މާލެއާއި ހުޅުމާލޭގައި ފުލުހުން ހިންގި އޮޕަރޭޝަނެއްގައި އަތުލައިގަތް 119 ކިލޯގެ މަސްތުވާތަކެތީގެ މައްސަލައިގެ އަޑުއެހުމެއް ކްރިމިނަލް ކޯޓުގައި ކުރިއަށް ގެންގޮސްފިއެވެ.
ދިވެހިރާއްޖެއަށް މަސްތުވާތަކެތި އެތެރެކޮށް ވިޔަފާރިކުރާކަަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ޑްރަގް އެންފޯސްމަންޓުން މާލެއާއި ހުޅުމާލޭގައި 2021 ވަނަ އަހަރުގެ ޑިސެމްބަރު މަހުގެ 12 އިން 14 އަށް ހިންގި ހާއްސަ އޮޕަރޭޝަންތަކެއްގައި 119 ކިލޯގެ މަސްތުވާތަކެއްޗާއެކު ތިން މީހަކު ހައްޔަރުކޮށް ދަޢުލަތުން ވަނީ ދަޢުވާ އުފުލާފައެވެ.
އެގޮތުން މި މައްސަލާގައި ޑައިމޯފިން ޓްރެފިކް ކުރުމުގެ ކުށުގެ ދައުވާ ދައުލަތުން އުފުލާފައިވަނީ ގދ. ހޯނޑެއްދޫ / އިރުމަތީގެ، އަޙްމަދު ސުނައިނު އާއި ގދ. ހޯނޑެއްދޫ / ގުލޭނޫރަންމާގެ، އަލީ ޒުބައިރުގެ އިތުރުން، ގދ ހޯޑެއްދޫ އަލޯރާ އަހުމަދު މުޖާހިދު މައްޗަށެވެ.
އެ ތިން މީހުން ޝަރީއަތް ނިމެންދެން ރިމާންޑް ޖަލެއްގައި ބަންދު ކުރުމަށް ނިންމީ 2022 ވަނައަހަރުގެ މާޗު މަހުގެ ނުވަ ވަނަ ދުވަހުއެވެ. ނަމަވެސް މައްސަލަ ބައްލަވާ ޤާޟީ ދީބާނާޒް ފަހުމީ 2022 އޯގަސްޓު މަހުގެ ނުވަ ވަނަ ދުވަހު ހައިކޯޓުގެ ފަނޑިޔާރަކަށް އައްޔަންކުރި ފަހުން އެ މައްސަލާގައި އަޑުއެހުމެއް ބާއްވާފައެއް ނުވެއެވެ.
ކްރިމިނަލް ކޯޓުގައި މިހާރު މިމައްސަލަ ބައްލަވަނީ ޤާޟީ އިބްރާހިމް އިހުސާނެވެ. އެގޮތުން މިއަދުގެ އަޑުއެހުމުގައި ޤާޟީ ވަނީ މި މައްސަލަ ގޮސްފައިވާ ހިސާބު ސާފު ކުރަށްވާފައެވެ.
މިއަދު ބޭއްވި އަޑުއެހުމުގައި ޤާޟީ ވަނީ ޝަރީއަތުގެ ކުރީގެ ހުށައެޅުންތަކާ ގުޅޭގޮތުން އިތުރަށް ވާހަކަ ދެއްކުމަށް ދެފަރާތަށް ފުރުސަތު ދެއްވާފައެވެ. އަދި ދެން އޮންނަ އަޑުއެހުމެއްގައި އެ ހުށައެޅުންތަަކަށް ގޮތެއް ނިންމަވާނެކަމަށް ޤާޟީ ވިދާޅުވިއެވެ.
މި މައްސަލައާ ގުޅިގެން ފުލުހުން ހިންގި މަސްތުވާތަކެތީގެ އޮޕަރޭޝަންތަކުގައި މާލޭގެ ތިން ގެއަކާއި ހުޅުމާލޭގެ ގެއަކާއި ޓެކްސީ އަކާއި ޕްރައިވެޓް ކާރެއް އަދި ތިން ސައިކަލް ބަލައި ފާސްކޮށްފައިވެއެވެ. މިގޮތުން ޑިސެމްބަރު 12 ވަނަ ދުވަހު މާލެއިން ޓެކްސީއެއް ހުއްޓުވައި ބަލައި ފާސްކޮށް ގިނަ އަދަދެއްގެ މަސްތުވާތަކެތި ފުލުހުންގެ ބެލުމުގެ ދަށަށް ގެނެސް ދެ މީހަކު ހައްޔަރުކޮށްފައިވެއެވެ.
