ފަރެސްމާތޮޑާ އާއި ވެލާނާ އިންޓަނޭޝަނަލް އެއަރޕޯޓްގެ ދުރުމިން ގަޑިއެއްހާއިރަށް ކައިރިވެއްޖެ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިރޭ ވިދާޅުވެއްޖެއެވެ.
ގދ. ފަރެސްމާތޮޑާ އެއަރޕޯޓް ހުޅުވުމަށް މިރޭ ބޭއްވި ރަސްމިއްޔާތުގައި ރައީސް ޞާލިޙް ވިދާޅުވީ، ފަރެސްމާތޮޑާގެ އެއަރޕޯޓަކީ އެރަށުގެ އިތުރުން، ގދ. ވާދޫއާއި، ފިޔޯރީއާއި، ރަތަފަންދޫއާއި ނަޑައްލާގެ ރައްޔިތުން ކުރަމުން އައި ދިގު އިންތިޒާރެއްގެ ނިމުން ކަމަށެވެ. ހަމައެއާއެކު އެހާފުރިހަމަ ވައިގެ ބަނދަރެއް ތަރައްޤީކޮށް ނިންމަވައިދެއްވި ކަމަށްޓަކައި އެމް.ޓީ.ސީ.ސީ.ގެ ހީވާގި ހިންގުންތެރިންނަށާއި، އެކަމުގައި ޢަމަލީގޮތުން ބައިވެރިވި ހުރިހާ ބޭފުޅުންނަށް ރައީސް ވަނީ ވަރަށް ޚާއްޞަ ޝުކުރެއް ދަންނަވާފައެވެ.
ރައީސް މިރޭ ވިދާޅުވީ ވެލާނާ އިންޓަރނޭޝަނަލް އެއަރޕޯޓާއި ފަރެސްމާތޮޑާއާ ދެމެދު ކުރިންއޮތް ދިގު ރާސްތާ މިހާރު 1 ގަޑިއިރާއި 15 މިނިޓަށް ކައިރިވެފައިވާ ކަމަށެވެ. އެހެންކަމުން އެ ސަރަޙައްދަކީ އިޤްތިޞާދީ ވަރުގަދަ ހަބަކަށް ހެދުމަށް މިހާރު އިތުރަށް ބޭނުންވަނީ އެސަރަޙައްދުގެ ރައްޔިތުންގެ ހިތްވަރު ކަމަށް ރައީސް ވިދާޅުވިއެވެ.
"ދެން އޮތީ މި ސަރަޙައްދުގެ ރައްޔިތުންގެ ހިތްވަރާއި ޒުވާނުންގެ ފަންވަރު. ގެސްޓްހައުސް ވިޔަފާރިއަށް ވަނުމުގެ އުންމީދުގައި، މި ސަރަޙައްދުގެ ރަށްތަކުގައި ތިއްބެވި ބޭފުޅުންނަށް އަޅުގަނޑު ދަންނަވާނީ، މިހާރު މިއޮތީ ވަރަށް ރަނގަޅު ފުރުޞަތެއް ލިބިފައޭ. ލަސްނުކުރައްވާށޭ، އަވަހަށް ފަށްޓަވާށޭ." ރައީސް މިރޭ ވިދާޅުވިއެވެ.
ރައީސް ވިދާޅުވީ ފަރެސް މާތޮޑާ ވައިގެ ބަނދަރުން ސިފަކޮށްދެނީ ރާއްޖޭގެ ޖަޒީރާއެއްގެ މަލަމަތި ކަމަށެވެ. އެގޮތުން ދިވެހިންގެ އިހުޒަމާނުގެ ކަނޑުމަތީ ސަވާރީއަކީ، ހޭޅިފަށުގައި ހުންނަ އޮޑިހަރުގެތަކުގެ ކަމަޅިމަތީ ފަށަން ދަމާލައިގެން ބަންނަ އޮޑިދޯނިފަހަރު ކަމަށް ރައީސް ވިދާޅުވިއެވެ.
"މިއަދު އަޅުގަނޑުމެންގެ އާންމު ދަތުރުފަތުރުގައި ބޭނުންކުރާ ވައިގެ ބަނދަރެއް، އެފަދަ އޮޑިހަރުގެއެއްގެ ޒަމާނީ ފަރުމާއާ ބުގިސްވެގެން އުފެއްދުނުއިރު ދިވެހިވަންތަކަން ކިތަންމެ ރަނގަޅަކަށް ވެސް ސިފަވެގެން އެބަދޭ." ރައީސް ވިދާޅުވިއެވެ.
