"އިރުއަލިމަސް" ދޯނިން ރާއްޖެއަށް 61 ކިލޯގެ މަސްތުވާތަކެތި އެތެރެކުރި މައްސަލާގައި ހިމެނޭ ވިސާމާއި ޝާމިން ފުލުހުންގެ ތަހުގީގުގައި ފޯނު ހުޅުވަން އިންކާރުކޮށްފައިވާތީ އެކަމާގުޅިގެން އެމީހުން ކުށްވެރިވާ ކަމަށް ކްރިމިނަލް ކޯޓުން ނިންމައިފި އެވެ.
މި މައްސަލާގައި އިސްކޮށް ހުރިކަމަށް ފުލުހުން ތުހުމަތުކުރާ މ.ބޮއިލިންގފިޝް، އަޙްމަދު ވިސާމްގެ މައްޗަށް ދަޢުލަތުން އުފުލި މަސްތުވާތަކެތި ޓްރެފިކް ކުރުމުގެ ދަޢުވާ ސާބިތު ނުވާކަމަށް ކްރިމިނަލް ކޯޓުން މީގެކުރިން ވަނީ ކަނޑައަޅާފައެވެ.
ވިސާމްގެ އިތުރުން މުހައްމަދު ހަމީދު އާއި، މުހައްމަދު ޝާމިން އަދި މުހައްމަދު މާއިޝްއާ މަސްތުވާތަކެއްޗާ އޮތް ގުޅުން ޝައްކެއް ނެތް މިންވަރަށް ސާބިތުކޮށްދޭނެ ހެކި ދަޢުލަތުން ހުށަހަޅާފައި ނެތްކަމަށް ޙުކުމުގައިވެއެވެ. އެމީހުންނަކީ މަސްތުވާތަކެތި އަތުލައިގަތް ދޯނީގައި ތިބިބައެއް ނޫނެވެ. އެމީހުން ހައްޔަރުކުރީ މާލެއާއި ހުޅުމާލެއިންނެވެ.
މަސްތުވާތަކެތީގެ މި މައްސަލާގައި ފޯނު ހުޅުވަން ދެކޮޅު ހެދުމާ ގުޅިގެން އަދުލު އިންސާފު ގާއިމްކުރަން ހުރަސް އެޅުމުގެ ދައުވާ ސާބިތުވީ މ. ބޮއިލިންފިޝް އަހުމަދު ވިސާމާއި މ. ވިރާހް މުހައްމަދު ޝާމިންގެ މައްޗަށެވެ. އެމީހުންގެ މައްޗަށް އެ ދައުވާކުރީ ކޯޓު އަމުރެއްގެ ދަށުން އެ މީހުންގެ ފޯނު ހުޅުވަން އެންގުމުން އެކަމަށް އިންކާރުކޮށް ހެކި ފޮރުވާފައިވާތީ އެވެ.
ކްރިމިނަލް ކޯޓުން ކުރި ހުކުމުގައިވަނީ ވިސާމާއި ޝާމިން ދައުވާއަށް އިންކާރުކުރި ނަމަވެސް ކޯޓު އަމުރާ ހިލާފްވެ ފޯނު ހުޅުވަން އެ މީހުން ދެކޮޅު ހެދިކަން ސާބިތުވާ ކަމަށެވެ. މި ކުށުގެ އަދަބަކީ އެއް އަހަރާއި ހަތް މަހާއި ހަ ދުވަހަށް ޖަލަށްލުމެވެ. ނަމަވެސް ވިސާމް ބަންދުގައި ދެ އަަހަރު ހޭދަކޮށްފައިވާތީ އޭނާ ތަންފީޒު ކުރަންޖެހޭ އަދަބެއް ނެތްކަމަށް ކޯޓުން ވަނީ ނިންމާފަ އެވެ.
ނަމަވެސް ޝާމިން ބަންދުގައި ހޭދަކުރި ހަތް މަސް އުނިކުރުމުން ބާކީ އޮތް 11 މަހުގެ ޖަލު އަދަބުގެ ތެރެއިން ހަ މަހުގެ ޖަލު އަދަބު ގޭ ބަންދަށް ބަދަލުކޮށް އަދި ބާކީ ފަސް މަސް ޖޫރިމަނާއަށް ވަނީ ބަދަލުކޮށްފައެވެ.
