ދިވެހި އަދަބިއްޔާތަށް އަގުހުރި ޚިދުމަތްތަކެއް ކޮށްދެއްވަމުން ގެންދަވާ މުހައްމަދު ސަލީމް (ހޯރަފުށީ ސަލީމް) އަށް ހާޓް އެޓޭކެއް ޖެހިގެން ފަރުވާ ދެމުން އެބަދެ އެވެ.
ރައްޔިތުންގެ މަޖިލީހުގެ ރައީސުލްޖުމްހޫރިއްޔާގެ މެމްބަރުކަން ކުރައްވާފައިވާ ހޯރަފުށީ ސަލީމްގެ އާއިލާއިން މަޢުލޫމާތު ދެއްވާގޮތުގައި ސަލީމަށް ހާޓްއެޓޭކެއް ޖެހުނީ ރޭ ފަތިހުގެ ވަގުތެއްގައި ކަމަށެވެ. ސަލީމަށް މިހާރު ގެންދަނީ އޭޑީކޭ ހޮސްޕިޓަލުގެ އައިސީޔޫގައި ފަރުވާދެމުންނެވެ.
ހޯރަފުށީ ސަލީމަކީ ނޫސްވެރިކަމުގެ ދާއިރާއިން ގައުމީ އިނާމާއި ރާއްޖޭގެ ނޫސްވެރިކަމުގެ ރަން ޔޫބީލް ގަލަމާއި އަލިމަސް ގަލަން ވެސް ލިބިވަޑައިގެންފައިވާ ބޭފުޅެކެވެ.
ކުރީގެ ރައީސް މައުމޫން އަބްދުލް ގައްޔޫމްގެ ވެރިކަމުގައި ރައްޔިތުންގެ މަޖިލީހުގައި ރައީސުލްޖުމްހޫރިއްޔާގެ މެމްބަރުކަން ކުރެއްވި ސަލީމަކީ ހޯރަފުށީ ދާއިރާގެ މިހާރުގެ މެމްބަރު އަޙުމަދު ސަލީމްގެ އެއްބަފާ ބޭބެއެވެ.
ކުރީގެ ރައީސް މައުމޫން އަބްދުލް ގައްޔޫމްގެ ވެރިކަމުގައި ރައްޔިތުންގެ މަޖިލީހުގައި ރައީސުލްޖުމްހޫރިއްޔާގެ މެމްބަރުކަން ކުރެއްވި ސަލީމަކީ ހޯރަފުށީ ދާއިރާގެ މިހާރުގެ މެމްބަރު އަޙުމަދު ސަލީމްގެ އެއްބަފާ ބޭބެއެވެ.
ކިޔުންތެރިންގެ ހިޔާލު