ސްޓޭޓް އިލެކްޓްރިކް ކޮމްޕެނީ ސްޓެލްކޯއިން ހުޅުމާލޭގައި ޤާއިމުކޮށްފައިވާ ކަރަންޓު ނެޓްވޯކް އަޕްގްރޭޑްކުރުމަށްފަހު ހިޔާގެ ޓަވަރުތަކަށް އަލުން ކަރަންޓުދީފިއެވެ.

ސްޓެލްކޯއިން ބުނީ ހުޅުމާލޭގެ ދެވަނަ ފިޔަވަހީގައި ކުރަމުންދާ އިމާރާތްތަކަށް ކަރަންޓު ފޯރުކޮށްދިނުމަށް ގާއިމްކޮށްފައިވާ ވަގުތީ ޑިސްޓްރިބިއުޝަން ވިއުގަ އަޕްގްރޭޑްކުރުމުގެ މަސައްކަތް ނިންމާފައިވާ ކަމަށެވެ.

އަދި އެމަސައްކަތަށް ކަރަންޓުގެ ހިދުމަތް މެދުކަނޑާލާފައިވާ ހިޔާ ޓަވަރު 1 އިން 8 އަށް މިހާރު ކަރަންޓުގެ ޚިދުމަތް ފޯރުކޮށްދީފައިވާކަމަށް ސްޓެލްކޯއިން ބުނެފައިވެއެވެ.

ހަމައެއާއެކު ސްޓެލްކޯއިން މިދިޔަ ބުރާސްފަތި ދުވަހު ބުނެފައިވަނީ ހިޔާ ޓަވަރު 9 އިން 16 އަށް މިއަދު މެންދުރުފަހު 2:00 އިން 3:30 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށެވެ. އަދި ވީ އެންމެ އަވަހަކަށް ކަރަންޓު އަލުން ދިނުމުގެ މަސައްކަތް އެ ކުންފުނިން ކުރާނެކަމަށެވެ.

ހަމައެއާއެކު ކަރަންޓުގެ ‏‏ހިދުމަތް މެދުކެނޑިގެންދާ ވަގުތުގައި ކަސްޓަމަރުންނަށް ދިމާވާނެ ދަތިތަކަށް މާފަށް އެދޭކަމަށް ސްޓެލްކޯއިން ހާމަކޮށްފައިވެއެވެ.