ރާއްޖެއިން ބޭރަށް ކުރެއްވި ދަތުރުފުޅުތަކަށް 140 މިލިއަން ރުފިޔާ ޚަރަދުކުރި ކަމަށް ދެކެވޭ ވާހަކަތައް ފޮރިން މިނިސްޓަރު އަބުދު ﷲ ޝާހިދު މިރޭ ދޮގުކުރައްވައިފިއެވެ.
ޕީއެސްއެމްގައި މިރޭ ވާހަކަ ދައްކަވަމުން ފޮރިން މިނިސްޓަރ އަބުދު ﷲ ޝާހިދު ވިދާޅުވީ ބޭރުގެ އެހީ ހޯއްދެވުމަށް ރާއްޖެއިން މިހާތަނަށް ކުރެއްވި ދަތުރުތަކަށް ޚަރަދުވެފައިވަނީ 7 މިލިއަނާއި 10 މިލިއަން ރުފިޔާއާއި ދެމެދުގެ އަދަދެއް ކަމަށެވެ. މިނިސްޓަރ ޝާހިދު ކުރެއްވި ދަތުރުފުޅުތަކަށް 140 މިލިއަން ރުފިޔާ ޚަރަދުވެފަައިވާ ކަމަށް މީޑިޔާތަކުން ރިޕޯޓްކޮށްފައިވާ ކަމަށް ޕީއެސްއެމްގެ ޕްރެޒެންޓަރ ދެންނެވުމުން ޝާހިދު ވަނީ އެއީ ކޮންތާކުން ހޯދި މައުލޫމާތެއްތޯ އައްސަވާފައެވެ.
"ތިޔަ ވިދާޅުވާ އަދަދުން ވިއްޔާ އެއީ ހަނދަށް ގޮސްފައި އަންނަ ވަރުގެ އަދަދެއް." ހިނިފުޅުވަޑުވަމުން ޝާހިދު ވިދާޅުވިއެވެ.
ޝާހިދު ވިދާޅުވީ ކުރައްވާ ކޮންމެ ކަމެއް ކުރައްވާނީ ރައްޔިތުންނަށް އެނގޭ ގޮތަށް ކަމަށާއި ކޮންމެ ތާކަށް ވަޑައިގެން ކޮންމެ މީހަކާއި ބައްދަލުކުރެއްވި ނަމަވެސް އެކަން ހާމަކުރައްވަމުން ގެންދަވާ ކަމަށެވެ.
"އަޅުގަނޑު ކުރި ދަތުރުތައް ރައްޔިތުންނަށް އެގޭނެ. ގޮސް ކުރިކަންތައް ވެސް ރައްޔިތުންނަށް ފެންނަން ހުންނާނެ." ޝާހިދު ވިދާޅުވިއެވެ.
ޝާހިދު ވިދާޅުވީ ރައީސް ޔާމިންގެ ސަރުކާރުގައި ފޮރިން މިނިސްޓްރީން 24 މިލިއަން ރުފިޔާ ޚަރަދު ކޮށްފައިވާ ކަމަށެވެ. އެހެންނަމަވެސް ދައުލަތަށް ހޯދުނު އެއްޗެއް ނެތް ކަމަށް ޝާހިދު ވިދާޅުވިއެވެ.
ދައުލަތުން ކުރި ޚަރަދުތަކަށް ވުރެ އެތަށް ގުނަ އެއް އިތުރަށް ލާރި ލިބިފައިވާ ކަމަށް ޝާހިދު ވިދާޅުވިއެވެ. ޝާހިދު ވިދާޅުވީ މަގާމާއި ހަވާލުވިފަހުން ފުރަތަމަ އަހަރު ދުވަހުގެ ތެރޭގައި ދަތުރުތަކަށް ޚަރަދުވެފައިވަނީ 2.8 މިލިއަން ރުފިޔާ ކަމަށެވެ.
