މަތީ ތައުލީމް ހާސިލް ކުރަމުންދާ ދަރިވަރުންނަށް ދޭ ލޯނާއި ސްކޮލަރޝިޕްތައް ހުއްޓުމެއްނެތި ކުރިއަށްދާނެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު މިއަދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ މިއަދު ކުރެެއްވި ޓުވީޓެއްގައެވެ. ރައީސް ސޯލިހްގެ ޓްވީޓްގައި ވިދާޅުވީ ކޯވިޑް-19ގެ މި ހާލަތުގައި ކުރިމަތިވެފައިވާ ގޮންޖެހުންތަކާއި އެކުގައިވެސް މަތީ ތައުލީމާއި ތަމްރީނުގެ ޕްރޮގްރާމްތައް ހުއްޓުމެއްނެތި ޚާއްޞަ ސަމާލުކަމެއް ދީގެން ކުރިއަށް ގެންދަވާނެ ކަމަށެވެ.

Despite challenges of COVID19, we remain focused on higher education and training opportunities for Maldivians. I’m pleased that key programs such as our student loan scheme as well as High Achievers Scholarships and the President’s Award Scholarship shall continue uninterrupted.

— Ibrahim Mohamed Solih (@ibusolih) June 25, 2020

މި އަހަރުގެ ފެބްރުއަރީ މަހު ސަރުކާރުގެ ފަރާތުން އިއުލާންކޮށްފައިވާ ސްޓޫޑެންޓްސް ލޯން ސްކީމުގެ އިތުރުން ރައީސުލްޖުމްހޫރިއްޔާގެ ޚާއްސަ ސްކޮލަރޝިޕް ސްކީމްގައި ހިމެނޭ ޕްރެޒިޑެންޓްސް އެވޯޑްސް ސްކޮލަރޝިޕް އަދި ހަޔަރ އެޗީވާސް ސްކޮލަރޝިޕް ވެސް ހިމެނޭ ގޮތަށް މި ތިން ޕްރޮގްރާމް ވެސް މި އަހަރު މެދުކެނޑުމެއްނެތި ކުރިއަށްދާނެ ކަމުގެ ޔަޤީންކަން ރައީސް ސޯލިހް ވަނީ ދެއްވާފައެވެ.

ކޯވިޑް-19 އާއި ގުޅިގެން ސްޓޫޑަންޓް ލޯނު ރީޕޭކުރަމުންދާ ފަރާތްތަކުގެ، ރީޕޭމަންޓް 6 މަސް ދުވަހަށް ފަސްކޮށްދެއްވާފައިވާކަން ރައީސް ސޯލިހު ވަނީ މީގެ ކުރިން ހާމަކުރައްވާފައެވެ.