ރައީސް ވިދާޅުވީ މި ވައިގެ ބަނދަރުން ރައްޔިތުންނަށް ލިބޭނީ ހަމައެކަނި ދަތުރުފަތުރުގެ ލުއިފަސޭހަކަން ނޫން ކަމަށާއި އިޤްތިޞާދީ އެތައް މަންފާއެއް ލިބޭނެ ކަމަށެވެ. އެގޮތުން އެރަށުގެ ޒުވާނުން އެއަރޕޯޓްގައި އަދާކުރާ ވަޒީފާތަކާއެކު، އިޤްތިޞާދީ އެތައް މަންފާއެއް ލިބޭނެ ކަމަށް ރައީސް ވިދާޅުވިއެވެ.
"މި އުންމީދު ޙާޞިލުވުމާއެކު، ކުރިއަށް އޮތީ އަދި މާ ފަހި ދުވަސްތަކެއް. މި ރަށާއި ކައިރި ރަށްތަކާ ދެމެދު ލޯންޗު ދަތުރުތައް އެތައް ގުނައަކަށް އިތުރުވެގެންދާނެ. މި ރަށުގައި އެންމެ އަވަހަށް ދެން ފުޅާވާނެ ކަމަށް އަޅުގަނޑަށް ފެންނަނީ ޓެކްސީގެ ޚިދުމަތް. ހޮޓާ ރެސްޓޯރަންޓުގެ ވިޔަފާރިއާއި، އެނޫން ވިޔަފާރިތަކަށްވެސް މި ހުޅުވުނީ ވަރަށް ތަނަވަސް ދޮރެއް. މިހިރީ މި ވައިގެ ބަނދަރުގެ ސަބަބުން، ނުސީދާ ގޮތެއްގައި އުފެދޭ އިޤްތިޞާދީ ޙަރަކާތްތަކާއި، އިތުރު ވަޒީފާތަކާއި، އާމްދަނީ ހޯދޭނެ އިތުރު މަގުތައް." ރައީސް ވިދާޅުވެފައިވެއެވެ.
ރައީސް ވިދާޅުވީ އެއަރޕޯޓާ އެކު، އެރަށުގެ ކަރަންޓާއި، ނަރުދަމާގެ ޚިދުމަތަށްވެސް ކުރިއެރުންތަކެއް އަންނަމުންދާ ކަމަށެވެ. ހަމައެއާއެކު ފަރެސްމާތޮޑާ އާއި އެއަރޕޯޓް ދާއިމީ ކޯޒްވޭ އަކުން ގުޅާލައި ބަނދަރު ސަރަހައްދުން އެއަރޕޯޓަށް ގެންގޮސްދޭނެ ތާރުމަގުގެ މަސައްކަތް ވެސް މާލަސްތަކެއް ނުވެ ފަށާނެ ކަމަށެވެ.
"އެތެރޭގެ ދަތުރުފަތުރުގައި ރައްޔިތުންނަށް ދުރު ގާތް ކޮށްދޭންޖެހޭނެ ކަމަށް އަޅުގަނޑުމެން ޤަބޫލުކުރާ މިންގަނޑެއް އެބައޮތް. އެއީ، ކޮންމެ ރަށަކުން ވެސް ފުރައިގެން، އެންމެ ގިނަވެގެން 20-30 މިނިޓުން ދެވޭ ހިސާބުގައި ވައިގެ ބަނދަރެއް އޮތުން. ފަރެސްމާތޮޑާ އެއަރޕޯޓާއެކު، އެންމެ ރަށެއް ފިޔަވައި، މުޅި ހުވަދުއަތޮޅު އެ މިންގަނޑަށް ފެތި ބަރާބަރުވީ." ރައީސް ވިދާޅުވިއެވެ.
