ރާއްޖެ އިން މިއަދު އިތުރު 22 މީހަކު ކޯވިޑް-19 އަށް ޕޮޒިޓިވް ވެ ބައްޔަށް ފަރުވާ ދެމުންދާ 10 މީހުން ބަލިން ރަނގަޅުވެއްޖެއެވެ.

އެޗްޕީއޭ އިން ބުނީ މިއަދު ރާއްޖެއިން ކޯވިޑް-19 އަށް ޕޮޒިޓިވްވެފައިވަނީ 08 ދިވެހިންނާއި ބަންގްލަދޭޝްގެ 13 މީހަކާއި އިންޑިއާ މީހެއް ކަމަށެވެ. މިއަދު ބަލިޖެހުނު 22 މީހުންނާއެކު މިހާރު ވަނީ ރާއްޖެއިން ބަލިޖެހުނު މީހުންގެ އަދަދު 2260 އަށް އަރާފައެވެ.

މިއަދު ބަލިން ރަނގަޅުވި 10 މީހުންނާއެކު ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 1839 އަށް އަރާފައެވެ. މިވަގުތު ބައްޔަށް ފަރުވާ ކުރަމުންދަނީ 408 މީހުންނެވެ. އައިސޮލޭޝަންގައި ތިބީ 314 މީހުންނެވެ. މިވަގުތު ކަރަންޓީންގައި ތިބީ 139 މީހުންނެވެ.

މިބަލީގައި މިހާތަނަށް ރާއްޖެ އިން މަރުވެފައިވަނީ 8 މީހުންނެވެ.