ހަ މަހުގެ ޖަލު އަދަބު ޖޫރިމަނާއަށް ބަދަލު ކުރުމުން ޖެހެނީ އެއް އަހަރުގެ ގޭ ބަންދަކަށެވެ. އަދި ފަސް މަހުގެ ޖަލު އަދަބު ޖޫރިމަނާއަށް ބަދަލު ކުރުމުން ދައްކަން ޖެހެނީ 32600 ރުފިޔާ އެވެ. މި ފައިސާ އެއް އަހަރު ތެރޭގައި ދައުލަތަށް ދައްކަން ޝާމިން އަށް ވަނީ އަންގައިފަ އެވެ.
"އިރުއަލިމަސް" ދޯނިން 2020 ވަނަ އަހަރުގެ މާރިޗު 26 ވަނަ ދުވަހު ދިވެހިރާއްޖެއަށް 61 ކިލޯގެ މަސްތުވާތަކެތި އެތެރެކުރިކަމަށް ތުހުމަތުވާ މައްސަލާގައި 11 މީހަކަށް ދަޢުވާކުރުމަށް ޕީޖީ އޮފީހުން ކްރިމިނަލް ކޯޓަށް ހުށައެޅިއެވެ.
އޭގެ ތެރެއިން ހަ މީހެއްގެ މައްޗަށް މަސްތުވާތަކެތި ޓްރެފިކް ކުރުމުގެ ކުށް ސާބިތުވެ އުމުރަށް ޖަލަށް ލުމަށާއި، 100،000 ރުފިޔާއިން ޖޫރިމަނާ ކުރުމަށް ކްރިމިނަލް ކޯޓުން ޙުކުމް ކޮށްފައިވެއެވެ. އަދި އެ ފައިސާ މިދިޔަ ޖޫންމަހުގެ 12 ވަނަ ދުވަހުން ފެށިގެން 12 މަސް ދުވަހުގެ ތެރޭގައި ދެއްކުމަށް ވެސް ކޯޓުންވަނީ އަމުރުކޮށްފައެވެ. ނަމަވެސް ތަޙުޤީޤު މަރުޙަލާގައި ބަންދުގައި އެމީހުން ހޭދަކުރި މުއްދަތު އުނިކުރުމުން ޖަލުގައި ތަންފީޒުކުރަން ޖެހޭނީ 21 އަހަރާއި ނުވަ މަހާއި ފަސް ދުވަހުގެ ހުކުމެކެވެ.
މި މައްސަލާގައި އުމުރަށް ޖަލަށްލި 6 މީހުންނަކީ ހުސައިން ސުނާޒް މ. މުލި ސޯސަންވިލާ އާއި، އަހުމަދު ޝިފާޒް ހުޅުމާލެ ފްލެޓް 06 ޖީ 04 އާއި، އަބްދުﷲ ޝާމް މއ. ބޯޅަކިންކިރިމާގެ އާއި، މުހައްމަދު މާއިދު މ. ކޮޅުފުށި އޯޝަންވިއު އާއި، މުހައްމަދު ރިޝްވާން އިބްރާހިމް މ. މުލި މުޝްތަރީގެ އާއި، ސައުދުﷲ ރަޝީދު މ. ކެޕްރިކޯން އެވެ.
މައްސަލަ ކުރިއަށްދަނިކޮށް މައްސަލާގައި ދަޢުވާއުފުލާފައިވާ މ.މުލި ހުދުފިނިފެންމާގެ މުހައްމަދު ނަޝީދު ވަނީ ނިޔާވެފައެވެ.
މަސްތުވާތަކެއްޗާއެކު މިމީހުން އަތުލައިގަތް އޮޕަރޭޝަނާމެދު ފުލުހުން ބުނެފައިވަނީ 2020 އަހަރުގެ މާރިޗް މަހުގެ 20 ވަނަ ދުވަހު ގ. ބޮއިލިންފިޝް އަހްމަދު ވިސާމާއި އިތުރު ބަޔަކު ގުޅިގެން ފުޅާދާއިރާއެއްގައި ރާއްޖެއަށް މަސްތުވާތަކެތި އެތެރެކޮށް ޓްރެފިކްކުރާ ކަމަށް ލިބުނު އިންޓެލިޖެންސް މައުލޫމަތަކާ ގުޅިގެން އެ ދޯންޏާއި މާލެ އަދި ހުޅުމާލެ ހިމެނޭހެން ހަތަރު ގެއެއް ބަލައިފާސްކުރި ކަމަށެވެ.
