ކޯވިޑް-19 ގައި ރާއްޖެއިން އުމުރުން 77 އަހަރުގެ މީހަކު ނިޔާވެ ރާއްޖެއިން ބަލީގައި މަރުވި މޯހުންގެ އަދަދު 11 އަށް އަރައިފިއެވެ.

ޑީ އެޗް 11 ގައި ފަރުވާ ދެމުން ދިޔަ އެ މީހާ ނިޔާވީ ރޭ 1:52 ގައި ކަމަށް އެޗްޕީއޭއިން ބުނެފައި ވެއެވެ. ރޭ މަރުވި މި މީހާއާއި އެކު ރާއްޖެއިން ކޯވިޑް-19 ގައި މަރުވި މީހުންގެ އަދަދު މިހާރު ވަނީ 11 އަށް އަރާފައެވެ.

އިއްޔެ ހަވީރު 6:00 އާއި ހަމައަށް ކޯވިޑް-19 އަށް ރާއްޖެއިން ޕޮޒިޓިވްވި ކަމަށް ރެކޯޑުކުރެވުނު މީހުންގެ ޖުމްލަ އަދަދުވަނީ 2،435 އަށް އަރާފައެވެ. މިވަގުތު އެކްޓިވް ކޭސަސްގެ ގޮތުގައި ތިބީ 390 މީހުންނެވެ. މީގެތެރެއިން ހޮސްޕިޓަލްގައި އެޑްމިޓްކޮށްގެން ފަރުވާދެމުން ގެންދަނީ 13 މީހަކަށެވެ.