ހުޅުމާލޭ ފަޅު ތެރޭގައި އަޅާފައި އޮތް ސަފާރީއެއްގެ ތެރޭގައި ބިދޭސީ އަންހެނަކު ރޭޕްކޮށްފި އެވެ.

ފުލުހުންގެ އިދާރާ އިން މިއަދު ބުނީ، ހުޅުމާލޭ ފަޅުގައި އަޅާފައި އޮތް ސަފާރީ އެއްގައި އަންހެނަކު ރޭޕް ކުރި މައްސަލަ އެއް އެ އިދާރާ އަށް ހުށައަޅާފައިވާ ކަމަށެވެ. ފުލުހުން ބުނީ އެމައްސަލައިގެ ތުހުމަތުގައި ދެ ދިވެހިން މިއަދު ހައްޔަރުކޮށްފައިވާ ކަމަށެވެ.

ފުލުހުން އިތުރަށް ބުނީ އެ މައްސަލަ ފުލުހަށް ހުށައަޅާފައިވަނީ ރޭ ފަތިހު ކަމަށެވެ. އެ ރިޕޯޓާ ގުޅިގެން ކުށުގެ ވެށިން 39 އަހަރުގެ ދިވެހި ދެ ފިރިހެނުން ހައްޔަރުކޮށްފައިވާ ކަމަށް ފުލުހުން ބުނެއެވެ. މައްސަލަ ތަހުގީގު ކުރަމުންދާތީ އެކަމާ ގުޅޭ އިތުރު މައުލޫމާތެއް ފުލުހުން ހާމައެއް ނުކުރެއެވެ.

އެހެން ނަމަވެސް "ރަސް އޮންލައިން" އަށް މައުލޫމާތު ލިބިފައިވާ ގޮތުގައި ކޯޓު އަމުރެއްގެ ދަށުން ފުލުހުން އެ ސަފާރީއަށް ގޮސްފައިވަނީ މިއަދު މެންދުރުފަހު 15:30 ހާއިރުގައެވެ. މިކަމާއި ގުޅިގެން ފުލުހުން ވަނީ މިފަދަ މައްސަލައެއް ބަލަމުންދާ ކަން ކަށަވަރުކޮށްދީފައެވެ.

ފަހަކަށްއައިސް ރޭޕްގެ މައްސަލަތައް ފުލުހުންގެ އިދާރާ އަށް ހުށައެޅޭ މިންވަރު އިތުރުވެފައިވާ ކަން ފާހަގަ ކޮށްލެވެއެވެ. އޭގެ ތެރޭގައި ޚާއްޞަކޮށް ކުޑަކުދިން ރޭޕް ކުރުމުގެ މައްސަލަތައް އިތުރު ވަމުންދާކަން ފާހަގަ ކުވެއެވެ.