ރާއްޖެއަށް އެތެރެކޮށް ބޭނުން ކުރަމުންގެންދާ އިންޖެކްޝަނެއް ބޭނުން ނުކުރުމަށް މޯލްޑިވްސް ފުޑް އެންޑް ޑްރަގް އޮތޯރިޓީން އަންގައިފިއެވެ.

ފުޑް އެންޑް ޑްރަގް އޮތޯރިޓީން މިއަދު ބުނީ ރާއްޖެ އެތެރެކޮށް ބޭނުން ކުރަމުންގެންދާ އިންޖެކްޝަން ރެނިޓިޑިންގެ ބެޗަކުން ކޮލިޓީގެ މައްސަލަތަކެއް ފެނިފައިވާތީ އެ އިންޖެކްޝަން ރާއްޖެއަށް އެތެރެކުރުމާއި ވިއްކުމާއި ބޭނުންކުރުން މަނާކޮށްފައިވާ ކަމަށެވެ.

އަދި މި ބެޗުގެ އެއްވެސް އިންޖެކްޝަނެއް ރާއްޖޭގެ އެއްވެސް ފާރމަސީއެއް ނުވަތަ ސިއްހީ ހިދުމަތްދޭ ތަނެއްގައި ހުރިނަމަ އެކަން އެއޮތޯރިޓީގެ ހޮޓްލައިން ނަންބަރު 7200321 އަށް ގުޅުއްވާ އެކަން އަންގަވައިދެއްވުމަށް އެއޮތޯރިޓީން ވަނީ އެދިފައެވެ.

ކޮލިޓީ މައްސަލަތަކެއް ފެނުނީ އެސިލޮކް ނުވަތަ ރެނިޓިޑިން އިންޖެކްޝަނުގެ 25މލ ހިމެނޭ ބެޗަކުންނެވެ.

މިގޮތުން ރާއްޖެއަށް އެތެރެކޮށްފައިވާ ބޭހާއި މިފަދަ އިންޖެކްޝަންތަކަށް ރައްކާތެރިކަމުގެ ފިޔަވަޅެއްގެ ގޮތުން އަދި ބޭސް ސީޓީއަށް ބޭސް އެތެރެކުރާއިރު ހާއްސަ ސަމާލުކަމެއްދީގެން ޕޯޓްތަކުގައި ބަލާ ފާސްކުރަމުން ގެންދާނެ ކަމަަށްވެސް އެމްއެފްޑީއޭއިން ވަނީ ބުނެފައެވެ.