މ. މުއްޔާއި، ފ. މަގޫދޫ އަދި ރ. އަލިފުށީގައި ޤާއިމުކުރާ ވައިގެ ބަނދަރުގެ މަސައްކަތް އިރާދަކުރެއްވިއްޔާ މި އަހަރުގެ ތެރޭގައި ނިމި ޚިދުމަތް ދޭން ފަށާނެ ކަމަށް ރައީސް މިރޭ ވިދާޅުވިއެވެ. އޭގެ އިތުރުން ނ. މާފަރު ވައިގެ ބަނދަރު އިތުރަށް ތަރައްޤީކޮށް، ފެންވަރު މަތިކުރުމަށް މިހާރު ކުރަމުން އަންނަ މަސައްކަތްތައް ވެސް، އިރާދަކުރެއްވިއްޔާ މި އަންނަ އަހަރުގެ ކުރީކޮޅުގައި ނިންމައި ޚިދުމަތް ދޭން ފަށާނެކަމަށްވެސް ރައީސް ވަނީ ވިދާޅުވެފައެވެ.
އޭގެ އިތުރުން ވެސް ހދ. މަކުނުދޫ، ށ. ބިލެތްފަހި، ބ. ތުޅާދޫ، އަދި ތ. ވިލުފުށީގައި ޤާއިމުކުރާ ވައިގެ ބަނދަރުތައް ތަރައްޤީކުރުމުގެ މަސައްކަތް މި އަހަރުގެ ތެރޭގައި ފެށޭނެ ކަމަށް އުންމީދު ކުރަށްވާކަމަށް ރައީސް ވިދާޅުވިއެވެ.
ރައީސް މިރޭ ވިދާޅުވީ މީހުން އެއް ތަނުން އަނެއް ތަނަށް ދަތުރުކުރުމަކީ، ރަށްވެހިކަމާއި ތަރައްޤީ އާއި ތަހުޒީބުގެ ސިފަތައް ދުނިޔޭގެ ހަތަރު ބިތަށް ފަތުރައިލަދިން މައިގަނޑު ވަސީލަތް ކަމަށެވެ.
"މިއީ އިންސާނީ މުޖްތަމަޢުގައި ކަން ހިނގާ މަގު. މި ޖަޒީރާތަކަށް ވެސް ދުނިޔޭގެ އިރާއި ހުޅަނގުގެ ތަހުޒީބާއި ތަމައްދުންގެ ސިފަތައް ވާރުތަވީ ހަމަ އެމަގުން. ކުރިއަށް އޮތް ތަނުގައިވެސް އެކަން ހިނގާނީ އެގޮތަށް. އެކަކަށް ލިބޭ ކުރިއެރުމުގެ ނަފާ އަނެކަކަށް، އެއް ރަށަށް ލިބޭ ތަރައްޤީގެ ފައިދާ އަނެއް ރަށަށް، އަދި އެއް އަތޮޅަށް އަންނަ ދިރުމުގެ ހެޔޮ އަސަރު އަނެއް އަތޮޅަށް ކުރަނީ ވެސް ހަމަ އެމަގުން." ރައީސް ވިދާޅުވިއެވެ.
ރައީސް ވިދާޅުވީ ރާއްޖޭގެ ރަށްތައް ގުޅުވައިލުމަށް ކުރާ މަސައްކަތުގެ ސަބަބުން، މުޅި ރާއްޖެއަށް އެތައް ގޮތަކުން ކުރިއެރުމާއި ތަރައްޤީ ލިބެމުން ދާނެކަމުގެ ޔަޤީންކަން އޮތް ކަމަށެވެ. އަދި އެކަމުގެ ސަބަބުން ދިވެހިންގެ ދިރިއުޅުމުގެ ފެންވަރު މަތިވެ، އަމިއްލަ ފުދުންތެރިކަން އެތައް ގުނައަކަށް އިތުރުވެގެންދާނެ ކަމަށް ރައީސް މިރޭ ވިދާޅުވިއެވެ.
ރައީސް މިރޭ ވިދާޅުވީ ވެލާނާ އިންޓަރނޭޝަނަލް އެއަރޕޯޓާއި ފަރެސްމާތޮޑާއާ ދެމެދު ކުރިންއޮތް ދިގު ރާސްތާ މިހާރު 1 ގަޑިއިރާއި 15 މިނިޓަށް ކައިރިވެފައިވާ ކަމަށެވެ. އެހެންކަމުން އެ ސަރަޙައްދަކީ އިޤްތިޞާދީ ވަރުގަދަ ހަބަކަށް ހެދުމަށް މިހާރު އިތުރަށް ބޭނުންވަނީ އެސަރަޙައްދުގެ ރައްޔިތުންގެ ހިތްވަރު ކަމަށް ރައީސް ވިދާޅުވިއެވެ.
