ކުވެއިތު ފަންޑުގެ އެހީގައި ބިނާކުރާ ހަތް ހޮސްޕިޓަލް އިމާރާތްކުރުމަށް ޙަވާލުނުކުރެވި ލަސްވަނީ ކުވެއިތު ފަންޑުން "ނޯ އޮބްޖެކްޝަން" ނުލިބޭތީ ކަމަށް ދަޢުލަތުގެ މާލީ ވަޒީރު އިބްރާހިމް އަމީރު ވިދާޅުވެއްޖެއެވެ.
ރާއްޖޭގެ 7 ރަށެއްގައި ހޮސްޕިޓަލް އެޅުމަށް ކުވައިތު ފަންޑުން ދިނުމަށް ހަމަޖެހިފައިވާ އެހީ ލިބިފައިވާކަމަށް މިނިސްޓަރ އޮފް ހެލްތު އަޙުމަދު ނަސީމް އެންމެ ފުރަތަމަ ވިދާޅުވީ މިދިޔަ އަހަރުގެ އޭޕްރީލް މަހު އެވެ. އެގޮތުން 30 އެނދުގެ 7 ހޮސްޕިޓަލް އިމާރާތްކުރާނެ ބަޔަކު ހޯދުމަށް ފިނޭންސް މިނިސްޓްރީން ވަނީ ދެފަހަރެއްގެ މަތިން އިއުލާންކޮށްފައެވެ.
މީގެ ކުރިން ރައްޔިތުންގެ މަޖިލީހުގައި މިނިސްޓަރ އަމީރު ވިދާޅުވީ އެމަސައްކަތް ކުރުމަށް މިމަހުގެ ފުރަތަމަ ހަފްތާގައި ޙަވާލު ކުރަށްވާނެ ކަމަށެވެ.
މަސައްކަތް ޙަވާލުނުކުރެވި ލަސްވެފައިވާތީ ރައްޔިތުންގެ މަޖިލީހުގެ މިއަދު ޖަލްސާގައި މެމްބަރުންވަނީ ވަޒީރާއި ސުވާލު ކުރަށްވާފައެވެ. އެސުވާލުގެ ޖަވާބުގައި މާލީ ވަޒީރު އިބްރާހިމް އަމީރު ވިދާޅުވީ، ކުވެއިތު ފަންޑުގެ އެހީގައި އިމާރާތްކުރާ ހަތް ހޮސްޕިޓަލުގެ މަސައްކަތް މިހާރު އޮތީ ޓެންޑާ މަރުޙަލާގައި ކަމަށާއި، އިވެލުއޭޝަން ޕްރޮސެސްވެސް މިހާރު ނިމިފައިވާ ކަމަށެވެ.
ނަމަވެސް ބޭރުގެ ފަރާތްތަކުގެ އެހީގައި ކުރިއަށްގެންދާ މަޝްރޫއުތަކަށް ނޯ އޮބްޖެކްޝަން ބޭނުންވާ ކަމަށް އަމީރު ވިދާޅުވިއެވެ. މީގެ ދެތިން ދުވަސް ކުރިން ކުވެއިތު ފަންޑުގެ އިސް ބޭފުޅުންނާ މަޝްވަރާ ކުރެއްވި ކަމަށާއި، ނޯ އޮބްޖެކްޝަން ވަރަށް އަވަހަށް ހަމަޖެހޭނެކަން އެފަރާތުން ފާހަގަކުރެއްވި ކަމަށް އަމީރު ވިދާޅުވި އެވެ. ހަމައެއާއެކު އެ މަސައްކަތްތައް މި ހަފުތާގެ ތެރޭގައި ހަވާލުކުރާނެ ކަމަށް އަމީރު ވަނީ ވިދާޅުވިއެވެ.
"އަޅުގަނޑު ދެކޭ ގޮތުގައި މި ހަފުތާ ތެރޭގައި ނޯ އޮބްޖެކްޝަން އަޅުގަނޑުމެންނަށް ލިބި އެގްރިމެންޓް ސޮއިކުރެވޭ ހިސާބަށް ކުރިއަށް ގެންދެވޭނެ،" އަމީރު ވިދާޅުވި އެވެ.
ކުވެއިތު ފަންޑް ފޯރ އަރަބް އިކޮނޮމިކް ޑިވެލޮޕްމަންޓް (ކޭ.އެފް.އޭ.އީ.ޑީ)ގެ އެހީގެ ދަށުން ކުރިޔަށް ގެންދިއުމަށް ހަމަޖެހިފައިވާ މި މަޝްރޫޢުގައި ހޮސްޕިޓަލް ޢިމާރާތް ކުރުމަށް ހަމަޖެހިފައިވާ ރަށްތަކަކީ ހދ.ހަނިމާދޫ އާއި ށ.މިލަންދޫ އާއި ނ.ވެލިދޫއާއި ކ.ތުލުސްދޫ އާއި އދ.މާމިގިއްޔާއި ވ.ފެލިދޫގެ އިތުރުން ތ.ވިލުފުއްޓެވެ.