2018 ނޮވެމްބަރު 17 އިން 2018 ޑިސެމްބަރު 31 އަށް މިނިސްޓަރ ޝާހިދު ރަސްމީ 2 ދަތުރުފުޅެއް ކުރައްވާފައިވާއިރު، މި ދެ ދަތުރުފުޅުގެ ޖުމްލަ ޚަރަދެއްގެ ގޮތުގައި ހިނގާފައިވަނީ 194،590.40ރ އެވެ. އަދި 2019 ވަނަ އަހަރު ޖެނުއަރީ 1 އިން 2019 ނޮވެމްބަރު 17 އަށް މިނިސްޓަރ ޝާހިދު ކުރެއްވި 18 ދަތުރުފުޅަކަށް ޖުމްލަ 2،646،289.14ރ ޚަރަދުވެފައިވާ ކަމަށް ޚާރިޖިއްޔާއިން ވިދާޅުވެފައި ވެއެވެ. އެހެންކަމުން ވަޒީރުކަމާއި ހަވާލުވެވަޑައިގެންނެވި 1 އަހަރު ތެރޭގައި، މިނިސްޓަރ ޝާހިދު ކުރައްވާފައިވާ ޖުމްލަ 20 ދަތުރުފުޅަށް ޚަރަދުވެފައިވަނީ 2،840،879.54ރ އެވެ.
މިނިސްޓަރ ޝާހިދުގެ މިދަތުރުފުޅުތަކަކީ އެކިއެކި ޤައުމުތަކުގެ ޚާރިޖީ ވަޒީރުންނާއި ބައްދަލުކުރެއްވުމަށް އެޤައުމުތަކަށް ކުރެއްވި ބައިލޭޓަރަލް ދަތުރުފުޅުތަކަކާއި، ދިވެހިރާއްޖެ ބައިވެރިވެފައިވާ ބައިނަލްއަޤްވާމީ އެކި ޖަމްއިއްޔާ ޖަމާޢަތްތަކުގެ ހައި-ލެވެލް ބައްދަލުވުންތަކުގައި ބައިވެރިވެވަޑައިގަތުމަށް ކުރެއްވި ދަތުރުފުޅުތަކުގެ އިތުރުން ރައީސުލްޖުމްހޫރިއްޔާ ބައެއް ޤައުމުތަކަށް ކުރެއްވި ފުރަމާނަ ދަތުރުފުޅުތަކުގައި ބައިވެރިވެވަޑައިގަތުމަށް ކުރެއްވި ދަތުރުފުޅުތަކެވެ.
މިނިސްޓަރ ޝާހިދުގެ މި ދަތުރުފުޅުތަކުގެ ސަބަބުން ބައިނަލްއަޤްވާމީ މުޖްތަމައާއި ދިވެހިރާއްޖެއާއި އޮންނަ ގުޅުން ބަދަހި، ދޭދޭ ގުޅުންތައް ވަރުގަދަވެ، ބައިނަލްއަޤްވާމީ މަސްރަހުގައި ދިވެހިރާއްޖޭގެ ހައްޤު މަޤާމް ދިވެހިރާއްޖެއިން މިއަދު ވަނީ ހޯދާފައިވާ ކަމުގައި ދިވެހި ޚާރިޖިއްޔާއިން ވިދާޅުވެފައިވެއެވެ. އަދި މި ގުޅުންތަކާއިއެކު، ދިވެހިރާއްޖެއަށް ހިލޭ އެހީގެ ގޮތުގައި އެމުއްދަތުގެ ތެރޭގައި ހެޔޮއެދޭ ބައެއް ޤައުމުތަކުން، ހިލޭ އެހީގެ ގޮތުގައި 3.21 ބިލިއަން ރުފިޔާ ރާއްޖެއަށް ދީފައިވާކަން ރައީސުލްޖުމްހޫރިއްޔާ އިބްރާހިމް މުހައްމަދު