މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން ޢާއިޝަތު ނަހުލާވަނީ ޓްރާންސްޕޯޓް މިނިސްޓްރީއަށް ހެޔޮ ބަދަލުތަކެއް ގެނެސްދެއްވާފައި ކަމަށް އެ މިނިސްޓްރީގެ ޑެޕިއުޓީ މިނިސްޓަރ ސަޢުދުﷲ އަޙްމަދު ވިދާޅުވެއްޖެއެވެ.

ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރުގެ މަޤާމަށް ދާދިފަހުން ޢައްޔަނު ކުރަށްވާފައިވާ ސަޢުދު މިއަދު ވިދާޅުވީ، މިނިސްޓަރ ނަހުލާވަނީ ޓްރާންސްޕޯޓް މިނިސްޓްރީން ރައްޔިތުންނަށް ފޯރުކޮށްދޭ ޚިދުމަތްތަކުގެ ދުވެލި ހަލުވިކޮށް ދެއްވާފައި ކަމަށެވެ.

ހަމައެއާއެކު އެކަމަނާގެ ވަޒީރުކަމުގައި އެ ވުޒާރާއަށް ހެޔޮ ބަދަލުތަކެއް ގެނެސްދެއްވާފައިވާކަން ސަޢުދު ފާހަގަކުރެއްވިއެވެ. ސައުދު ވިދާޅުވީ ވަޒީރު ނަހުލާ އެވުޒާރާގެ މަސައްކަތްތައް ގެންދަވަނީ ވަރަށް ހާމަކަމާއެކު ދެފުށް ފެންނަގޮތަށް ކަމަށެވެ.

"ރައްޔިތުންނަށްދޭ ޚިދުމަތްތައް ވަނީ ސްޕީޑް-އަޕް ކުރެވިފައި. ހާމަކަން ބޮޑު ގޮތަކަށް މިނިސްޓްރީގެ ކަންތައް ބައްޓަން ކުރުމަށް ކެނޑިނޭޅި ދަނީ މަސައްކަތް ކުރަމުން." ސަޢުދު ވިދާޅުވެފައިވެއެވެ.

Minister @aishath_nahula minister kamuga MOT vanee heyo badhal thah gennamun.Rahyithunah dhey hidhumah thah vanee speed up kurevifa.Haama kan bodu gothakah ministry kanthah battan kurumah kedneylhi dhanee masahkah kuramun.

— Saudulla Ahmed (@saudullaahmed1) October 6, 2022

ރައީސް ޞާލިޙްގެ ސަރުކާރަށް ތާޢީދު ކުރަށްވައި ތަކުރާރުކޮށް ބަސްފުޅު ވިދާޅުވާ ސަޢުދު މީގެކުރިންވެސް ވަނީ، ރައީސް ސާލިހުގެ ސަރުކާރުން ރާއްޖެއަށް އިޖުތިމާއި އަދި އިގުތިސާދީ ބޮޑު ބަދަލެއް ގެނެސްދެއްވާފައިވާކަމަށް ވިދާޅުވެފައެވެ.