ރާއްޖެ އިން މިއަދު އިތުރު 37 މީހަކު ކޯވިޑް-19 އަށް ޕޮޒިޓިވް ވެ 19 މީހުން ބަލިން ރަނގަޅުވެއްޖެއެވެ.

މިއަދު ރާއްޖެ އިން ކޯވިޑް-19 އަށް ޕޮޒިޓިވްވި 37 މީހުންގެ ތެެރޭގައި ހިމެނެނީ 19 ދިވެހިންނާއި ބަންގްލަދޭޝްގެ 12 މީހަކާއި އިންޑިޔާގެ 6 މީހެކެވެ.

މިއަދު ބަލިޖެހުނު 37 މީހުންނާއެކު މިހާރު ވަނީ ރާއްޖެއިން ބަލިޖެހުނު މީހުންގެ އަދަދު 2187 އަށް އަރާފައެވެ.

މިއަދު ބަލިން ރަނގަޅުވި 19 މީހުންނާއެކު ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 1778 އަކަށް އަރާފައެވެ. މިވަގުތު ބައްޔަށް ފަރުވާ ކުރަމުންދަނީ 389 މީހުންނެވެ. އައިސޮލޭޝަންގައި ތިބީ 294 މީހުންނެވެ. އަދި ކަރަންޓީންގައި ތިބީ 151 މީހުންނެވެ.

މިހާތަނަށް މި ބަލީގައި ރާއްޖެ އިން މަރުވެފައިވަނީ 8 މީހުންނެވެ.