"އިރުއަލިމަސް" ދޯނިން ރާއްޖެއަށް 61 ކިލޯގެ މަސްތުވާތަކެތި އެތެރެކުރި މައްސަލާގައި ހިމެނޭ 6 މީހަކު ޢުމުރަށް ޖަލަށްލުމަށް ކްރިމިނަލް ކޯޓުން ޙުކުމްކޮށްފިއެވެ.
"އިރުއަލިމަސް" ދޯނިން 2020 ވަނަ އަހަރުގެ މާރިޗު 26 ވަނަ ދުވަހު ދިވެހިރާއްޖެއަށް 61 ކިލޯގެ މަސްތުވާތަކެތި އެތެރެކުރިކަމަށް ތުހުމަތުވާ މައްސަލާގައި 11 މީހަކަށް ދަޢުވާކުރުމަށް ޕީޖީ އޮފީހުން ކްރިމިނަލް ކޯޓަށް ވަނީ ހުށައަޅާފައެވެ.
އޭގެ ތެރެއިން ހަ މީހެއްގެ މައްޗަށް މަސްތުވާތަކެތި ޓްރެފިކް ކުރުމުގެ ކުށް ސާބިތުވެ އުމުރަށް ޖަލަށް ލުމަށާއި، 100،000 ރުފިޔާއިން ޖޫރިމަނާ ކުރުމަށް ކްރިމިނަލް ކޯޓުން އިއްޔެ ޙުކުމް ކޮށްފައިވެއެވެ. އަދި އެ ފައިސާ މިމަހުގެ 12 ވަނަ ދުވަހުން ފެށިގެން 12 މަސް ދުވަހުގެ ތެރޭގައި ދެއްކުމަށް ވެސް ކޯޓުންވަނީ އަމުރުކޮށްފައެވެ. ނަމަވެސް ތަޙުޤީޤު މަރުޙަލާގައި ބަންދުގައި އެމީހުން ހޭދަކުރި މުއްދަތު އުނިކުރުމުން ޖަލުގައި ތަންފީޒުކުރަން ޖެހޭނީ 21 އަހަރާއި ނުވަ މަހާއި ފަސް ދުވަހުގެ ހުކުމެކެވެ.
މި މައްސަލާގައި އުމުރަށް ޖަލަށްލި 6 މީހުންނަކީ ހުސައިން ސުނާޒް މ. މުލި ސޯސަންވިލާ އާއި، އަހުމަދު ޝިފާޒް ހުޅުމާލެ ފްލެޓް 06 ޖީ 04 އާއި، އަބްދުﷲ ޝާމް މއ. ބޯޅަކިންކިރިމާގެ އާއި، މުހައްމަދު މާއިދު މ. ކޮޅުފުށި އޯޝަންވިއު އާއި، މުހައްމަދު ރިޝްވާން އިބްރާހިމް މ. މުލި މުޝްތަރީގެ އާއި، ސައުދުﷲ ރަޝީދު މ. ކެޕްރިކޯން އެވެ.
މި މައްސަލާގައި އިސްކޮށް ހުރިކަމަށް ފުލުހުން ތުހުމަތުކުރާ މ.ބޮއިލިންގފިޝް، އަޙްމަދު ވިސާމްގެ މައްޗަށް ދަޢުލަތުން އުފުލި ދަޢުވާ ސާބިތު ނުވާކަމަށް ކްރިމިނަލް ކޯޓުންވަނީ ކަނޑައަޅާފައެވެ. ވިސާމްގެ އިތުރުން މުހައްމަދު ހަމީދު އާއި، މުހައްމަދު ޝާމިން އަދި މުހައްމަދު މާއިޝްއާ މަސްތުވާތަކެއްޗާ އޮތް ގުޅުން ޝައްކެއް ނެތް މިންވަރަށް ސާބިތުކޮށްދޭނެ ހެކި ދަޢުލަތުން ހުށަހަޅާފައި ނެތްކަމަށް ޙުކުމުގައިވެއެވެ. އެމީހުންނަކީ މަސްތުވާތަކެތި އަތުލައިގަތް ދޯނީގައި ތިބިބައެއް ނޫނެވެ. އެމީހުން ހައްޔަރުކުރީ މާލެއާއި ހުޅުމާލެއިންނެވެ.
މައްސަލަ ކުރިއަށްދަނިކޮށް މައްސަލާގައި ދަޢުވާއުފުލާފައިވާ މ.މުލި ހުދުފިނިފެންމާގެ މުހައްމަދު ނަޝީދު ވަނީ ނިޔާވެފައެވެ.
މަސްތުވާތަކެއްޗާއެކު މިމީހުން އަތުލައިގަތް އޮޕަރޭޝަނާމެދު ފުލުހުން ބުނެފައިވަނީ 2020 އަހަރުގެ މާރިޗް މަހުގެ 20 ވަނަ ދުވަހު ގ. ބޮއިލިންފިޝް އަހްމަދު ވިސާމާއި އިތުރު ބަޔަކު ގުޅިގެން ފުޅާދާއިރާއެއްގައި ރާއްޖެއަށް މަސްތުވާތަކެތި އެތެރެކޮށް ޓްރެފިކްކުރާ ކަމަށް ލިބުނު އިންޓެލިޖެންސް މައުލޫމަތަކާ ގުޅިގެން އެ ދޯންޏާއި މާލެ އަދި ހުޅުމާލެ ހިމެނޭހެން ހަތަރު ގެއެއް ބަލައިފާސްކުރި ކަމަށެވެ.