"ދެން އޮތީ މި ސަރަޙައްދުގެ ރައްޔިތުންގެ ހިތްވަރާއި ޒުވާނުންގެ ފަންވަރު. ގެސްޓްހައުސް ވިޔަފާރިއަށް ވަނުމުގެ އުންމީދުގައި، މި ސަރަޙައްދުގެ ރަށްތަކުގައި ތިއްބެވި ބޭފުޅުންނަށް އަޅުގަނޑު ދަންނަވާނީ، މިހާރު މިއޮތީ ވަރަށް ރަނގަޅު ފުރުޞަތެއް ލިބިފައޭ. ލަސްނުކުރައްވާށޭ، އަވަހަށް ފަށްޓަވާށޭ." ރައީސް މިރޭ ވިދާޅުވިއެވެ.
ރައީސް ވިދާޅުވީ ފަރެސް މާތޮޑާ ވައިގެ ބަނދަރުން ސިފަކޮށްދެނީ ރާއްޖޭގެ ޖަޒީރާއެއްގެ މަލަމަތި ކަމަށެވެ. އެގޮތުން ދިވެހިންގެ އިހުޒަމާނުގެ ކަނޑުމަތީ ސަވާރީއަކީ، ހޭޅިފަށުގައި ހުންނަ އޮޑިހަރުގެތަކުގެ ކަމަޅިމަތީ ފަށަން ދަމާލައިގެން ބަންނަ އޮޑިދޯނިފަހަރު ކަމަށް ރައީސް ވިދާޅުވިއެވެ.
"މިއަދު އަޅުގަނޑުމެންގެ އާންމު ދަތުރުފަތުރުގައި ބޭނުންކުރާ ވައިގެ ބަނދަރެއް، އެފަދަ އޮޑިހަރުގެއެއްގެ ޒަމާނީ ފަރުމާއާ ބުގިސްވެގެން އުފެއްދުނުއިރު ދިވެހިވަންތަކަން ކިތަންމެ ރަނގަޅަކަށް ވެސް ސިފަވެގެން އެބަދޭ." ރައީސް ވިދާޅުވިއެވެ.
ރައީސް ވިދާޅުވީ މި ވައިގެ ބަނދަރުން ރައްޔިތުންނަށް ލިބޭނީ ހަމައެކަނި ދަތުރުފަތުރުގެ ލުއިފަސޭހަކަން ނޫން ކަމަށާއި އިޤްތިޞާދީ އެތައް މަންފާއެއް ލިބޭނެ ކަމަށެވެ. އެގޮތުން އެރަށުގެ ޒުވާނުން އެއަރޕޯޓްގައި އަދާކުރާ ވަޒީފާތަކާއެކު، އިޤްތިޞާދީ އެތައް މަންފާއެއް ލިބޭނެ ކަމަށް ރައީސް ވިދާޅުވިއެވެ.
"މި އުންމީދު ޙާޞިލުވުމާއެކު، ކުރިއަށް އޮތީ އަދި މާ ފަހި ދުވަސްތަކެއް. މި ރަށާއި ކައިރި ރަށްތަކާ ދެމެދު ލޯންޗު ދަތުރުތައް އެތައް ގުނައަކަށް އިތުރުވެގެންދާނެ. މި ރަށުގައި އެންމެ އަވަހަށް ދެން ފުޅާވާނެ ކަމަށް އަޅުގަނޑަށް ފެންނަނީ ޓެކްސީގެ ޚިދުމަތް. ހޮޓާ ރެސްޓޯރަންޓުގެ ވިޔަފާރިއާއި، އެނޫން ވިޔަފާރިތަކަށްވެސް މި ހުޅުވުނީ ވަރަށް ތަނަވަސް ދޮރެއް. މިހިރީ މި ވައިގެ ބަނދަރުގެ ސަބަބުން، ނުސީދާ ގޮތެއްގައި އުފެދޭ އިޤްތިޞާދީ ޙަރަކާތްތަކާއި، އިތުރު ވަޒީފާތަކާއި، އާމްދަނީ ހޯދޭނެ އިތުރު މަގުތައް." ރައީސް ވިދާޅުވެފައިވެއެވެ.
