ކޯވިޑް-19 ގައި މިއަދު ރާއްޖެއިން 13 ވަނަ މީހަކު ނިޔާވެއްޖެއެވެ.

ހެލްތު ޕްރޮޓެކްޝަން އޭޖެންސީ އިން ބުނީ މިއަދު މެންދުރު 1:00 ގައި އައިޖީއެމްއެޗަށް ގެނައި 70 އަހަރުގެ ދިވެހި އަންހެނަކު މަރުވެފައިވާ ކަމަށެވެ. އަދި އޭނާ ކޮވިޑް-19 އަށް ޕޮޒިޓިވް ވެފައިވާކަމަށް އެޗްޕީއޭއިން ބުނެ އެވެ.

ހެލްތު އެމަޖެންސީ އޮޕަރޭޝަން ސެންޓަރ (އެޗްއޯސީ) ތަރުޖަމާނު ޑރ. ނަޒްލާ ރަފީގް ވިދާޅުވީ މަރުވި މީހާ ކޮވިޑަށް ޓެސްޓްކުރީ މަރުވި ފަހުން ކަމަށެވެ.

އޭނާގެ ޖަނާޒާގައި އާއިލާގެ މީހުން ވަނީ ބައިވެރިވެފައެވެ. އަދި އެކަމުގެ ކަންބޮޑުވުން އާއިލާއިން ވަނީ ފާޅުކޮށްފައެވެ.