ކުރީގެ ރައީސް ޔާމިން އަބްދުލް ގައްޔޫމުގެ ސަރުކާރުގައި އެމްއެމްޕީއާރުސީގެ ތެރެއިން ހިންގި ބޮޑު ޚިޔާނަތުގެ ފައިސާ ލިބުނު ބައެއް ބޭފުޅުންގެ މައުލޫމާތާއި އެބޭފުޅުންނަށް ލިބިވަޑައިގެންނެވި ފައިސާގެ އަދަދުތައް ކަމަށް ބުނެ އެ ފަރާތްތަކުގެ މައުލޫމާތު ޓުވީޓާގައި އާންމުކުރަން ފަށައިފިއެވެ.
އެމްއެމްޕީއާރުސީގެ ބެނިފަޝިރީސްގެ ނަމުގައި ހިންގާ ޓުވީޓާ އެކައުންޓުން އާންމުކުރަމުންދާ މިމައުލޫމާތުތަކުގައި ޚިޔާނަތުގެ ފައިސާ ލިބިވަޑައިގެންނެވި ބައެއް ބޭފުޅުންގެ ތެރޭގައި ހިމެނޭ ކަމަށް ބުނެ މައުލޫމާތު އާންމުކޮށްފައިވާ ފަރާތްތަކުގެ ތެރޭގައި ޕީޕިއެމްގެ ނާއިބް ރައީސް ޣައްސާނު މައުމޫނާއި، ކުރީގެ ފޮރިން މިނިސްޓަރު ދުންޔާ މައުމޫނާއި، ކުރީގެ ޑިފެންސް މިނިސްޓަރ މޫސާ އަލީ ޖަލީލާ، ކުރީގެ އިކޮންމިކް މިނިސްޓަރު އަދި މާވަށު ދާއިރާގެ މެމްބަރު މުހަންމަދު ސައީދާއި ގިނަ އަދަދެއްގެ ސިޔާސީ ބޭފުޅުން ހިމެނިވަޑައިގަންނަވައެވެ.
އެޓުވީޓާ އެކައުންޓުން ވަނީ އެބޭފުޅުންނަށް ލިބިވަޑައިގެންނެވި ފައިސާގެ އަދަދުތައް ވެސް ހާމަކޮށްފައެވެ. އަދި ފައިސާ ލިބުނު ކަމުގެ ހެކި ވެސް އާންމު ކުރާނެ ކަމަށް އެ ފަރާތުން ބުނެފައިވެއެވެ. އެމްއެމްޕީއާރުސީގެ ޚިޔާނާތުން މަންފާ ލިބުނު ކަމަށް ތަހުގީގީ އިދާރާތަކުން އެކުލަވާލައި މިދިޔަ އޮކްޓޯބަރު މަހު އާއްމުކުރި ލިސްޓުގައި 267 މީހަކު ހިމެނެ އެވެ. އޭގެ ތެރޭގައި މި ސަރުކާރުގެ މިނިސްޓަރުންނާއި އިސް ބޭފުޅުންނާއި ރައްޔިތުންގެ މަޖިލީހުގެ ކުރީގެ މެމްބަރުންނާއި މިހާރުގެ މެމްބަރުންނާއި މިނިވަން މުއައްސަސާތަކާއި ސަލާމަތީ ބާރުތަކުގެ އޮފިސަރުން ހިމެނެ އެވެ.
ޚިޔާނާތުގައި އެންމެ އިސްކޮށް އުޅުއްވީ ގޭބަންދުގައި މިހާރު ހުންނެވި ކުރީގެ ނައިބު ރައީސް އަހްމަދު އަދީބު ކަމަށް ފުލުހުން ބުނެއެވެ. އަދީބުގެ އިތުރުން މި މައްސަލައިގައި އިސްކޮށް ދެން ހިމެނޭ އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު ވެސް ހުންނެވީ ގޭބަންދުގަ އެވެ. މި ޚިޔާނާތުގައި އެންމެ ބޮޑަށް ތުހުމަތުކުރެވުނު ބޭފުޅުންގެ ތެރެއިން ޖަލު ހުކުމެއް ތަންފީޒު ކުރައްވަމުން ގެންދަވަނީ ކުރީގެ ރައީސް އަބްދުﷲ ޔާމީން އެކަންޏެވެ. އެމަނިކުފާނަށް ފަސް އަހަރުގެ ޖަލު ހުކުމެއް އިއްވީ އެމްއެމްޕީއާރުސީގެ ހިޔާނާތާ ގުޅޭ މަނީ ލޯންޑްރިންގެ މައްސަލައެއްގަ އެވެ.