ރައީސް ވިދާޅުވީ އެއަރޕޯޓާ އެކު، އެރަށުގެ ކަރަންޓާއި، ނަރުދަމާގެ ޚިދުމަތަށްވެސް ކުރިއެރުންތަކެއް އަންނަމުންދާ ކަމަށެވެ. ހަމައެއާއެކު ފަރެސްމާތޮޑާ އާއި އެއަރޕޯޓް ދާއިމީ ކޯޒްވޭ އަކުން ގުޅާލައި ބަނދަރު ސަރަހައްދުން އެއަރޕޯޓަށް ގެންގޮސްދޭނެ ތާރުމަގުގެ މަސައްކަތް ވެސް މާލަސްތަކެއް ނުވެ ފަށާނެ ކަމަށެވެ.
"އެތެރޭގެ ދަތުރުފަތުރުގައި ރައްޔިތުންނަށް ދުރު ގާތް ކޮށްދޭންޖެހޭނެ ކަމަށް އަޅުގަނޑުމެން ޤަބޫލުކުރާ މިންގަނޑެއް އެބައޮތް. އެއީ، ކޮންމެ ރަށަކުން ވެސް ފުރައިގެން، އެންމެ ގިނަވެގެން 20-30 މިނިޓުން ދެވޭ ހިސާބުގައި ވައިގެ ބަނދަރެއް އޮތުން. ފަރެސްމާތޮޑާ އެއަރޕޯޓާއެކު، އެންމެ ރަށެއް ފިޔަވައި، މުޅި ހުވަދުއަތޮޅު އެ މިންގަނޑަށް ފެތި ބަރާބަރުވީ." ރައީސް ވިދާޅުވިއެވެ.
މ. މުއްޔާއި، ފ. މަގޫދޫ އަދި ރ. އަލިފުށީގައި ޤާއިމުކުރާ ވައިގެ ބަނދަރުގެ މަސައްކަތް އިރާދަކުރެއްވިއްޔާ މި އަހަރުގެ ތެރޭގައި ނިމި ޚިދުމަތް ދޭން ފަށާނެ ކަމަށް ރައީސް މިރޭ ވިދާޅުވިއެވެ. އޭގެ އިތުރުން ނ. މާފަރު ވައިގެ ބަނދަރު އިތުރަށް ތަރައްޤީކޮށް، ފެންވަރު މަތިކުރުމަށް މިހާރު ކުރަމުން އަންނަ މަސައްކަތްތައް ވެސް، އިރާދަކުރެއްވިއްޔާ މި އަންނަ އަހަރުގެ ކުރީކޮޅުގައި ނިންމައި ޚިދުމަތް ދޭން ފަށާނެކަމަށްވެސް ރައީސް ވަނީ ވިދާޅުވެފައެވެ.
އޭގެ އިތުރުން ވެސް ހދ. މަކުނުދޫ، ށ. ބިލެތްފަހި، ބ. ތުޅާދޫ، އަދި ތ. ވިލުފުށީގައި ޤާއިމުކުރާ ވައިގެ ބަނދަރުތައް ތަރައްޤީކުރުމުގެ މަސައްކަތް މި އަހަރުގެ ތެރޭގައި ފެށޭނެ ކަމަށް އުންމީދު ކުރަށްވާކަމަށް ރައީސް ވިދާޅުވިއެވެ.
ރައީސް މިރޭ ވިދާޅުވީ މީހުން އެއް ތަނުން އަނެއް ތަނަށް ދަތުރުކުރުމަކީ، ރަށްވެހިކަމާއި ތަރައްޤީ އާއި ތަހުޒީބުގެ ސިފަތައް ދުނިޔޭގެ ހަތަރު ބިތަށް ފަތުރައިލަދިން މައިގަނޑު ވަސީލަތް ކަމަށެވެ.
ރައީސް ވިދާޅުވީ ރާއްޖޭގެ ރަށްތައް ގުޅުވައިލުމަށް ކުރާ މަސައްކަތުގެ ސަބަބުން، މުޅި ރާއްޖެއަށް އެތައް ގޮތަކުން ކުރިއެރުމާއި ތަރައްޤީ ލިބެމުން ދާނެކަމުގެ ޔަޤީންކަން އޮތް ކަމަށެވެ. އަދި އެކަމުގެ ސަބަބުން ދިވެހިންގެ ދިރިއުޅުމުގެ ފެންވަރު މަތިވެ، އަމިއްލަ ފުދުންތެރިކަން އެތައް ގުނައަކަށް އިތުރުވެގެންދާނެ ކަމަށް ރައީސް މިރޭ ވިދާޅުވިއެވެ.
ކިޔުންތެރިންގެ ހިޔާލު