މިދިޔަ ހުކުރު ދުވަހުގެ ރޭ ހުޅުމާލެ ފަޅުތެރޭގައި އޮތް ސަފާރީއެއްގައި ބިދޭސީ އަންހެނަކަށް ޖިންސީ ގޯނާ ކުރި މައްސަލައެއްގައި، ކުށުގެ ތުހުމަތު ކުރެވޭ ދެ މީހަކު ކުށުގެ ވެށިން ހައްޔަރުކުރުމަށްފަހު އެމީހުން ދޫކޮށްލުމުގައި ފުލުހުން އަމަލުކޮށްފައިވާ ގޮތް ތަހުގީގުކޮށްދޭން ނޭޝަނަލް އިންޓެގްރިޓީ ކޮމިޝަން (އެންއައިސީ) ގައި އެދިއްޖެއެވެ.
އެ މައްސަލާގައި ފުލުހުން އަމަލުކޮށްފައިވާ ގޮތް ބަލައިދިނުމަށް އެދިވަޑައިގެން އެންއައިސީގެ ރައީސް އަހުމަދު ސުލައިމާނަށް ސިޓީއެއް ފޮނުއްވީ ވިލިމާލެ ދާއިރާގެ އަމިއްލަ މެންބަރު އަހުމަދު އުޝާމް އެވެ. އޭނާ އެ މައްސަލަ ހުށަހަޅުއްވާފައި ވަނީ މަޖިލީހުގެ މެންބަރެއްގެ ހައިސިއްޔަތުންނެވެ.
އުޝާމް ފޮނުއްވި ސިޓީގައި ބުނެފައި ވަނީ، މި މައްސަލައިގެ ތަހުގީގުގައި ފުލުހުން ކަންކަން ކޮށްފައި ވަނީ މިފަދަ މައްސަލަތަކުގައި މީގެ ކުރިން އަމަލު ކުރަމުން އަންނަ އުސޫލުތަކާ ހިލާފަށް ކަން މިހާތަނަށް ފުލުހުން އާންމުކޮށްފައިވާ މައުލޫމާތުތަކުން ހާމަވާ ކަމަށެވެ. މި މައްސަލާގައި ގާނޫނުތަކާއި ގަވާއިދުތަކާ ހިލާފަށް ފުލުހުން އަމަލު ކުރަމުން އަންނަނީ ބައެއް ފަރާތްތަކުގެ ނުފޫޒުގެ ސަބަބުން ކަމަށް ވެސް ތުހުމަތު ކުރެވެމުން އަންނަ ކަމަށް އެ ސިޓީގައި ފާހަގަކުރައްވާފައިވެ އެވެ.
އެހެންކަމުން މި މައްސަލާގައި ފުލުހުން އަމަލުކޮށްފައި ވަނީ ގާނޫނުތަކާއި ގަވާއިދުތަކާ އެއްގޮތަށްތޯ ކަށަވަރު ކުރުމަށް ޓަކައި އެ މައްސަލަ ކޮމިޝަނުން އަވަސް މައްސަލައެއްގެ ގޮތުގައި ތަހުގީގު ކުރުމަކީ މުހިއްމު ކަމެއް ކަމަށް ދެކެވަޑައިގަންނަވާ ކަމަށް އުޝާމް ވިދާޅުވެފައިވެ އެވެ. އަދި ގާނޫނުން ލިބިދޭ ބާރުގެ ތެރެއިން ކޮމިޝަނުން މައްސަލަ ބަލައި ދިނުމަށް އޭނާ ވަނީ އެދިވަޑައިގެންފައެވެ.
މި މައްސަލާގައި އެންއައިސީން މަސައްކަތް ކުރަމުންދާ ގޮތް ބެލުމަށް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއަށް ވެސް އެޖެންޑާކޮށްފައިވެ އެވެ. އަދި މި މައްސަލަ ދިރާސާކުރުމަށް ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީގައި ވެސް އެޖެންޑާކޮށްފައިވެ އެވެ. އެ ބައްދަލުވުންތައް އޮތީ މާދަމާ އެވެ. މީގެ އިތުރުން އެޗްއާރުސީއެމް އާއި އަދި މަޖިލީހުގެ މިނިިވަން މުވައްސަސާތަކާއި ބެހޭ ކޮމެޓީން ވެސް ވަނީ މިމައްސަލަ ބެލުމަށް ނިއްމާފައެވެ.
އުޝާމް ފޮނުއްވި ސިޓީގައި ބުނެފައި ވަނީ، މި މައްސަލައިގެ ތަހުގީގުގައި ފުލުހުން ކަންކަން ކޮށްފައި ވަނީ މިފަދަ މައްސަލަތަކުގައި މީގެ ކުރިން އަމަލު ކުރަމުން އަންނަ އުސޫލުތަކާ ހިލާފަށް ކަން މިހާތަނަށް ފުލުހުން އާންމުކޮށްފައިވާ މައުލޫމާތުތަކުން ހާމަވާ ކަމަށެވެ. މި މައްސަލާގައި ގާނޫނުތަކާއި ގަވާއިދުތަކާ ހިލާފަށް ފުލުހުން އަމަލު ކުރަމުން އަންނަނީ ބައެއް ފަރާތްތަކުގެ ނުފޫޒުގެ ސަބަބުން ކަމަށް ވެސް ތުހުމަތު ކުރެވެމުން އަންނަ ކަމަށް އެ ސިޓީގައި ފާހަގަކުރައްވާފައިވެ އެވެ.
އެހެންކަމުން މި މައްސަލާގައި ފުލުހުން އަމަލުކޮށްފައި ވަނީ ގާނޫނުތަކާއި ގަވާއިދުތަކާ އެއްގޮތަށްތޯ ކަށަވަރު ކުރުމަށް ޓަކައި އެ މައްސަލަ ކޮމިޝަނުން އަވަސް މައްސަލައެއްގެ ގޮތުގައި ތަހުގީގު ކުރުމަކީ މުހިއްމު ކަމެއް ކަމަށް ދެކެވަޑައިގަންނަވާ ކަމަށް އުޝާމް ވިދާޅުވެފައިވެ އެވެ. އަދި ގާނޫނުން ލިބިދޭ ބާރުގެ ތެރެއިން ކޮމިޝަނުން މައްސަލަ ބަލައި ދިނުމަށް އޭނާ ވަނީ އެދިވަޑައިގެންފައެވެ.
މި މައްސަލާގައި އެންއައިސީން މަސައްކަތް ކުރަމުންދާ ގޮތް ބެލުމަށް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއަށް ވެސް އެޖެންޑާކޮށްފައިވެ އެވެ. އަދި މި މައްސަލަ ދިރާސާކުރުމަށް ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީގައި ވެސް އެޖެންޑާކޮށްފައިވެ އެވެ. އެ ބައްދަލުވުންތައް އޮތީ މާދަމާ އެވެ. މީގެ އިތުރުން އެޗްއާރުސީއެމް އާއި އަދި މަޖިލީހުގެ މިނިިވަން މުވައްސަސާތަކާއި ބެހޭ ކޮމެޓީން ވެސް ވަނީ މިމައްސަލަ ބެލުމަށް ނިއްމާފައެވެ.
ކިޔުންތެރިންގެ ހިޔާލު