ސާލިޙް 2019 ވަނަ އަހަރުގެ ޖުމްހޫރީ ދުވަހުގެ މުނާސަބަތުގައި ދަރުބާރުގޭގައި ބޭއްވި ރަސްމީ ޖަލްސާގައި ވާހަކަފުޅު ދައްކަވަމުން ވެސް ފާހަގަކުރައްވާފައިވެއެވެ. ހަމައެއާއިއެކު އަބޫދާބީން 2019 ވަނަ އަހަރު ދިވެހިރާއްޖެއަށް ދިނުމަށް ނިންމާފައި އޮތް 25 މިލިއަން ޑޮލަރު، 50 މިލިއަން ޑޮލަރުގެ ހިލޭ އެހީއަށް ބަދަލުކޮށްދެއްވި ވާހަކަ ފޮރިން މިނިސްޓަރ ޝާހިދު އެދުވަހުގެ އިރު އޮއްސުނު ވަގުތު ފޯނުން ގުޅުއްވައި، ދެންނެވި ވާހަކަވެސް ރައީސުލްޖުމްހޫރިއްޔާގެ ވާހަކަފުޅުގައި އެރޭ ފާހަގަކުރެއްވިއެވެ. މި އެހީގެ އެއްބަސްވުމުގައި ސޮއިކުރުމުގެ މަރުޙަލާ މިނިސްޓްރީ އޮފް ފިނޭންސް އިން މިހާރު ކުރިއަށް އެބަ ގެންދަވާ ކަމަށް ވެސް އެމިނިސްޓްރީން ހާމަކުރައްވާފައި ވެއެވެ.
"ތިޔަ ވިދާޅުވާ އަދަދުން ވިއްޔާ އެއީ ހަނދަށް ގޮސްފައި އަންނަ ވަރުގެ އަދަދެއް." ހިނިފުޅުވަޑުވަމުން ޝާހިދު ވިދާޅުވިއެވެ.
ޝާހިދު ވިދާޅުވީ ކުރައްވާ ކޮންމެ ކަމެއް ކުރައްވާނީ ރައްޔިތުންނަށް އެނގޭ ގޮތަށް ކަމަށާއި ކޮންމެ ތާކަށް ވަޑައިގެން ކޮންމެ މީހަކާއި ބައްދަލުކުރެއްވި ނަމަވެސް އެކަން ހާމަކުރައްވަމުން ގެންދަވާ ކަމަށެވެ.
"އަޅުގަނޑު ކުރި ދަތުރުތައް ރައްޔިތުންނަށް އެގޭނެ. ގޮސް ކުރިކަންތައް ވެސް ރައްޔިތުންނަށް ފެންނަން ހުންނާނެ." ޝާހިދު ވިދާޅުވިއެވެ.
ޝާހިދު ވިދާޅުވީ ރައީސް ޔާމިންގެ ސަރުކާރުގައި ފޮރިން މިނިސްޓްރީން 24 މިލިއަން ރުފިޔާ ޚަރަދު ކޮށްފައިވާ ކަމަށެވެ. އެހެންނަމަވެސް ދައުލަތަށް ހޯދުނު އެއްޗެއް ނެތް ކަމަށް ޝާހިދު ވިދާޅުވިއެވެ.
ދައުލަތުން ކުރި ޚަރަދުތަކަށް ވުރެ އެތަށް ގުނަ އެއް އިތުރަށް ލާރި ލިބިފައިވާ ކަމަށް ޝާހިދު ވިދާޅުވިއެވެ. ޝާހިދު ވިދާޅުވީ މަގާމާއި ހަވާލުވިފަހުން ފުރަތަމަ އަހަރު ދުވަހުގެ ތެރޭގައި ދަތުރުތަކަށް ޚަރަދުވެފައިވަނީ 2.8 މިލިއަން ރުފިޔާ ކަމަށެވެ.