ދާދިފަހުން ޕީޖީ ޝަމީމް ވިދާޅުވެފައިވަނީ އެމްއެމްޕީއާރުސީގެ ޚިޔާނަތުގެ ފައިސާ ބޮޑެތި ސިޔާސީ ޕާޓީތަކާއި ސިޔާސީ ދާއިރާގައި ހަރަކާތްތެރިވާ ވަރަށް ގިނަ ފަރާތްތަކަށް ލިބިފައިވާ ކަމަށެވެ. އެމްއެމްޕީއާރުސީ މެދުވެރިކޮށް ދޫކުރި ރަށްތަކާއި ފަޅުތަކާ ގުޅިގެން ދައުލަތަށް ލިބެންޖެހޭ 1.2 ބިލިއަނަށް ވުރެ ގިނަ ރުފިޔާގެ ޚިޔާނާތުގެ މައްސަލަ ތަހުގީގު ކުރުމުގައި ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) އާއި އެސެޓް ރިކަވަރީ ކޮމިޝަނުން ބައިވެރިވެއެވެ.
އެޓުވީޓާ އެކައުންޓުން ވަނީ އެބޭފުޅުންނަށް ލިބިވަޑައިގެންނެވި ފައިސާގެ އަދަދުތައް ވެސް ހާމަކޮށްފައެވެ. އަދި ފައިސާ ލިބުނު ކަމުގެ ހެކި ވެސް އާންމު ކުރާނެ ކަމަށް އެ ފަރާތުން ބުނެފައިވެއެވެ. އެމްއެމްޕީއާރުސީގެ ޚިޔާނާތުން މަންފާ ލިބުނު ކަމަށް ތަހުގީގީ އިދާރާތަކުން އެކުލަވާލައި މިދިޔަ އޮކްޓޯބަރު މަހު އާއްމުކުރި ލިސްޓުގައި 267 މީހަކު ހިމެނެ އެވެ. އޭގެ ތެރޭގައި މި ސަރުކާރުގެ މިނިސްޓަރުންނާއި އިސް ބޭފުޅުންނާއި ރައްޔިތުންގެ މަޖިލީހުގެ ކުރީގެ މެމްބަރުންނާއި މިހާރުގެ މެމްބަރުންނާއި މިނިވަން މުއައްސަސާތަކާއި ސަލާމަތީ ބާރުތަކުގެ އޮފިސަރުން ހިމެނެ އެވެ.
ޚިޔާނާތުގައި އެންމެ އިސްކޮށް އުޅުއްވީ ގޭބަންދުގައި މިހާރު ހުންނެވި ކުރީގެ ނައިބު ރައީސް އަހްމަދު އަދީބު ކަމަށް ފުލުހުން ބުނެއެވެ. އަދީބުގެ އިތުރުން މި މައްސަލައިގައި އިސްކޮށް ދެން ހިމެނޭ އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތު ވެސް ހުންނެވީ ގޭބަންދުގަ އެވެ. މި ޚިޔާނާތުގައި އެންމެ ބޮޑަށް ތުހުމަތުކުރެވުނު ބޭފުޅުންގެ ތެރެއިން ޖަލު ހުކުމެއް ތަންފީޒު ކުރައްވަމުން ގެންދަވަނީ ކުރީގެ ރައީސް އަބްދުﷲ ޔާމީން އެކަންޏެވެ. އެމަނިކުފާނަށް ފަސް އަހަރުގެ ޖަލު ހުކުމެއް އިއްވީ އެމްއެމްޕީއާރުސީގެ ހިޔާނާތާ ގުޅޭ މަނީ ލޯންޑްރިންގެ މައްސަލައެއްގަ އެވެ.
ދާދިފަހުން ޕީޖީ ޝަމީމް ވިދާޅުވެފައިވަނީ އެމްއެމްޕީއާރުސީގެ ޚިޔާނަތުގެ ފައިސާ ބޮޑެތި ސިޔާސީ ޕާޓީތަކާއި ސިޔާސީ ދާއިރާގައި ހަރަކާތްތެރިވާ ވަރަށް ގިނަ ފަރާތްތަކަށް ލިބިފައިވާ ކަމަށެވެ. އެމްއެމްޕީއާރުސީ މެދުވެރިކޮށް ދޫކުރި ރަށްތަކާއި ފަޅުތަކާ ގުޅިގެން ދައުލަތަށް ލިބެންޖެހޭ 1.2 ބިލިއަނަށް ވުރެ ގިނަ ރުފިޔާގެ ޚިޔާނާތުގެ މައްސަލަ ތަހުގީގު ކުރުމުގައި ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) އާއި އެސެޓް ރިކަވަރީ ކޮމިޝަނުން ބައިވެރިވެއެވެ.
ކިޔުންތެރިންގެ ހިޔާލު