އަދި ޑިސެމްބަރު 13 ވަނަ ދުވަހު ސައިކަލެއް ބަލައިފާސްކޮށް، ސައިކަލްގެ މަޑިދަށުން ގިނަ އަދަދެއްގެ މަސްތުވާތަކެތި ހޯދާފައިވާއިރު، ޑިސެމްބަރު 14 ވަނަ ދުވަހު މައްސަލައާ ގުޅުންހުރި އިތުރު މީހަކު ހައްޔަރުކޮށް ހުޅުމާލެއިން ކާރެއް ހުއްޓުވައި ބަލައި ފާސްކޮށްފައިވެއެވެ. އަދި އެކާރު ބަލައި ފާސްކޮށް ގިނަ އަދަދެއްގެ މަސްތުވާތަކެތި ހޯދާފައިވެއެވެ.
އެގޮތުން މި މައްސަލާގައި ޑައިމޯފިން ޓްރެފިކް ކުރުމުގެ ކުށުގެ ދައުވާ ދައުލަތުން އުފުލާފައިވަނީ ގދ. ހޯނޑެއްދޫ / އިރުމަތީގެ، އަޙްމަދު ސުނައިނު އާއި ގދ. ހޯނޑެއްދޫ / ގުލޭނޫރަންމާގެ، އަލީ ޒުބައިރުގެ އިތުރުން، ގދ ހޯޑެއްދޫ އަލޯރާ އަހުމަދު މުޖާހިދު މައްޗަށެވެ.
އެ ތިން މީހުން ޝަރީއަތް ނިމެންދެން ރިމާންޑް ޖަލެއްގައި ބަންދު ކުރުމަށް ނިންމީ 2022 ވަނައަހަރުގެ މާޗު މަހުގެ ނުވަ ވަނަ ދުވަހުއެވެ. ނަމަވެސް މައްސަލަ ބައްލަވާ ޤާޟީ ދީބާނާޒް ފަހުމީ 2022 އޯގަސްޓު މަހުގެ ނުވަ ވަނަ ދުވަހު ހައިކޯޓުގެ ފަނޑިޔާރަކަށް އައްޔަންކުރި ފަހުން އެ މައްސަލާގައި އަޑުއެހުމެއް ބާއްވާފައެއް ނުވެއެވެ.
ކްރިމިނަލް ކޯޓުގައި މިހާރު މިމައްސަލަ ބައްލަވަނީ ޤާޟީ އިބްރާހިމް އިހުސާނެވެ. އެގޮތުން މިއަދުގެ އަޑުއެހުމުގައި ޤާޟީ ވަނީ މި މައްސަލަ ގޮސްފައިވާ ހިސާބު ސާފު ކުރަށްވާފައެވެ.
މިއަދު ބޭއްވި އަޑުއެހުމުގައި ޤާޟީ ވަނީ ޝަރީއަތުގެ ކުރީގެ ހުށައެޅުންތަކާ ގުޅޭގޮތުން އިތުރަށް ވާހަކަ ދެއްކުމަށް ދެފަރާތަށް ފުރުސަތު ދެއްވާފައެވެ. އަދި ދެން އޮންނަ އަޑުއެހުމެއްގައި އެ ހުށައެޅުންތަަކަށް ގޮތެއް ނިންމަވާނެކަމަށް ޤާޟީ ވިދާޅުވިއެވެ.
އަދި ޑިސެމްބަރު 13 ވަނަ ދުވަހު ސައިކަލެއް ބަލައިފާސްކޮށް، ސައިކަލްގެ މަޑިދަށުން ގިނަ އަދަދެއްގެ މަސްތުވާތަކެތި ހޯދާފައިވާއިރު، ޑިސެމްބަރު 14 ވަނަ ދުވަހު މައްސަލައާ ގުޅުންހުރި އިތުރު މީހަކު ހައްޔަރުކޮށް ހުޅުމާލެއިން ކާރެއް ހުއްޓުވައި ބަލައި ފާސްކޮށްފައިވެއެވެ. އަދި އެކާރު ބަލައި ފާސްކޮށް ގިނަ އަދަދެއްގެ މަސްތުވާތަކެތި ހޯދާފައިވެއެވެ.
ކިޔުންތެރިންގެ ހިޔާލު