އާބާދީ މަދުވެގެން މިސަރުކާރުން އެއްވެސް ރަށެއް ބާކީއެއް ނުކުރާނެކަމަށް ކުޅިވަރާބެހޭ ވަޒީރު އަޙްމަދު މަޙްލޫފް ވިދާޅުވެއްޖެއެވެ.
މަޙްލޫފް މިމޭރުމުން ވިދާޅުވީ ނ. މަގޫދޫ ކައުންސިލްގެ ބައި އިލެކްޝަންގައި ވާދަކުރަށްވާ އެމްޑީޕީގެ ކެންޑިޑޭޓް ފަރީދާ ޚާލިދުގެ ކެމްޕޭން ޖަލްސާގައި ރޭ ވާހަކަފުޅު ދައްކަވަމުންނެވެ.
ރޭ ނ.މަގޫދޫ ބަނދަރު ސަރަޙައްދުގައި ބޭއްވި، އެމްޑީޕީގެ ކެމްޕެއިން ޖަލްސާގައި މަޙްލޫފް ވިދާޅުވީ މި ސަރުކާރުން އެއްވެސް ރަށެއް ބާކީ ނުކުރާނެކަމުގެ އެންމެ ސާފު އެއް މިސާލަކީ ނ. މަގޫދޫ ކަމަށެވެ. އަދި އެކަމަށް އެރަށުގެ ރައްޔިތުން ހެކިވާނެ ކަމަށް މަޙްލޫފް ވިދާޅުވިއެވެ.
މަޙްލޫފް ވިދާޅުވީ މި ސަރުކާރަށް މުހިންމުވަނީ ހަމައެކަނި ވޯޓު ނޫންކަމަށެވެ. ހަމަކޮންމެ ރަށެއްގެ ރައްޔިތުންވެސް ތަރައްޤީއާއި ކުޅިވަރުކުޅޭނެ ވަސީލަތްތަކާއި އިޖުތިމާޢީ ދުޅަހެޔޮކަމަށް ބޭނުންވާނެ ކަމަށް މަޙްލޫފް ވިދާޅުވިއެވެ. އެގޮތުން ސަރުކާރުން މަސައްކަތްކުރަނީ ގިނަވޯޓު ލިބޭ ރަށްރަށަށް އިސްކަންދީގެން ނޫން ކަމަށް މަޙްލޫފް ވިދާޅުވިއެވެ.
“ވޯޓު އައިސް ޖެހުނީމަ ރައްޔިތުން ނިންމާނެ ކޮންބަޔަކަށްތޯ ވޯޓުދޭނީ. އަޅުގަނޑުމެންނަށް މިއަދު ޙަވާލުކޮށްފައިއޮތް އަމާނާތަކީ ތެދުވެރިކަމާ އެކީގައި ތަފާތުކުރުމެއްނެތި ރައްޔިތުންނަށް ޚިދުމަތްކުރުން. އަޅުގަނޑުމެން މިރަށަށް އަންނަނީ އަންނަހިތުން.” މިނިސްޓަރ މަޙްލޫފް ވިދާޅުވިއެވެ.
މި ސަރުކާރުން މަގޫދޫގައި މިހާތަނަށް ހިންގާފައިވާ ޕްރޮޖެކްޓްތަކުގެ އަގު 100 މިލިއަނަށް ވުރެ ބޮޑުވާނެ ކަމަށް އެމްޑީޕީން ބުނެއެވެ. އެގޮތުން އެރަށުގައި މިސްކިތަކާއި އައު އިންޖީނުގެއެއް މިސަރުކާރުން ވަނީ ޤާއިމުކޮށްފައެވެ. އޭގެ އިތުރުން ކުނިކޮށި އެޅުމާއި ބަނދަރު ހެދުންވެސް ކުރިއަށްދާކަމަށް އެމްޑީޕީން ވަނީ ބުނެފައެވެ.
ރޭ ނ.މަގޫދޫ ބަނދަރު ސަރަޙައްދުގައި ބޭއްވި، އެމްޑީޕީގެ ކެމްޕެއިން ޖަލްސާގައި މަޙްލޫފް ވިދާޅުވީ މި ސަރުކާރުން އެއްވެސް ރަށެއް ބާކީ ނުކުރާނެކަމުގެ އެންމެ ސާފު އެއް މިސާލަކީ ނ. މަގޫދޫ ކަމަށެވެ. އަދި އެކަމަށް އެރަށުގެ ރައްޔިތުން ހެކިވާނެ ކަމަށް މަޙްލޫފް ވިދާޅުވިއެވެ.
މަޙްލޫފް ވިދާޅުވީ މި ސަރުކާރަށް މުހިންމުވަނީ ހަމައެކަނި ވޯޓު ނޫންކަމަށެވެ. ހަމަކޮންމެ ރަށެއްގެ ރައްޔިތުންވެސް ތަރައްޤީއާއި ކުޅިވަރުކުޅޭނެ ވަސީލަތްތަކާއި އިޖުތިމާޢީ ދުޅަހެޔޮކަމަށް ބޭނުންވާނެ ކަމަށް މަޙްލޫފް ވިދާޅުވިއެވެ. އެގޮތުން ސަރުކާރުން މަސައްކަތްކުރަނީ ގިނަވޯޓު ލިބޭ ރަށްރަށަށް އިސްކަންދީގެން ނޫން ކަމަށް މަޙްލޫފް ވިދާޅުވިއެވެ.
މި ސަރުކާރުން މަގޫދޫގައި މިހާތަނަށް ހިންގާފައިވާ ޕްރޮޖެކްޓްތަކުގެ އަގު 100 މިލިއަނަށް ވުރެ ބޮޑުވާނެ ކަމަށް އެމްޑީޕީން ބުނެއެވެ. އެގޮތުން އެރަށުގައި މިސްކިތަކާއި އައު އިންޖީނުގެއެއް މިސަރުކާރުން ވަނީ ޤާއިމުކޮށްފައެވެ. އޭގެ އިތުރުން ކުނިކޮށި އެޅުމާއި ބަނދަރު ހެދުންވެސް ކުރިއަށްދާކަމަށް އެމްޑީޕީން ވަނީ ބުނެފައެވެ.
ކިޔުންތެރިންގެ ހިޔާލު