ޓްރީ ޓޮޕް ހޮސްޕިޓަލުން ހައްޖާއި އުމްރާއަށް ދިއުމަށްފަހު އެނބުރި އަންނަ ފަރާތްތަކަށް ޚާއްސަކޮށް ސްކްރީނިން ޕެކޭޖެއް ތަޢާރަފް ކޮށްފިއެވެ.

ޓްރީ ޓޮޕް ހޮސްޕިޓަލުން ބުނީ ޕޯސްޓް މެޑިކަލް ޗެކަޕްގެ ބޭނުމަކީ ޙައްޖު ދަތުރުގައި ޖެހޭ އެއްވެސް ބައްޔެއް، ވައިރަހެއް، ނުވަތަ އެއްވެސް ބައްޔެއް ފެތުރުމުގެ ނުރައްކަލެއް ހުރިތޯ ބަލައި ޗެކްކޮށް އެ ބައްޔެއް ފެތުރުމުގެ ފުރުސަތު ކުޑަކުރުން ކަމަށެވެ.

ހަމައެއާއެކު ޙައްޖު ދަތުރަށްފަހު މެޑިކަލް އިވެލުއޭޝަނެއް ހޯދުމަކީ ތިމާގެ ސިއްހީ ހާލަތު ވަޒަންކުރުމަށާއި ލޯބިވާ މީހުންނަށް އެއްވެސް ބައްޔެއް ފެތުރުމުގެ ފުރުސަތު ކުޑަކުރުމަށް ވަރަށް މުހިންމު ކަމެއް ކަމަށް ޓްރީޓޮޕުން ފާހަގަކޮށްފައިވެއެވެ.

Tree Top Hospital offers special medical packages for returning pilgrims! Our post Hajj and Umra medical check-up package provides pilgrims with a comprehensive assessment on their health.

Learn more: https://t.co/hcmStxcvX2

For appointments please call 3351610.#tth pic.twitter.com/3IdfJ3uq9p

— Tree Top Hospital (@treetophospital) July 4, 2023

ހައްޖުކުރުމަށްފަހު ގިނަ އަދަދެއްގެ ފަރުދުންނަށް ބޮޑެތި ސިއްހީ މައްސަލަތައް ކުރިމަތިވާ ކަމަށާއި މިފަދަ ޗެކްއަޕްތައް ހެދުމަކީ ވަރަށް މުހިންމުު ކަމެއްކަން ޓްރީ ޓޮޕް ހޮސްޕިޓަލުން ވަނީ ހާމަކޮށްފައެވެ.

ޓްރީޓޮޕުން ބުނީ ސްކްރީން ޕެކޭޖާއި ގުޅޭ އިތުރު މައުލޫމާތު 3351610 އަށް ގުޅުމުން ލިބޭނެކަމަށެވެ.