އެ އޮޕަރޭޝަންގައި 61 ކިލޯގެ ހެރޮއިން އާއި މަސްތުވާތަކެތީގެ ވިޔަފާރިކޮށްގެން ހޯދާފައިވާކަމަށް ތުހުމަތުކުރެވޭ ގިނަ އަދަދެއްގެ ފައިސާވެސް ހޯދާފައިވާކަމަށްވެސް ފުލުހުން ބުނެފައިވެއެވެ. ފުލުހުން އޭރު ބުނެފައިވާގޮތުގައި 61 ކިލޯގެ ހެރޮއިންގެ އަގު 72 މިލިޔަން ރުފިޔާއަށް އަރާނެއެވެ.
އޭގެ ތެރެއިން ހަ މީހެއްގެ މައްޗަށް މަސްތުވާތަކެތި ޓްރެފިކް ކުރުމުގެ ކުށް ސާބިތުވެ އުމުރަށް ޖަލަށް ލުމަށާއި، 100،000 ރުފިޔާއިން ޖޫރިމަނާ ކުރުމަށް ކްރިމިނަލް ކޯޓުން އިއްޔެ ޙުކުމް ކޮށްފައިވެއެވެ. އަދި އެ ފައިސާ މިމަހުގެ 12 ވަނަ ދުވަހުން ފެށިގެން 12 މަސް ދުވަހުގެ ތެރޭގައި ދެއްކުމަށް ވެސް ކޯޓުންވަނީ އަމުރުކޮށްފައެވެ. ނަމަވެސް ތަޙުޤީޤު މަރުޙަލާގައި ބަންދުގައި އެމީހުން ހޭދަކުރި މުއްދަތު އުނިކުރުމުން ޖަލުގައި ތަންފީޒުކުރަން ޖެހޭނީ 21 އަހަރާއި ނުވަ މަހާއި ފަސް ދުވަހުގެ ހުކުމެކެވެ.
މި މައްސަލާގައި އުމުރަށް ޖަލަށްލި 6 މީހުންނަކީ ހުސައިން ސުނާޒް މ. މުލި ސޯސަންވިލާ އާއި، އަހުމަދު ޝިފާޒް ހުޅުމާލެ ފްލެޓް 06 ޖީ 04 އާއި، އަބްދުﷲ ޝާމް މއ. ބޯޅަކިންކިރިމާގެ އާއި، މުހައްމަދު މާއިދު މ. ކޮޅުފުށި އޯޝަންވިއު އާއި، މުހައްމަދު ރިޝްވާން އިބްރާހިމް މ. މުލި މުޝްތަރީގެ އާއި، ސައުދުﷲ ރަޝީދު މ. ކެޕްރިކޯން އެވެ.
މި މައްސަލާގައި އިސްކޮށް ހުރިކަމަށް ފުލުހުން ތުހުމަތުކުރާ މ.ބޮއިލިންގފިޝް، އަޙްމަދު ވިސާމްގެ މައްޗަށް ދަޢުލަތުން އުފުލި ދަޢުވާ ސާބިތު ނުވާކަމަށް ކްރިމިނަލް ކޯޓުންވަނީ ކަނޑައަޅާފައެވެ. ވިސާމްގެ އިތުރުން މުހައްމަދު ހަމީދު އާއި، މުހައްމަދު ޝާމިން އަދި މުހައްމަދު މާއިޝްއާ މަސްތުވާތަކެއްޗާ އޮތް ގުޅުން ޝައްކެއް ނެތް މިންވަރަށް ސާބިތުކޮށްދޭނެ ހެކި ދަޢުލަތުން ހުށަހަޅާފައި ނެތްކަމަށް ޙުކުމުގައިވެއެވެ. އެމީހުންނަކީ މަސްތުވާތަކެތި އަތުލައިގަތް ދޯނީގައި ތިބިބައެއް ނޫނެވެ. އެމީހުން ހައްޔަރުކުރީ މާލެއާއި ހުޅުމާލެއިންނެވެ.
މައްސަލަ ކުރިއަށްދަނިކޮށް މައްސަލާގައި ދަޢުވާއުފުލާފައިވާ މ.މުލި ހުދުފިނިފެންމާގެ މުހައްމަދު ނަޝީދު ވަނީ ނިޔާވެފައެވެ.
އެ އޮޕަރޭޝަންގައި 61 ކިލޯގެ ހެރޮއިން އާއި މަސްތުވާތަކެތީގެ ވިޔަފާރިކޮށްގެން ހޯދާފައިވާކަމަށް ތުހުމަތުކުރެވޭ ގިނަ އަދަދެއްގެ ފައިސާވެސް ހޯދާފައިވާކަމަށްވެސް ފުލުހުން ބުނެފައިވެއެވެ. ފުލުހުން އޭރު ބުނެފައިވާގޮތުގައި 61 ކިލޯގެ ހެރޮއިންގެ އަގު 72 މިލިޔަން ރުފިޔާއަށް އަރާނެއެވެ.
ކިޔުންތެރިންގެ ހިޔާލު