މުދައްރިސުން ދަރިވަރުންނަށް ދައްކާ ހެޔޮ ނަމޫނާ ދާއިމަށް ހަރުލާނެ ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް މިއަދު ވިދާޅުވެއްޖެއެވެ.

މިއަހަރުގެ ޓީޗަރުންގެ ދުވަހުގެ މުނާސަބަތުގައި ރާއްޖޭގެ އެންމެހާ މުދައްރިސުންނަށް ތަހުނިޔާ ފޮނުއްވަމުން ރައީސުލްޖުމްހޫރިއްޔާ ވިދާޅުވީ، މުދައްރިސުން ދަރިވަރުންނަށް ދައްކާ ހެޔޮ ނަމޫނާ އަކީ ދާއިމަށް ހަރުލާނެ އެއްޗެއް ކަމަށެވެ.

ދަރިވަރުންނަށް ތައުލީމު އުނގަންނައިދިނުމަށް ޓީޗަރުން ކުރައްވަމުން ގެންދަވާ އިޚްލާސްތެރި ބުރަ މަސައްކަތުގެ ސަބަބުން ޓީޗަރުންނަށް ދަރަނިވެރިވެފައިވާ ކަމަށް ރައީސް ވިދާޅުވިއެވެ. ރައީސް ޞާލިޙް ވަނީ ޓީޗަރުން ކުރައްވާ ބުރަ މަސައްކަތުގެ އަގުވަޒަންކުރައްވާ ރާއްޖޭގެ ހުރިހާ ޓީޗަރުންނަށް ޝުކުރު އަދާކުރައްވާފައެވެ.

The positive impression that teachers leave on us is permanent. We owe so much to their selfless hard work- to educate our children, to guide and prepare them for life. On #TeachersDay2022 I convey my gratitude and deep appreciation to teachers across Maldives.

— Ibrahim Mohamed Solih (@ibusolih) October 5, 2022

ޓީޗަރުންގެ ދުވަސް ފާހަގަކުރުމުގެ ހަރަކާތްތައް ރާއްޖޭގެ ސްކޫލްތަކުގައި މިއަދު ދަނީ ހިންގަމުންނެވެ.

ކޮންމެ އަހަރަކު ވެސް ޓީޗަރުންގެ ދުވަހުގެ ގޮތުގައި ފާހަގަކުރަނީ އޮކްޓޯބަރު މަހުގެ 5 ވަނަ ދުވަހެވެ.