އެ އޮޕަރޭޝަންގައި 61 ކިލޯގެ ހެރޮއިން އާއި މަސްތުވާތަކެތީގެ ވިޔަފާރިކޮށްގެން ހޯދާފައިވާކަމަށް ތުހުމަތުކުރެވޭ ގިނަ އަދަދެއްގެ ފައިސާވެސް ހޯދާފައިވާކަމަށްވެސް ފުލުހުން ބުނެފައިވެއެވެ. ފުލުހުން އޭރު ބުނެފައިވާގޮތުގައި 61 ކިލޯގެ ހެރޮއިންގެ އަގު 72 މިލިޔަން ރުފިޔާއަށް އަރާނެއެވެ.
ވިސާމްގެ އިތުރުން މުހައްމަދު ހަމީދު އާއި، މުހައްމަދު ޝާމިން އަދި މުހައްމަދު މާއިޝްއާ މަސްތުވާތަކެއްޗާ އޮތް ގުޅުން ޝައްކެއް ނެތް މިންވަރަށް ސާބިތުކޮށްދޭނެ ހެކި ދަޢުލަތުން ހުށަހަޅާފައި ނެތްކަމަށް ޙުކުމުގައިވެއެވެ. އެމީހުންނަކީ މަސްތުވާތަކެތި އަތުލައިގަތް ދޯނީގައި ތިބިބައެއް ނޫނެވެ. އެމީހުން ހައްޔަރުކުރީ މާލެއާއި ހުޅުމާލެއިންނެވެ.
މަސްތުވާތަކެތީގެ މި މައްސަލާގައި ފޯނު ހުޅުވަން ދެކޮޅު ހެދުމާ ގުޅިގެން އަދުލު އިންސާފު ގާއިމްކުރަން ހުރަސް އެޅުމުގެ ދައުވާ ސާބިތުވީ މ. ބޮއިލިންފިޝް އަހުމަދު ވިސާމާއި މ. ވިރާހް މުހައްމަދު ޝާމިންގެ މައްޗަށެވެ. އެމީހުންގެ މައްޗަށް އެ ދައުވާކުރީ ކޯޓު އަމުރެއްގެ ދަށުން އެ މީހުންގެ ފޯނު ހުޅުވަން އެންގުމުން އެކަމަށް އިންކާރުކޮށް ހެކި ފޮރުވާފައިވާތީ އެވެ.
ކްރިމިނަލް ކޯޓުން ކުރި ހުކުމުގައިވަނީ ވިސާމާއި ޝާމިން ދައުވާއަށް އިންކާރުކުރި ނަމަވެސް ކޯޓު އަމުރާ ހިލާފްވެ ފޯނު ހުޅުވަން އެ މީހުން ދެކޮޅު ހެދިކަން ސާބިތުވާ ކަމަށެވެ. މި ކުށުގެ އަދަބަކީ އެއް އަހަރާއި ހަތް މަހާއި ހަ ދުވަހަށް ޖަލަށްލުމެވެ. ނަމަވެސް ވިސާމް ބަންދުގައި ދެ އަަހަރު ހޭދަކޮށްފައިވާތީ އޭނާ ތަންފީޒު ކުރަންޖެހޭ އަދަބެއް ނެތްކަމަށް ކޯޓުން ވަނީ ނިންމާފަ އެވެ.
ނަމަވެސް ޝާމިން ބަންދުގައި ހޭދަކުރި ހަތް މަސް އުނިކުރުމުން ބާކީ އޮތް 11 މަހުގެ ޖަލު އަދަބުގެ ތެރެއިން ހަ މަހުގެ ޖަލު އަދަބު ގޭ ބަންދަށް ބަދަލުކޮށް އަދި ބާކީ ފަސް މަސް ޖޫރިމަނާއަށް ވަނީ ބަދަލުކޮށްފައެވެ.
