މެލޭޝިއާގެ ބަޖެޓް އެއާލައިން، ބަޓިކް އެއާއިނުން ރާއްޖެ އާއި މެލޭޝިއާ އާ ދެމެދު ސީދާ ދަތުރުތައް ފަށައިފިއެވެ.
މޯލްޑިވްސް އެއަރޕޯޓް ކޮމްޕެނީ ލިމިޓެޑް އެމްއޭސީއެލުން ބުނީ މެލޭޝިއާގެ ވެރިރަށް ކުއާލަލަމްޕޫރުން ވެލާނާ އިންޓަނޭޝަނަލް އެއާޕޯޓަށް އައި ބަޓިކް އެއާގެ ފުރަތަމަ ފްލައިޓަށް މަރުހަބާ ކިޔުމަށް ހާއްސަ ވޯޓަރ ސެލިއުޓެއް އަރުވާފައިވާ ކަމަށެވެ.
ބަޓިކް އެއާއިން ރާއްޖެއަށް ކުރި މި ދަތުރުގައި 121 ފަސިންޖަރުން އައިސްފައިވެއެވެ. އެމްއޭސީއެލުން ބުނީ އެ ދަތުރުތައް ކޮންމެ ދުވަހަކުވެސް ބަޓިކް އެއާއިން ކުރަމުން ދާނެ ކަމަށެވެ.
މީގެ ކުރިން މަލިންޑޯއެއަރގެ ނަމުގައި އޮޕަރޭޓްކުރަމުން އައި އެއަރލައިން ބަޓިކް އެއަރއަށް ބަދަލުކޮށް ގިނަ މަންޒިލްތަކަށް ދަތުރުކުރުމަށް އެއަރލައިންވަނީ ހާއްސަ ޕްރޮމޯޝަންތަކާއި އެކު ގިނަ މަސައްކަތްތަކެއް ފަށާފައެވެ. ރާއްޖެއަށް ކުރާ ދަތުރުތަކުގައި ބަޓިކް އެއަރއިން ބޭނުންކުރަނީ ބޮއިންގ 737 މަރުކާގެ ބޯޓެވެ. މިއީ 180 މީހުންގެ ޖާގައިގެން ބޯޓެކެވެ.
ބަޓިކް އެއަރ އިން މެލޭޝިޔާ، ތައިލޭންޑް، އޮސްޓްރޭލިއާ ހިމެނޭހެން ފަންސާސް މަންޒިލަކަށް ދަތުރުތައް ބާއްވައެވެ. އެގޮތުން މިމަންޒިލްތަކުން ރާއްޖެއަށް ފަސޭހަކަމާއެކު ދަތުރުވެރިންނަށް އައުމުގެ މަގުފަހިވެގެންދާނެއެވެ.
ބަޓިކް އެއާގެ ދަތުރުތައް މިއަދު ފެށިއިރު، ސައުދީ އަރަބިއްޔާގެ ފްލައިނަސްއިން ވަނީ މިދިޔަ އަންގާރަ ދުވަހު ރާއްޖެއަށް ދަތުރުކުރަން ފަށާފައެވެ. އަދި އެމެރިކާގެ ވަރޖިންގ އެޓްލާންޓިކް މިއަހަރު ތެރޭގައި ވެލާނާ އިންޓަރނޭޝަނަލް އެއަރޕޯޓަށް ދަތުރުތައް ފަށާނެއެވެ.
ރާއްޖެއަށް ދަތުރުކުރާ އެއަރލައިންތައް އިތުރުވެގެން ދިޔުމަކި ރާއްޖޭގެ ފަތުރުވެރިކަމަށް ލިބިގެންދާ އިތުރު ކުރިއެެރުމެއްކަމަށް އެމްއޭސީއެލުން ބުނެފައިވެއެވެ.
ބަޓިކް އެއާއިން ރާއްޖެއަށް ކުރި މި ދަތުރުގައި 121 ފަސިންޖަރުން އައިސްފައިވެއެވެ. އެމްއޭސީއެލުން ބުނީ އެ ދަތުރުތައް ކޮންމެ ދުވަހަކުވެސް ބަޓިކް އެއާއިން ކުރަމުން ދާނެ ކަމަށެވެ.
މީގެ ކުރިން މަލިންޑޯއެއަރގެ ނަމުގައި އޮޕަރޭޓްކުރަމުން އައި އެއަރލައިން ބަޓިކް އެއަރއަށް ބަދަލުކޮށް ގިނަ މަންޒިލްތަކަށް ދަތުރުކުރުމަށް އެއަރލައިންވަނީ ހާއްސަ ޕްރޮމޯޝަންތަކާއި އެކު ގިނަ މަސައްކަތްތަކެއް ފަށާފައެވެ. ރާއްޖެއަށް ކުރާ ދަތުރުތަކުގައި ބަޓިކް އެއަރއިން ބޭނުންކުރަނީ ބޮއިންގ 737 މަރުކާގެ ބޯޓެވެ. މިއީ 180 މީހުންގެ ޖާގައިގެން ބޯޓެކެވެ.
ބަޓިކް އެއަރ އިން މެލޭޝިޔާ، ތައިލޭންޑް، އޮސްޓްރޭލިއާ ހިމެނޭހެން ފަންސާސް މަންޒިލަކަށް ދަތުރުތައް ބާއްވައެވެ. އެގޮތުން މިމަންޒިލްތަކުން ރާއްޖެއަށް ފަސޭހަކަމާއެކު ދަތުރުވެރިންނަށް އައުމުގެ މަގުފަހިވެގެންދާނެއެވެ.
ރާއްޖެއަށް ދަތުރުކުރާ އެއަރލައިންތައް އިތުރުވެގެން ދިޔުމަކި ރާއްޖޭގެ ފަތުރުވެރިކަމަށް ލިބިގެންދާ އިތުރު ކުރިއެެރުމެއްކަމަށް އެމްއޭސީއެލުން ބުނެފައިވެއެވެ.
ކިޔުންތެރިންގެ ހިޔާލު