2018 ނޮވެމްބަރު 17 އިން 2018 ޑިސެމްބަރު 31 އަށް މިނިސްޓަރ ޝާހިދު ރަސްމީ 2 ދަތުރުފުޅެއް ކުރައްވާފައިވާއިރު، މި ދެ ދަތުރުފުޅުގެ ޖުމްލަ ޚަރަދެއްގެ ގޮތުގައި ހިނގާފައިވަނީ 194،590.40ރ އެވެ. އަދި 2019 ވަނަ އަހަރު ޖެނުއަރީ 1 އިން 2019 ނޮވެމްބަރު 17 އަށް މިނިސްޓަރ ޝާހިދު ކުރެއްވި 18 ދަތުރުފުޅަކަށް ޖުމްލަ 2،646،289.14ރ ޚަރަދުވެފައިވާ ކަމަށް ޚާރިޖިއްޔާއިން ވިދާޅުވެފައި ވެއެވެ. އެހެންކަމުން ވަޒީރުކަމާއި ހަވާލުވެވަޑައިގެންނެވި 1 އަހަރު ތެރޭގައި، މިނިސްޓަރ ޝާހިދު ކުރައްވާފައިވާ ޖުމްލަ 20 ދަތުރުފުޅަށް ޚަރަދުވެފައިވަނީ 2،840،879.54ރ އެވެ.
މިނިސްޓަރ ޝާހިދުގެ މި ދަތުރުފުޅުތަކުގެ ސަބަބުން ބައިނަލްއަޤްވާމީ މުޖްތަމައާއި ދިވެހިރާއްޖެއާއި އޮންނަ ގުޅުން ބަދަހި، ދޭދޭ ގުޅުންތައް ވަރުގަދަވެ، ބައިނަލްއަޤްވާމީ މަސްރަހުގައި ދިވެހިރާއްޖޭގެ ހައްޤު މަޤާމް ދިވެހިރާއްޖެއިން މިއަދު ވަނީ ހޯދާފައިވާ ކަމުގައި ދިވެހި ޚާރިޖިއްޔާއިން ވިދާޅުވެފައިވެއެވެ. އަދި މި ގުޅުންތަކާއިއެކު، ދިވެހިރާއްޖެއަށް ހިލޭ އެހީގެ ގޮތުގައި އެމުއްދަތުގެ ތެރޭގައި ހެޔޮއެދޭ ބައެއް ޤައުމުތަކުން، ހިލޭ އެހީގެ ގޮތުގައި 3.21 ބިލިއަން ރުފިޔާ ރާއްޖެއަށް ދީފައިވާކަން ރައީސުލްޖުމްހޫރިއްޔާ އިބްރާހިމް މުހައްމަދު ސާލިޙް 2019 ވަނަ އަހަރުގެ ޖުމްހޫރީ ދުވަހުގެ މުނާސަބަތުގައި ދަރުބާރުގޭގައި ބޭއްވި ރަސްމީ ޖަލްސާގައި ވާހަކަފުޅު ދައްކަވަމުން ވެސް ފާހަގަކުރައްވާފައިވެއެވެ. ހަމައެއާއިއެކު އަބޫދާބީން 2019 ވަނަ އަހަރު ދިވެހިރާއްޖެއަށް ދިނުމަށް ނިންމާފައި އޮތް 25 މިލިއަން ޑޮލަރު، 50 މިލިއަން ޑޮލަރުގެ ހިލޭ އެހީއަށް ބަދަލުކޮށްދެއްވި ވާހަކަ ފޮރިން މިނިސްޓަރ ޝާހިދު އެދުވަހުގެ އިރު އޮއްސުނު ވަގުތު ފޯނުން ގުޅުއްވައި، ދެންނެވި ވާހަކަވެސް ރައީސުލްޖުމްހޫރިއްޔާގެ ވާހަކަފުޅުގައި އެރޭ ފާހަގަކުރެއްވިއެވެ. މި އެހީގެ އެއްބަސްވުމުގައި ސޮއިކުރުމުގެ މަރުޙަލާ މިނިސްޓްރީ އޮފް ފިނޭންސް އިން މިހާރު ކުރިއަށް އެބަ ގެންދަވާ ކަމަށް ވެސް އެމިނިސްޓްރީން ހާމަކުރައްވާފައި ވެއެވެ.
ކިޔުންތެރިންގެ ހިޔާލު