ވެލާނާ އިންޓަރނޭޝަނަލް އެއަރޕޯޓުން ފުރަންދާ މީހުން ފުރުމުގެ 3 ގަޑިއިރު ކުރިން އެއަރޕޯޓަށް ދިއުމަށް އިލްތިމާސްކޮށްފިއެވެ.

އެމްއޭސީއެލް އިން ބުނީ މިދުވަސްވަރަކީ ޗުއްޓީ ދުވަސްވަރުކަމުން އެއަރޕޯޓުގެ ކިއުތައް ދިގުކަމަށެވެ. އެހެންކަމުން ޑިލޭތައް މަދުކުރުމަށްޓަކައި ފުރުމުގެ 3 ގަޑިއިރުކުރިން އެއަރޕޯޓަށް އައުމަށް އެދޭ ކަމަށް އެކުންފުނިން ބުނެއެވެ.

މީގެ އިތުރުން ދަތުރުކުރާ ހުރިހާ ފަރާތްތަކުންވެސް ޗެކްއިން ވުމުގެ ކުރިން އިމުގާ ފޯމް ފުރުމަށްވެސް އެމްއޭސީއެލުން ވަނީ އެދިފައެވެ.

During the holiday season, we urge all travelers to arrive @VelanaAirport 3 hours before departure to avoid long lines and possible delays. Also, for seamless operation, we recommend that all travelers complete the IMUGA form prior to check-in. Wish you a joyful holiday season! pic.twitter.com/PL3orWsqRo

— Maldives Airports Company Ltd - MACL (@MACLmedia) June 23, 2023

މިދިޔަ ބުރާސްފަތި ދުވަހު ސްކޫލްތައް ބަންދުވެ ފެށުނު ބޮޑު ޗުއްޓީއާއި އީދާ ދިމާކޮށް ބޮޑު ބަންދެއް ލިބޭތީ ގިނަ ބަޔަކު އަންނަނީ ޗުއްޓީއަށް އަތޮޅުތެރެއަށާއި ރާއްޖޭން ބޭރަށް ދަތުރުކުރަމުންނެވެ.

އެއަރޕޯޓަށް ބާރުބޮޑުވުން ކުޑަކުރުމުގެ ގޮތުން، މިދިޔަ އަހަރުގެ އޮކްޓޯބަރުމަހުގެ 6 ވަނަ ދުވަހު ސަރުކާރުން ވަނީ ވެލާނާ އިންޓަރނޭޝަނަލް އެއަރޕޯޓުގެ އައު ރަންވޭ ރަސްމީކޮށް ބޭނުންކުރަން ފަށާފައެވެ. އައު ރަންވޭއާއެކު ގަޑިއަކު ރަންވޭ ބޭނުންކުރާ ފްލައިޓްގެ އަދަދު ވިއްސަށްވުރެ ވަނީ އިތުރުވެފައެވެ.