޒާމް" ރައީސް ވިދާޅުވިއެވެ.
ރައީސް މިއަދު ވިދާޅުވީ އެމަނިކުފާނު އެމަގާމުގާ ދެމިހުންނަވާނީވެސް، އެމަސައްކަތް މުޅިންނިންމާ، ވަށާޖެހޭ ޖަޒީރާ ދިރިއުޅުމެއް، ހުރިހާ ދިވެހިރައްޔިތުންނަށް ލިބިދިނުމަށް ކަމަށެވެ.
ވިއަވަތި ރާއްޖެ ކޮންފަރެންސްގައި މައިގަނޑު ގޮތެއްގައި ކުރިއަށްދާނީ ސަރަހައްދީ ތަރައްޤީއާ ގުޅޭ މަޝްވަރާތަކެވެ. އަދި ވަކި ވަކި ރަށްރަށާއި އަތޮޅުތަކާއި ސިޓީތަަކަށް ރާވާފައިވާ ޕްލޭންތަކާއި ގުޅޭ މައުލޫމާތު ކަމާއިބެހޭ ފަރާތްތަކުން ދެއްވާނެއެވެ. އަދި ލާމަރުކަޒީ ޤާނޫނު އިތުރަށް ފުރިހަމަކުރުމާއި ގުޅޭ މައުލޫމާތުތައްވެސް މި ކޮންފަރެންސްގެ ތެރެއިން ފޯރުކޮށްދޭނެއެވެ.
ކިޔުންތެރިންގެ ހިޔާލު