ރާއްޖެ އިން މިއަދު އިތުރު 29 މީހަކު ކޯވިޑް-19 އަށް ޕޮޒިޓިވް 130 މީހުން ރަނގަޅުވެއްޖެއެވެ.

މިއަދު ރާއްޖެ އިން ކޮވިޑަށް ޕޮޒިޓިވްވި 29 މީހުންގެ ތެރޭގައި ހިމެނެނީ 28 ބިދޭސީންނާއި ދިވެއްސެކެވެ. އޭގެ ތެރޭގައި ބަންގްލަދޭޝްގެ 15 މީހަކާއި ނޭޕާލް، އިންޑިއާ އަދި ޕިލިޕީންސް މީހަކުވެސް  ހިމެނެއެވެ.

މިއަދު ބަލިޖެހުނު 29 މީހުންނާއެކު މިހާރު ވަނީ ރާއްޖެއިން ބަލިޖެހުނު މީހުންގެ އަދަދު 2094 އަކަށް އަރާފައެވެ.

މިއަދު ބަލިން ރަނގަޅުވި 130 މީހުންނާއެކު ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 1670 އަކަށް އަރާފައެވެ. މިވަގުތު ބައްޔަށް ފަރުވާ ކުރަމުންދަނީ 414 މީހުންނެވެ.

މިވަގުތު އައިސޮލޭޝަންގައި 347 މީހުން ތިބިއިރު ކަރަންޓީންގައި ތިބީ 331 މީހުންނެވެ. މިހާތަނަށް ރާއްޖެ އިން ކޯވިޑް ބަލީގައި މަރުވެފައިވަނީ 8 މީހެކެވެ.