މި މަސައްކަތަށް ޝަރުތުހަމަވާ ފަރާތެއް ހޯދުމުގެ ކަންތައް ކުރިޔަށް ގެންގޮސްފައިވަނީ އިންޓަރނޭޝަނަލް ކޮމްޕެޓިޓިވް ބިޑިންގ (އައި.ސީ.ބީ) އުސޫލުގެ މަތިން ކަމަށް ފިނޭންސް މިނިސްޓްރީން މަޢުލޫމާތު ދީފައިވެއެވެ. ހެލްތު މިނިސްޓްރީން ބުނެފައިވަނީ، ރާއްޖޭގެ އެކި ހިސާބުތަކުގައި 25 ހޮސްޕިޓަލެއް އެޅުމުގެ މަސައްކަތް ވަރަށް އަވަހަށް ފަށާނެ ކަމަށެވެ.
މީގެ ކުރިން ރައްޔިތުންގެ މަޖިލީހުގައި މިނިސްޓަރ އަމީރު ވިދާޅުވީ އެމަސައްކަތް ކުރުމަށް މިމަހުގެ ފުރަތަމަ ހަފްތާގައި ޙަވާލު ކުރަށްވާނެ ކަމަށެވެ.
މަސައްކަތް ޙަވާލުނުކުރެވި ލަސްވެފައިވާތީ ރައްޔިތުންގެ މަޖިލީހުގެ މިއަދު ޖަލްސާގައި މެމްބަރުންވަނީ ވަޒީރާއި ސުވާލު ކުރަށްވާފައެވެ. އެސުވާލުގެ ޖަވާބުގައި މާލީ ވަޒީރު އިބްރާހިމް އަމީރު ވިދާޅުވީ، ކުވެއިތު ފަންޑުގެ އެހީގައި އިމާރާތްކުރާ ހަތް ހޮސްޕިޓަލުގެ މަސައްކަތް މިހާރު އޮތީ ޓެންޑާ މަރުޙަލާގައި ކަމަށާއި، އިވެލުއޭޝަން ޕްރޮސެސްވެސް މިހާރު ނިމިފައިވާ ކަމަށެވެ.
ނަމަވެސް ބޭރުގެ ފަރާތްތަކުގެ އެހީގައި ކުރިއަށްގެންދާ މަޝްރޫއުތަކަށް ނޯ އޮބްޖެކްޝަން ބޭނުންވާ ކަމަށް އަމީރު ވިދާޅުވިއެވެ. މީގެ ދެތިން ދުވަސް ކުރިން ކުވެއިތު ފަންޑުގެ އިސް ބޭފުޅުންނާ މަޝްވަރާ ކުރެއްވި ކަމަށާއި، ނޯ އޮބްޖެކްޝަން ވަރަށް އަވަހަށް ހަމަޖެހޭނެކަން އެފަރާތުން ފާހަގަކުރެއްވި ކަމަށް އަމީރު ވިދާޅުވި އެވެ. ހަމައެއާއެކު އެ މަސައްކަތްތައް މި ހަފުތާގެ ތެރޭގައި ހަވާލުކުރާނެ ކަމަށް އަމީރު ވަނީ ވިދާޅުވިއެވެ.
"އަޅުގަނޑު ދެކޭ ގޮތުގައި މި ހަފުތާ ތެރޭގައި ނޯ އޮބްޖެކްޝަން އަޅުގަނޑުމެންނަށް ލިބި އެގްރިމެންޓް ސޮއިކުރެވޭ ހިސާބަށް ކުރިއަށް ގެންދެވޭނެ،" އަމީރު ވިދާޅުވި އެވެ.
މި މަސައްކަތަށް ޝަރުތުހަމަވާ ފަރާތެއް ހޯދުމުގެ ކަންތައް ކުރިޔަށް ގެންގޮސްފައިވަނީ އިންޓަރނޭޝަނަލް ކޮމްޕެޓިޓިވް ބިޑިންގ (އައި.ސީ.ބީ) އުސޫލުގެ މަތިން ކަމަށް ފިނޭންސް މިނިސްޓްރީން މަޢުލޫމާތު ދީފައިވެއެވެ. ހެލްތު މިނިސްޓްރީން ބުނެފައިވަނީ، ރާއްޖޭގެ އެކި ހިސާބުތަކުގައި 25 ހޮސްޕިޓަލެއް އެޅުމުގެ މަސައްކަތް ވަރަށް އަވަހަށް ފަށާނެ ކަމަށެވެ.
ކިޔުންތެރިންގެ ހިޔާލު