ތ. ކިނބިނދޫ ހުޅަނގު ދެކުނުން ހަތަރު ނޯޓިކަލް މޭލު ބޭރުން ދަތުރު ކުރަމުން ދިޔަ 91 ފޫޓުގެ މަސް ދޯންޏެއް ބިންދައިގެން ހިނގައްޖެއެވެ.

13 ފަޅުވެރިންނާއެކު ދަތުރުކުރަމުން ދިޔަ ތ. ވޭމަންޑޫ ދިރުން-4 ނަމަކަށް ކިޔާ މި މަސްދޯންޏަށް އެހީތެރިވުމަށް އެމްއެންޑީއެފް ސެންޓްރަލް އޭރިއާއިން ހަރަކާތްތެރިވަމުން ދާކަމަށް އެމްއެންޑޯއެފުން ބުނެފައި ވެއެވެ.

މިހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ. އެމްއެންޑީއެފުން ބުނީ ދޯނި ކަފުޖަހާނެ އުޅަނދެއް ހޯދުމުގެ މަސައްކަތް ދޯނީގެ ވެރިފަރާތުން ކުރަމުން ދާކަމަށެވެ.



ދޯނީގައި ތިބީ 11 ދިވެހިންނާއި ދެ ބިދޭސީންނެވެ. ކޯސްޓްގާރޑުން ދަނީ އުޅަނދު ކައިރީގައި ހަރަކާތްތެރިވަމުންނެވެ.