ހަ މަހުގެ ޖަލު އަދަބު ޖޫރިމަނާއަށް ބަދަލު ކުރުމުން ޖެހެނީ އެއް އަހަރުގެ ގޭ ބަންދަކަށެވެ. އަދި ފަސް މަހުގެ ޖަލު އަދަބު ޖޫރިމަނާއަށް ބަދަލު ކުރުމުން ދައްކަން ޖެހެނީ 32600 ރުފިޔާ އެވެ. މި ފައިސާ އެއް އަހަރު ތެރޭގައި ދައުލަތަށް ދައްކަން ޝާމިން އަށް ވަނީ އަންގައިފަ އެވެ.
"އިރުއަލިމަސް" ދޯނިން 2020 ވަނަ އަހަރުގެ މާރިޗު 26 ވަނަ ދުވަހު ދިވެހިރާއްޖެއަށް 61 ކިލޯގެ މަސްތުވާތަކެތި އެތެރެކުރިކަމަށް ތުހުމަތުވާ މައްސަލާގައި 11 މީހަކަށް ދަޢުވާކުރުމަށް ޕީޖީ އޮފީހުން ކްރިމިނަލް ކޯޓަށް ހުށައެޅިއެވެ.
އޭގެ ތެރެއިން ހަ މީހެއްގެ މައްޗަށް މަސްތުވާތަކެތި ޓްރެފިކް ކުރުމުގެ ކުށް ސާބިތުވެ އުމުރަށް ޖަލަށް ލުމަށާއި، 100،000 ރުފިޔާއިން ޖޫރިމަނާ ކުރުމަށް ކްރިމިނަލް ކޯޓުން ޙުކުމް ކޮށްފައިވެއެވެ. އަދި އެ ފައިސާ މިދިޔަ ޖޫންމަހުގެ 12 ވަނަ ދުވަހުން ފެށިގެން 12 މަސް ދުވަހުގެ ތެރޭގައި ދެއްކުމަށް ވެސް ކޯޓުންވަނީ އަމުރުކޮށްފައެވެ. ނަމަވެސް ތަޙުޤީޤު މަރުޙަލާގައި ބަންދުގައި އެމީހުން ހޭދަކުރި މުއްދަތު އުނިކުރުމުން ޖަލުގައި ތަންފީޒުކުރަން ޖެހޭނީ 21 އަހަރާއި ނުވަ މަހާއި ފަސް ދުވަހުގެ ހުކުމެކެވެ.
މި މައްސަލާގައި އުމުރަށް ޖަލަށްލި 6 މީހުންނަކީ ހުސައިން ސުނާޒް މ. މުލި ސޯސަންވިލާ އާއި، އަހުމަދު ޝިފާޒް ހުޅުމާލެ ފްލެޓް 06 ޖީ 04 އާއި، އަބްދުﷲ ޝާމް މއ. ބޯޅަކިންކިރިމާގެ އާއި، މުހައްމަދު މާއިދު މ. ކޮޅުފުށި އޯޝަންވިއު އާއި، މުހައްމަދު ރިޝްވާން އިބްރާހިމް މ. މުލި މުޝްތަރީގެ އާއި، ސައުދުﷲ ރަޝީދު މ. ކެޕްރިކޯން އެވެ.
މައްސަލަ ކުރިއަށްދަނިކޮށް މައްސަލާގައި ދަޢުވާއުފުލާފައިވާ މ.މުލި ހުދުފިނިފެންމާގެ މުހައްމަދު ނަޝީދު ވަނީ ނިޔާވެފައެވެ.
އެ އޮޕަރޭޝަންގައި 61 ކިލޯގެ ހެރޮއިން އާއި މަސްތުވާތަކެތީގެ ވިޔަފާރިކޮށްގެން ހޯދާފައިވާކަމަށް ތުހުމަތުކުރެވޭ ގިނަ އަދަދެއްގެ ފައިސާވެސް ހޯދާފައިވާކަމަށްވެސް ފުލުހުން ބުނެފައިވެއެވެ. ފުލުހުން އޭރު ބުނެފައިވާގޮތުގައި 61 ކިލޯގެ ހެރޮއިންގެ އަގު 72 މިލިޔަން ރުފިޔާއަށް އަރާނެއެވެ.
ކިޔުންތެރިންގެ ހިޔާލު