މަސްތުވާތަކެތި ޓްރެފިކްކުރި ދިވެހި އަންހެން ޕައިލެޓްގެ ބަންދަށް 10 ދުވަސް ކްރިމިނަލް ކޯޓުން އިތުރުކޮށްދީފިއެވެ.

މެދު ރާއްޖެތެރޭގެ ރަށަކަށް ނިސްބަތްވާ އުމުރުން 33 އަހަރުގެ ދިވެހި އަންހެން ޕައިލެޓަކު މަސްތުވާތަކެތި ޓްރެފިކް ކުރުމުގެ ތުހުމަތުގައި ހައްޔަރު ކުރީ މިދިޔަ ފެބްރުވަރީ މަހުގެ މެދުތެރޭގައެވެ.

އޭނާގެ ބަންދަށް މީގެ ކުރިންވެސް ކްރިމިނަލް ކޯޓުން ވަނީ 15 ދުވަސް ޖަހާފައެވެ. މިފަހަރު ބަންދު މުރާޖަޢާ އަޑުއެހުމުގައި އޭނާގެ ބަންދަށް ވަނީ 10 ދުވަސް ޖަހާފައެވެ. އޭނާގެ މައްޗަށް މަސްތުވާތަކެތި ޓްރެފިކް ކުރުމުގެ ތުހުމަތު ކުރެވޭ މިންވަރަށް ހެކި ހުރި ކަމަށް ކޯޓުގައި ފުލުހުން ބުނެފައި ވެއެވެ.

އޭނާ ޓްރެފިކް ކުރިކަމަށް ފުލުހުން ތުހުމަތުކުރާ މަސްތުވާތަކެތި ފެނިފައި ވަނީ އޭނާ ދިިރިއުޅޭ ކޮޓަރިންނެވެ. މި މައްސަލައިގައި އެ އަންހެން ޕައިލެޓްގެ އިތުރުން 21 އަހަރުގެ ދިވެހި ފިރިހެނަކުވެސް ހައްޔަރުކޮށްފައި ވެއެވެ.

މި މައްސަލަ ފުލުހުންގެ އިދާރާއިން ތަޙުޤީޤު ކުރަމުންދާކަމަށް އެ އިދާރާއިން ހާމަކޮށްފައިވެއެވެ.