ޕީިޕިއެމް އާއި ގުޅިވަޑައިގަތީ ރަނިންމޭޓްކަން ބޭނުންވެގެން ނޫން ކަމަށާއި ބޭނުންވަނީ ގައުމުގެ ހާލަތު ބަދަލުކުރުމަށް ކަމަށް އިދިކޮޅު ކޯލިޝަންގެ އެޑްވައިޒަރު ޑރ.މުހަންމަދު ޖަމީލް އަހުމަދު މިރޭ ވިދާޅުވެއްޖެއެވެ.

ރައީސް ޔާމިންގެ ސަރުކާރުގެ ނާއިބް ރައީސް ކަން ކުރެއްވި ޑރ.ޖަމީލް މިރޭ ވަނީ ޕީޕިއެމް އަށް ސޮއިކުރައްވާފައެވެ. ޕީޕިއެމް އަށް ސޮއިކުރެއްވުމާއެކު ޖަމީލަށް ވަނީ އިދިކޮޅު ޕީޕީއެމް/ ޕީއެންސީ ކޯލިޝަންގެ އެޑްވައިޒަރު ކަމުގެ މަގާމު އަރުވާފައެވެ. އެޑްވައިޒަރު ކަމުގެ މަގާމާއި ހަވާލުވެވަަޑައިގަތުމަށްފަހު ޑރ. މުހަންމަދު ޖަމީލް އަހުމަދު ވިދާޅުވީ ގައުމުގެ އޮތީ ވަރަށް ނުރައްކާތެރި ހާލަތެއްގައި ކަމަށާއި، މިހާލަތު ބަދަލުކުރެވޭނީ ރައްޔިތުން ހިތްވަރު ކޮށްގެން ކަމަށެވެ. ޖަމީލް ވިދާޅުވީ އޭނާ އަމިއްލަ މަންފާ އެއް ހާސިލް ކުރުމުގެ އެއްވެސް ނިޔަތެއް ކަމަށެވެ.

"އަޅުގަނޑު ގަބޫލުކުރާގޮތުގައި ރަނގަޅުގޮތް ހޯދަން މަސައްކަތް ކުރަންޖެހޭ، މިއަދު މިއައީ ރަނިންމޭޓްކަން ވަޒީރުކަމަކާއި ކަންތަކެއް ބޭނުންވެގެން ނެތް ނޫން." ރައްޔިތުންގެ މަޖިލީހަސް ހުށައަޅައިގެން އިތިބާރު ނެތްކަމުގެ ވޯޓުނަގާ ރައީސް ޔާމިންގެ ނާއިބްރައީސް ކަމުން ވަކިކުރި ޖަމީލް ވިދާޅުވިއެވެ.

ރާއްޖޭގެ މިއަދުގެ ހާލަތު ބަދަލުކުރެވޭނެ ހަމައެކަނި ޕާޓީއަކީ ޕީޕިއެމް ކަމަށް ވެސް ޖަމީލް ވިދާޅުވިއެވެ. ޖަމީލް ވިދާޅުވީ ރާއްޖޭގެ އިގްތިސާދާއި ހަމަޖެހުން އޮތްތަނެއް ބަޔަކަށް ނޭގޭ ކަމަށެވެ.ރާއްޖޭގެ ހާލަތު ގޯސް ކަމަށާއި އިޤުތިޞާދަށް، ވަމުންދާ ގޮތެއް ނޭނގޭކަމަށާއި ޑިމްކޮރަސީގެ އަސާސްތަށް ނެތިގެން ގޮސް ތިން ބާރު އެއްވެފައިވާ ކަމަށް ޖަމީލް ވިދާޅުވިއެވެ. މިހާރު ރާއްޖޭގައި ހުރި މައްސަލަތަކަށް ހައްލު ގެންނަން ބޭނުން ނަމަ ވެރިކަމަށް ގެންނަން ޖެހޭނީ ބިޔަ ކެރޭ ލީޑަރު ކަމަށާއި އެބޭފުޅަކީ ރައީސް ޔާމިން ކަމަށް ޑރ. ޖަމީލް ވިދާޅުވިއެވެ.